شىڭدالۋ

قازاقستان رەسپۋبليكاسى قارۋلى كۇشتەرى قۇرلىق اسكەرلەرى اراسىندا جەكە قۇرامنىڭ اتىس قارۋىنان اتىس جاتتىعۋلارىن ورىنداۋدان جانە دەنە تاربيەسى دايىندىقتارىنان ەڭ ءۇز­دىك­تەردى انىقتاۋ ماقساتىندا «ىلە» پو­ليگونىندا ۇيىمداستىرىلعان جارىس­تىڭ قورىتىندىسى شىعارىلدى. اتىس جارىستارىندا «وڭتۇستىك» وڭىرلىك قولباسشىلىعى 21450 اسكەري ءبولىمى موتواتقىشتار باتالونىنىڭ ۆزۆودى, نىسانالاردىڭ 90 پايىزىنا ءدال تيگىزىپ, «ۇزدىك» باعا الدى. دەنە تاربيەسى دايىندىقتارىن ان­ىقتاۋ ءۇشىن جارىستىڭ باعدارلا­ما­سى­نا تۋرنيكتە تارتىلۋ مەن 3 شاقىرىم­عا جۇگىرۋ سياقتى دەنە تاربيەسى نورماتيۆتەرىن ورىنداۋ قاجەت بولدى. ءوڭىر­لىك قولباسشىلىقتار مەن اەرو­ۇتقىر اسكەرلەرىنەن قاتىسقان جەكە قۇرامدار جاقسى ناتيجەلەر كورسەتتى. مۇنداي سايىستار جازعى وقۋ كە­زە­ڭىندە دە ۇيىمداستىرىلاتىن بولادى. بۇل شارا جەكە قۇرام اراسىندا جا­رىس­تىڭ كەڭ ەتەك الۋىنا جانە ءبو­لىمدەگى كومانديرلەردىڭ جاۋىنگەرلىك ازىرلىگىن نىعايتۋعا تالپىنىسىن ارت­تى­رۋعا, سونىمەن بىرگە جارىس باعدار­لاماسىنا تانك بولىمشەلەرى ءۇشىن تانك­تەن جانە جاياۋ اسكەردىڭ جاۋىن­گەرلىك ماشيناسىنان, بروندى ترانپورتەردەن كوزدەپ اتۋدان ەمتيحاندار قابىلداۋدى ەنگىزۋگە, ال موتوات­قىش­تارعا, دەسانتتى-شابۋىلداۋشى ءبو­لىم­­شەلەر مەن تەڭىز جاياۋ اسكەرى ءاس­كەري قىزمەتشىلەرىنەن اتۋ ەرەجەسى مەن اتىس تاپسىرمالارىن شەشۋگە ءمۇم­كىن­دىك تۋعىزادى. بولاشاقتا قازاقستان رەسپۋبلي­كا­سى قارۋلى كۇشتەرى قۇرلىق اسكەر­لە­رىنىڭ قولباسشىلىعى مۇنداي جا­رىس­تاردى ارتيللەريا اسكەرلەرى ءبو­لىم­شە­لەرىندە, اۋە شابۋىلىنانا قور­عانىس, رحبق, ينجەنەرلىك-ساپەرلىك جانە بار­­لاۋ­شىلار بولىمشە­لە­رىن­دە ءوز ما­مان­­دىق­تارى بويىنشا وتكىزۋدى جوس­پار­لاماق. وكسانا پارپۋرا. سۋرەتتى تۇسىرگەن اباي لايكوۆ.