اۆستريالىق تەلەارنا جۋرناليسىمەن كەزدەستى

كەشە ەل پرەزيدەنتتىگىنەن ۇمىتكەر, قازاقستان كوممۋنيستىك حالىقتىق پارتياسى اتىنان سايلاۋعا ءتۇسىپ جاتقان جامبىل احمەتبەكوۆ اۆستريالىق «ORF» تەلەارناسى ماسكەۋ بيۋروسىنىڭ ءجۋرناليسى ماركۋس ميۋللەرمەن كەزدەسىپ, ونىڭ قويعان ساۋالدارىنا جاۋاپ بەردى. اۆستريالىق جۋرناليست كان­ديداتقا ەل ىشىندەگى جاعدايعا, ونىڭ كوكەيىندە جۇرگەن ماسە­لە­لەرگە, ءوزىنىڭ سايلاۋالدى باع­دارلاماسىنا قاتىستى بىرقاتار ساۋالدار قويدى.  ماسەلەن, باق وكىلىنىڭ «قازاقستانداعى ساياسي جاعدايدى قالاي باعالايسىز؟» دەگەن ساۋالىنا جاۋاپ بەرگەن  ج.احمەتبەكوۆتىڭ پىكىرىنشە, الەم­نىڭ باسقا ەلدەرىندەگى سياق­تى قازاقستانداعى داعدارىس سالماعى دا ءبىرىنشى كەزەكتە ەل تۇر­عىن­دارىنىڭ يىعىنا تۇسكەن. «داع­دا­رىس كەزىندە حالىق بانكير­لەردىڭ تاۋەكەلشىلدىگىن كوتەرۋگە ءماجبۇر بولدى. سول سەبەپتى, قا­زىرگى تاڭدا قازاقستاندا الەۋ­مەت­تىك ماسەلەلەر الدىڭعى شەپكە شىقتى. بۇل, ەڭ الدىمەن, ازىق-ت ۇلىك, كوممۋنالدىق تولەمدەر باعاسى مەن تاريفتەرىنىڭ وسۋىنەن كورىنەدى. بۇعان ەڭبەكاقىنىڭ تومەندىگى مەن كوپ تۇرعىن ءۇي­لە­ر­د­ىڭ ساقالدى قۇرىلىسقا اينال­عانىن قوسىڭىز. ارينە, قازاق­ستان داعدارىس سالدارىنان بىرتىندەپ شىعىپ كەلەدى. دەمەك, ەندىگى كەزەكتە ەلدەگى جاعداي ۇكى­مەتتىڭ كاسىبي دەڭگەيىنە,   قابىل­داعان ساياسي شەشىمدەرىنىڭ ساپا­سىنا تىكەلەي بايلانىستى بولا­تى­نىن ايتۋىمىز كەرەك», – دەدى كانديدات ءوز سوزىندە. ج.احمەتبەكوۆپەن اڭگىمەلەسۋ بارىسىندا ماركۋس ميۋللەر ونىڭ الداعى وتەتىن سايلاۋدان قانداي ءۇمىت كۇتەتىنىن سۇرادى. «سايلاۋشىلاردىڭ داۋىسىن ساناپ, بولاشاققا الدىن الا بولجام جاساعىم كەلمەيدى. بۇل – ساياساتتانۋشىلاردىڭ جۇمىسى. مەن – ساياساتكەرمىن. مەنىڭ مىندەتىم – ەڭ سوڭىنا دەيىن كۇرەسۋ. ال بيلىكتىڭ مىندەتى – حالىقتىڭ ۇنىنە قۇلاق سالۋ, ولاردىڭ مۇڭ-مۇقتاجىنا ءمان بەرۋ, الەۋمەتتىڭ الەۋەتىن كوتەرۋ», –  دەدى ول. سۇحبات بارىسىندا جۋرناليست كانديداتقا ءوزىنىڭ حالىققا ۇسىنىپ وتىرعان سايلاۋالدى باع­دارلاماسىنىڭ باستى ۇستا­نىم­دارى جونىندە ايتىپ بەرۋىن سۇرادى. قازاقستان كوممۋنيستىك حالىقتىق پارتياسىنىڭ وكىلى ءوز سايلاۋالدى باعدارلاماسىنىڭ 3 ۇستانىمعا نەگىزدەلگەنىن, ولار­دىڭ العاشقىسى – ەلدەگى ەڭ ءتو­مەنگى ءومىر ءسۇرۋدىڭ ەسەپتىك كور­سەتكىشىن حالىقارالىق ستاندارت­قا ءساي­كەس­تەندىرۋگە, ەكىنشىسى – قازاق­ستان­نىڭ مەملەكەتتىك جو­عارى وقۋ ورىندارىن بىتىرگەن جاس­تاردىڭ جۇمىسقا ورنالاسۋ­لا­رىن كەپىلدەندىرۋگە, ال ءۇشىنشىسى ەلدەگى كوممۋنالدىق تولەمدەر جۇيەسىن جاڭعىرتۋعا باعىتتال­عا­نىن اتاپ ءوتتى. سۇحبات بارىسىندا ج.احمەتبەكوۆ حالىقشىل كوممۋنيس­تەر­دىڭ 2012 جىلعى پارلامەنتتىك ساي­لاۋعا بەلسەندى تۇردە قاتى­سا­تىنىن, بۇل رەتتە ءوز تاراپ­تا­رى­نان «جاڭا الەۋمەتتىك باعىت» باع­دارلاماسى  ۇسىنىلاتىنىن اتاپ كورسەتتى. «سول ارقىلى ءبىز قازىرگى تاڭداعى ساياسي جانە الەۋ­مەتتىك-ەكونوميكالىق جۇيەگە پار­لامەنتاريزمنىڭ قانداي دا ءبىر قۇرىلىمدارى نەگىزىندە اسەر ەتكىمىز كەلەدى», – دەدى ول ءوز سوزىندە. ءلايلا ەدىلقىزى.