ءوز الەۋەتى جەتپەيتىنى انىقتالدى

جاپون زىلزالاسىنداعى قۇرباندار سانى 10 مىڭ ادامنان اسقانى ءمالىم بولدى. قازىرگى كەزدەگى باستى ماسەلە «فۋكۋسيمو-1» اەس-ءىنىڭ زاردابىن زالالسىزداندىرۋ بولىپ وتىر. وسى اەس-ءتىڭ قوجايىندارى – تەرسو فيرماسىنىڭ يەلەرى ءوز كۇشتەرى جەتپەگەندىكتەن, كەشە اپات زاردابىن جويۋعا فرانتسيا ماماندارىنان كومەك سۇراعان. بۇرىن جاپوندار اپاتتى ءوز كۇشتەرىمەن زالال­سىز­دان­دى­رامىز دەپ مالىمدەگەن بولاتىن. وسىعان وراي جاپون بيزنەسىنەن كومەك سۇرالعان ەدى. بىراق, اپاتتىڭ اۋماعى ءوز كۇش­تەرىمەن يگەرۋگە جەتپەي قالعان سىڭايلى. كومەك قولىن ۇسى­نۋ اقش ماماندارىنان دا ءوتىنىلىپ وتىر. ال تەرسو-نىڭ باسشىسى 66 جاستاعى م.شيميدزۋ وتستاۆكاعا كەتەتىن كورىنەدى. بۇگىنگى كۇنگە دەيىن فيرماعا كەلگەن شىعىن 29 ملرد. اقش دوللارىنا جەتكەنى انىقتالعان. ال كەشە جاپونيادا كۇشى 6,5 باللدىق تاعى ءبىر جەر سىلكىنىسى تىركەلدى. قانشا ۇمتىلسا دا كۇشتەرى كەلمەۋدە ليۆياداعى م.كاددافيگە قارسى حا­لىقارالىق وپەراتسيالاردى باسقارۋ قۇ­رىلىمدارىن جاساقتاۋ 29 ناۋرىزدا, ياعني بۇگىن اياقتالاتىنى بەلگىلى بول­دى. وسى كۇنى لوندوندا مينيسترلەر دەڭگەيىندەگى حالىقارالىق كونفەرەنتسيا ءوتىپ, وپەراتسيالاردىڭ ساياسي دي­رەك­تيۆالارى ازىرلەنەتىن كورىنەدى, دەيدى يتار-تاسس. بىراق كەشەگى كۇنى ليۆياداعى سوعىس ءالى اياقتالعان جوق بولاتىن. م.كاددافيدىڭ تۋعان قالاسى سيرتكە كواليتسيانىڭ كومەگىمەن شابۋىل جاساعان وپپوزيتسيالىق كۇشتەردىڭ ارە­كەتى جولدان توقتاتىلىپ, وكىمەت كۇشتەرىنىڭ تەگەۋرىنىنە شىداماي كەرى شەگىنۋگە ءماجبۇر بولعان. ال وپپوزيتسيا بۇل قالانى العانى جونىندە الدىن-الا مالىمدەمە جاساپ تا ۇلگەرگەن ەدى. جىعىلعانعا – جۇدىرىق دەگەن وسى كەشە يەمەننىڭ وڭتۇستىگىندە قارۋ جاسايتىن زاۋىت­تار­دىڭ بىرىندە قاتتى جارىلىس بولدى. سونىڭ زار­دا­بى­نان 34 ادام كوز جۇمىپ, ونداعان ادام اۋىر جارالانعان. وكىمەت وكىلدەرىنىڭ ايتۋىنا قاراعاندا, جارىلىس قاسا­قا­نا ءورت قويۋدىڭ سالدارىنان بولعان. وسى زاۋىتقا جەكسەنبى كۇنى عانا يسلاميست-جانكەشتىلەر شابۋىل جاساعان ەكەن. سو­عان قاراعاندا, وپپوزيتسيا ءۇشىن بۇل زاۋىتتىڭ ماڭىزى زور سەكىلدى. ءسويتىپ, جىعىلعانعا – جۇدىرىق دەگەندەي, ءتوڭ­كە­رىسشىلەردىڭ شابۋىلىن باسا الماي جاتقان ەلگە ەندى زاۋىت جارىلىسىنىڭ زارداپتارىن جويۋ ماسەلەسى ۇلكەن سىباعا تارتىپ وتىر. وزگە ەلدىڭ ساياساتىنا وكتەمدىك جاساماق يزرايل ارگەنتينانىڭ يرانمەن قاتىناسىمىزدى جاقسارتامىز دەگەن مالىمدەمەسىنە قاتتى شۇيلىگىپ وتىر. ويتكەنى, بۋەنوس-ايرەستە 1994 ەۆرەي قاۋىم­داس­تىعىندا قاتتى جارىلىس بولىپ 85 ادام, ال سونىڭ الدىندا, ەكى جىل بۇرىن ءدال وسى ەلدەگى ەۆرەي ەلشىلىگىندە جا­رىلىس بولىپ 29 ادام قازا بولعان ەدى. يزرايل مەن اقش بۇل جارىلىستى يران ات-تونىن الا قاشسا دا سول ەل جانكەشتىلەرىنىڭ قولىنان كەلگەن ءىس دەپ باعالاعان. وسىنى العا تارتقان يزرايل ارگەنتينانىڭ يرانمەن ساۋدا بايلانىسىن جاقسارتامىز دەگەن ساياساتىن قاتتى سىنعا الىپ, بۇل ءىس قازا بولعان جازىقسىز جانداردىڭ رۋحىن قورلاعاندىق دەپ جاريالادى جانە ارگەنتينا وكىمەتىنەن ءوز قادامدارىنا جاۋاپ بەرۋىن تالاپ ەتۋدە. ەگەر بۇل ىسكە وڭتايلى جاۋاپ بولماسا, كەلەسى اپتاعا جوس­پار­لان­عان ارگەنتينا سىرتقى ىستەر ءمينيسترى ح.تيمەرماننىڭ يزرايلگە ساپارى كەيىنگە قالدىرىلادى, دەلىنگەن مالىمدەمەدە. شۇجىق سوعىسى باستالىپ جاتىر ەۋروپانىڭ ورتاسىنداعى جاقسى دامىعان, تىنىش ەلدەردىڭ ءبىرى بەلگيادا دا ەتنوسارالىق كيكىلجىڭدەر قو­يىلماي كەلەدى. وسىعان قاراعاندا, «ماركسيستەردىڭ» كيكىل­جىڭ اتاۋلىنىڭ ءتۇپ توركىنى تەك الەۋمەتتىك قام­تاماسىز ەتۋدىڭ السىزدىگىندە دەگەن تۇجىرىمىنىڭ قاتە ەكەنىن كورسەتەدى. بۇل ەل پارلامەنتتىك سايلاۋدىڭ وتكەنىنە توعىز ايدان اسسا دا, ءالى كۇنگە وكىمەتتىك كواليتسيا قۇرا الماي كەلەدى. ءسويتىپ, 17 اقپاندا-اق بيلىكسىز ەلدىڭ رەكوردىن جاساعان. ەندىگى ايعاي شۇجىقتىڭ توڭىرەگىنەن شىقتى. فرانتسۋز تىلىندە سويلەيتىن ۆاللون ايماعى «اردەن شۇجىعىنىڭ» اتاۋىنا گەوگرافيالىق ارنايى مارتەبە بەرۋدى تالاپ ەتكەن. بۇل نيدەرلاند تىلىندە سويلەيتىن فلاندري ايماعىنىڭ تۇرعىن­دا­رىنىڭ اشۋ-ىزاسىن تۋعىزىپ وتىر. ويتكەنى, مۇنداي شۇجىق­تى ولار دا ەجەلدەن شىعارىپ كەلە جاتقان. كوممۋنيزم مەن فاشيزم تەڭ دەيدى ەستونيادا «كوممۋنيزم مەن فاشيزم تەڭ» دەگەن تاقى­رىپقا ەسسە جازۋعا ارنايى كونكۋرس جاريالاندى. بۇل كونكۋرس اۆتوريتارلىق رەجىم­دەردىڭ قىلمىستارىن اشكەرەلەۋدى ماق­سات ەتەدى, دەيدى ۇيىمداس­تى­رۋشىلار. كونكۋرسقا نەگىزىنەن گيمنازيا وقۋ­شى­لارى مەن ستۋدەنتتەر عانا قاتىسا الاتىن بولىپتى. جەڭىمپاز بولعان ەكى اۆتورعا بريۋسسەلگە تۋريستىك ساپارمەن بارۋدىڭ شىعىنى تولەنبەكشى. ەستونيا بيلىگى كسرو قۇرامىنا كۇشپەن ەنگىزىلىپ, وداقتاس رەسپۋبليكانىڭ ءبىرى بولعان جىلداردى رەسمي تۇردە وككۋپاتسيا جىلدارى دەپ باعالاعان. بۇل ەلدە 2003 جىلدان بەرى «كەڭەس وكىمەتىنىڭ باسقىنشىلىعى جىلدا­رىن­دا» دەپ اتالاتىن, 1940-1991 جىل­دارعا ارنالعان ارنايى مۋزەي دە بار. ورىس ءتىلىن جاقتاۋشىلار وپىنىسى ۋكراينا پارلامەنتىندەگى ورىس ءتىلىنىڭ جانا­شىرلارى الەكساندر ەفرەموۆ پەن پەتر سيمونەنكو دەگەن كومپارتيادان سايلانعان دەپۋتاتتار «تىلدەر تۋرالى» اتتى زاڭ جوباسىن تىركەتكەن بولاتىن. بۇل زاڭ جوباسىنىڭ نەگىزگى ماقساتى ورىس تىلىنە دە ۋكراين تىلىمەن بىردەي ەتىپ, رەسمي مارتەبە بەرۋدى جاقتاۋ بولاتىن. وسى جوبانىڭ دۇرىستىعى جوعارعى رادادا ۇزاق داۋ تۋ­دىرىپ, اقىرى قارسىلاستار ەۋرووداقتىڭ ۆەنەتسيا كوميس­سيا­سى­نىڭ تورەلىگىنە جۇگىنگەن بولاتىن. ەلدە دە ول ءبىراز شۋ تۋدىرىپ, مىڭداعان ادام وعان قارسىلىق ءبىلدىرۋ اكتسيا­سىنا قاتىسقان ەدى. جۋىردا ەۋروپا كوميسسياسى زاڭ جوبا­سىنىڭ ۋكراينا كونس­تي­تۋتسياسىنا قايشى ەكەنىن دالەلدەپ بەردى. ءسويتىپ, وزگە ەل تىلىنە ارتىقشىلىق بەرگىسى كەلگەندەر وپىنىپ قالدى. ينتەرنەت ماتەريالدارى نەگىزىندە ازىرلەندى.