تيىمدىلىگى جوعارى پرەپارات

نانوتەحنولوگياعا نەگىزدەلگەن «بيوپلانت-فلورا» ورگاني­كا­لىق-مينەرالدى تىڭايت­قى­شى­نىڭ تيىمدىلىگى جايلى سول­تۇستىكقازاقستاندىق ديقاندار ەندى-ەندى ءبىلىپ جاتىر. وسى اتتاس زاۋىتتىڭ قۇرىلىسى  قى­زىل­جار وڭىرىندە قولعا الىن­عاندا الابوتەن قۋانعان-دى. زاۋىتتىڭ ءبىرىنشى كەزەگىن ىسكە قوسۋ جازعا  بەلگىلەنگەن. وعان دەيىن  ەداۋىر ۋاقىت بار. ەگىنشىلەر پرەپاراتتىڭ جامبىل اۋدانى «اگروتەحنيكا» جشس-نىڭ ەگىس القاپتارىندا سى­نا­ق­تان ءوتىپ, مول ءونىم بەرگەنىن ەستىگەننەن كەيىن تاجىريبەلىك ءۇل­گىدە قولدانۋدى ءجون كوردى. وبلىس اكىمى سەرىك ءبىلالوۆ ولار­دىڭ ءوتىنىش-تىلەكتەرىن ەسكەرىپ, رە­سەي­دىڭ  «بيوپلانت-فلورا» كوم­پا­نياسى باسشىلارىنا ۇسى­نىسپەن شىقتى. رەسەيلىكتەر  كوپ كۇت­تىرگەن جوق.  ءتۇرلى ءادىس­تە­مە­لىك قۇرالدارىن, پرەپاراتتىڭ شىنى قۇتىداعى ۇلگىلەرىن قوسا الا كەلدى. اۋدان اكىمدەرى مەن ءىرى اگرو­قۇرىلىم باسشىلارى  قاتىسقان جيىندا ورگانيكالىق-مينەرال­دىق تىڭايتقىشتىڭ ەكونومي­كالىق جانە ەكولوگيالىق وراسان پايداسىن العا تارتقان كومپانيا پرەزيدەنتى اكوپ ازاريان  قول­دان كەلگەن كومەكتەرىن اياماي­تىن­دارىن, ءۇش مىڭ تونناعا دەيىن بوساتا الاتىندارىن جەتكىزدى. ونىڭ  ايتۋىنشا,  پرە­پارات­تىڭ قولدانۋ ءادىسى وتە قارا­پايىم, ال تيىمدىلىگى وتە جو­عا­رى. بۇرىننان قالىپ­تاس­قان ەگىنشىلىك مادەنيەتىن ساق­تاي وتى­رىپ سىڭىرۋگە بولادى. با­لۋىزعا اسەرى مول. اس­تىقتىڭ ءپىسۋ مەرزىمىن ءبىرشاما قىس­قار­تا الادى. ەڭ باستىسى, باعاسى قىمبات ۋلى حيمي­كاتتاردى قولدانۋ بارىنشا ازايادى. وسىلايشا استىقتى ال­قاپ­تا  كوكتەمگى دالا جۇمىستارى ءوز­گەشە جاڭالىقپەن باستال­عالى وتىر. ءومىر ەسقالي. سولتۇستىك قازاقستان وبلىسى.