اۋىر اتلەتيكا: بۇگىن جانە ەرتەڭ

سوڭعى كەزدەرى اۋىر اتلەتيكادان قازاق­ستان قۇراماسى ءار جارىستاردا كەم دەگەندە ەكى-ءۇش التىن جۇلدە الاتىن جاعدايعا جەتىپ وتىر. بۇعان بەيجىڭ وليمپياداسى, 2009 جانە 2010 جىلدارى وتكەن الەم چەمپيوناتتارى مەن ازيا ويىندارى دالەل بولا الادى. قىتايدا قا­زاق­ستان قۇراماسى ءبىر التىن, ەكى كۇمىس جانە ءبىر قو­لا يەلەنسە, گويانگ پەن انتالياداعى الەم­دىك دودادا التى التىن جانە ءبىر قولا مەدال جە­ڭىپ ال­دى. ال بىلتىر گۋانچجوۋدا وتكەن ازيا ويىن­دا­رىن­دا سپورت­شى­لارىمىز ءۇش ال­تىن جانە كۇمىس پەن قولا جۇلدەلەر اكەلدى. بۇل اۋىر اتلەتيكا فەدە­را­تسياسىنىڭ جارىس­تىڭ وسى ءتۇرىن جىل­­دان جىلعا دامىتۋ ءۇشىن قولدا بار جاعدايدىڭ ءبارىن جاساپ كە­لە جاتقانىن كورسەتەدى. جاقىندا ءبىز وسى جاعدايدى ءبىلۋ ءۇشىن ازيا اۋىر اتلەتيكا كونفەدەراتسياسىنىڭ ۆيتسە-پرەزيدەنتى, ەلىمىزدىڭ اۋىر اتلەتيكا فەدەرا­تسيا­سىنىڭ پرەزيدەنتى قايرات تۇرلىحانوۆتى اڭگىمەگە تارتقان ەدىك. – قايرات بولات ۇلى, بىل­تىر­عى جىلعى جارىستارعا قان­داي باعا بەرەر ەدىڭىز؟ وتكەن جىلعا وكپەڭىز جوق پا؟ – وكپەم جوق. بىلتىرعى جۇ­­مىس­­تار جوسپارلى, جۇيەلى تۇردە ءوتتى. بۇگىندە قازاقستاننىڭ اۋىر اتلەتيكاسىن بۇكىل الەم بىلەدى. 2010 جىلى ءبىزدىڭ سپورتشىلار جاق­سى ونەر كورسەتتى. ەندى الداعى باستى ماقساتىمىز – لوندون وليم­پيا­دا­سىندا ەكى-ءۇش التىن جۇلدە جەڭىپ الۋ. ار جاعىندا كۇمىس, قولا مەدالدار بولاتىنى انىق. – ەكى-ءۇش التىن بىزگە از بولماي ما؟ – ءبىز التىنعا دانىگىپ العان سياقتىمىز. لوندون وليمپيا­دا­سىن­دا التىن الۋ وڭاي بولمايدى. سوندىقتان بىزگە قازىردەن باستاپ چەمپيوندارعا كوپ ءۇمىت ارتا بەرمەي, كوپتىڭ اراسىندا كورىنبەي جۇرگەن جاستاردى شىعارۋ كەرەك. – بىزدە جاڭا ەسىمدەر شىعىپ جاتىر عوي. ولار تۋرالى نە ايتار ەدىڭىز؟ – الەم چەمپيوناتىنا الماس وتەشوۆ پەن داۋرەن شاۋتەەۆتى اپار­دىق. جاڭا جىل الدىندا شىم­كەنتتە وتكەن قازاقستان كۋبوگىندا جاس­تارى­مىز جاقسى جاعىنان كو­رىن­دى. جاس­تار ىشىندە تاعى جازيرا جا­پاركۇل, ءرۇس­تەم سىباي, رومان رۋسيانوۆسكي, قۋا­نىش راحاتوۆ, ەربولات جولامانوۆ, ايبول الدابەرگەنوۆ, الەك­ساندر زايچيكوۆ, ەربول مەيىرمانوۆ پەن ساۋلە سادۋاقاسوۆانى ايتۋ­عا بولادى. قازىر جاستارعا قول­داۋ كورسەتىلىپ جاتقانى تەك فەدە­را­تسيا­نىڭ عانا ەمەس, ول تۋريزم جانە سپورت مينيسترلىگى مەن باپكەرلەر كو­مان­داسىنىڭ بىرىگىپ ىستەپ جاتقان جۇ­مىسى. اۋىزبىرلىك, ءتارتىپ بولسا ءبارى بولادى. – شەت ەل ماماندارى سىزدەرگە قانداي كەڭەس بەرىپ ءجۇر؟ – افينا وليمپياداسىنان كەيىن سول كەزدەگى تۋريزم جانە سپورت اگەنتتىگىنىڭ توراعاسى داۋلەت تۇر­لىحانوۆ تۇركيادان ەنۆەر تۇركە­لەري­دى شاقىرعانىن بىلەسىزدەر. وسى كىسى بىزگە كوپ كومەكتەسۋدە. ءبىز­گە دەيىن دە ول 2-3 وليمپيادا چە­م­پيونىن دا­يىن­داعان. بىلىكتى باپكەر جاسى ءوزى­نىڭ ارىپتەس­تەرى­نەن ۇلكەن بولعانى­مەن ءبا­رىن ءبىلىپ وتىرادى. سپورت­شى­نىڭ دەڭ­گەيىن, كىمگە قان­داي تاماق جاعا­تى­نىن, قانداي ۆيتامينيزاتسيا كەرەك ەكەنىن ءبارىن بىلەدى. ونىڭ قا­زاق­­ستان­دا تۇ­رىپ جاتقانىنا 10 جىل­دان استام ۋاقىت بولدى. كەلەسى جىلى بۇيىرسا, ەكىنشى وليمپياداسى بو­لا­دى. قازىر ءبىزدىڭ باپكەرلەر سو­عان قا­راپ كوپ نارسەنى ۇيرەنىپ ءجۇر. جا­قىندا ونىڭ ۇلى سەمەيدىڭ قىزىن الدى. ەندى ول قازاققا قۇدا بولىپ وتىر. – وتكەن جىلى جارىستاردا قاتەلىكتەر بولدى ما؟ – انتاليادا وتكەن الەم چەم­پيو­ناتىنا كوڭىلىم تولمادى. گۋانچجوۋدا بۇدان دا جاقسى ونەر كور­سەتۋگە بولار ەدى. بىراق وعان بار كۇشىمىزدى سال­مادىق. ويتكەنى, الداعى جا­رىس­تارعا دايىندالۋ ءۇشىن ءوزىمىزدىڭ قۇ­پيا­­ل­ا­رى­مىزدى اش­قىمىز كەلمەدى. ونى تاك­تيكا­لىق ءادىس, ايلا-ءتاسىل دەيدى عوي. ولار­­سىز جارىسقا قاتى­سۋعا بولمايدى. – قازىر اۋىر اتلەتيكاعا «سا­م­­رۇق-قازىنا» قورىنىڭ كوپ كو­مەك­تەسىپ جاتقانىن بىلەمىز. بىل­تىر سىزدەرگە قور قانشا قارجى ءبولدى؟ – «سامرۇق-قازىنا» قورى­نىڭ توراعاسى قايرات كەلىمبەتوۆكە, ونىڭ جانىنان قۇرىلعان «سا­م­رۇق-قازى­نا-استانا» كورپوراتيۆتىك قورىنا كوپ راحمەتىمدى ايتقىم كەلەدى. ون­داعى ازاماتتار جارىسقا با­رىپ, اۋىر اتلە­تي­­كا­نىڭ جاعدا­يىن ءوز كوز­دەرى­مەن كو­ر­­گەن­نەن كەيىن بىزگە كومەك­تەسىپ جا­تىر. وسى­نىڭ ءبارى بىرىگىپ ىستەگەن جۇ­مىس­تىڭ ار­قاسى دەپ بىلەمىن. ال بىلتىر قور اۋىر اتلەتيكاعا 1 ملن. اقش دول­لارى كولەمىندە قار­جى ءبولدى. بيىل الماتى وبلىسىندا سالىناتىن اۋىر اتلەتيكا ورتا­لى­عىنا 4 ملن. اقش دوللارىن بولەيىن دەپ وتىر. – وسى ورتالىق جونىندە ايت­ساڭىز, وندا نە بولادى؟ قانداي جاعداي جاسالادى؟ – بۇل عىلىمي زەرتتەۋ ورتالى­عى بولادى. ول الماتى وبلى­سى­نىڭ قا­را­ساي اۋدانى مەن جامبىل وبلى­سى­نىڭ تۇيىسكەن جەرىندە ءۇش­قوڭىرعا قا­راي سالىنادى. وندا ءدۇ­نيە ءجۇزىنىڭ ماماندارى وقۋ-جات­تىعۋ جيىندارىن وتكىزىپ, باپكەرلەرمەن تاجىريبە ءبو­لى­سەدى. ور­تا­لىقتىڭ اكىمشىلىك كورپۋسى, باسسەين, فۋتبول, باسكەتبول الاڭ­دارى, قوناق ءۇيى, 30 شاقتى پوموست, مەدي­تسينالىق بولمەلەرى بو­لادى. ول جەر­گە قىتاي مەن رەسەي­دىڭ مەدي­تسينالىق ما­مان­داردى شاقىرۋدى جوسپارلاپ وتىرمىز. قىتايدا 8 ملن. ادام اۋىر اتلەتيكامەن اينا­لىسادى ەكەن. ءبىز دە سولاردان ۇلگى الساق دەپ ويلايمىن. – قىتايدان مايا مانەزا مەن زۋلفيا چينشانلونى شا­قىرىپ ەدىك قوي... – ءيا, ولاردى ءبىز ناتيجە ءۇشىن, ەكەۋىنە قاراپ ءبىزدىڭ سپورتشى­لارىمىز بوي تۇزەسىن دەگەن ويمەن, ەكەۋى زىلتەمىر كوتەرىپ جاتسا, ءبىزدىڭ سپورتشى­لاردىڭ وسىنى مەن نەگە كوتەرە ال­مايمىن, ولاردان قاي جەرىم كەم دەپ ويلاندىرۋ ءۇشىن الدىق. – ەندى ناتيجە كورىنىپ جاتىر ما؟ – ناتيجە بار. – كەلەسى وليمپياداعا كىم بارادى؟ – ونى ايتۋ ءالى ەرتە. الدى­مىز­دا ءالى پاريجدە وتەتىن الەم چەمپيوناتى تۇر. – قازىر قازاقستانعا كەلىپ, ەلى­مىزدىڭ اتىنان سىنعا ءتۇسىپ, سپورت­تىق كارەراسى بىتكەن سوڭ ءوز ەلدەرىنە كەتىپ جات­قان­دار بار عوي. رەسەيدەن كەلگەن سۆەتلانا پودو­بەدوۆانى ايتا­مىن. ونىڭ قايتىپ كەتۋ ويى جوق پا؟ – شىنىن ايتۋ كەرەك, ءبىز ونى ىزدەگەن جوقپىز. ول ءبىزدى ءوزى ىزدەپ كەلدى. قازىر قازاقستاننىڭ جاع­دا­يىن كورىپ, بىزگە كەلگىسى كەلەتىندەر كوپ. وتە كوپ. ولاردى الۋ ويى­مىزدا جوق. ءبىز ءوزىمىزدىڭ سپورت مەكتەپتەرىندەگى ۇل-قىز­دارى­مىزدى كو­تەرۋىمىز كەرەك. – كەزىندە ءوزىڭىز سەمەيدىڭ اكىمى بولدىڭىز عوي. جەرگىلىكتى جەردە سپورتتى دامىتۋ ءۇشىن الدىمەن نە ىستەۋ كەرەك دەپ ويلايسىز؟ – ول ءۇشىن اكىمدىكتە, سپورت باس­قارماسىندا جەرگىلىكتى سپورت­تى جاق­سى بىلەتىن ادام وتىرۋى كەرەك. بۇل سپورتقا قانا ەمەس, بار­لىق سالاعا بايلانىستى. مىسا­لى, تۋريزم جانە سپورت ءمينيسترى تەمىرحان دوسمۇحام­بەتوۆ ءوزى سپورت ما­ما­نى بولعاننان كەيىن سپورتتى جاقسى بىلەدى. سپورتقا جاۋاپتى ادام سو­نىڭ ىشىندە ءجۇرۋى كەرەك, ول ادام­نىڭ ىشكى دۇنيەسى بولۋى كەرەك. كەيدە ول كىسى بىزگە كەلىپ, نەگە بۇلاي بولدى, ونىڭ سەبەبى نەدە دەپ سۇراستىرىپ جاتادى. – جوعارىداعى ساۋالدى قو­يىپ وتىرعانىمىز بارلىق ءوڭىر­دە اۋىر اتلەتيكا بىردەي دامىسا دەگەن تىلەك قوي بىزدىكى. – ونىڭ دۇرىس, ارينە. ول ءۇشىن جەر­گىلىكتى سپورت باسقارماسىنىڭ باس­شىسى اكىممەن تىعىز باي­لان­ىس­تا جۇ­مىس ىستەۋى كەرەك. اكىمگە ساۋات­تى ءتۇر­دە جاعدايدىڭ ءبارىن ءتۇسىندىرىپ, ءوز ويىن ناقتى دالەلدەرمەن جەتكىزەتىن بول­سا, اۋىل, اۋدانداعى سپورتتىڭ دا­مي­تىنى ءسوزسىز. وسى جەردە اۋىر ات­لە­تي­كانىڭ الماتى وبلىسىندا جاق­سى دا­مىپ كەلە جاتقانىن اتاپ وتكەن ءجون. وب­لىس اكىمى سەرىك ءۇم­بەتوۆكە كوپ راحمەت, ول كىسى جالپى بارلىق سپورتقا قول­دا بار جاع­دايدىڭ ءبارىن جاساپ جاتىر. اڭگىمەلەسكەن داستان كەنجالين.