«تاۋەلسىزدىك تولعاۋى» رەسپۋبليكالىق كونكۋرسى
1. جالپى ەرەجەلەر
1. رەسپۋبليكالىق «تاۋەلسىزدىك تولعاۋى» كونكۋرسىن وتكىزۋدىڭ قاعيداسى (بۇدان ءارى - قاعيدا) «مادەنيەت تۋرالى» قازاقستان رەسپۋبليكاسىنىڭ
2006 جىلعى 15 جەلتوقسانداعى زاڭىنا ءسايكەس ازىرلەندى جانە رەسپۋبليكالىق «تاۋەلسىزدىك تولعاۋى» كونكۋرسىن (بۇدان ءارى - كونكۋرس) وتكىزۋدىڭ ءتارتىبى مەن شارتتارىن ايقىندايدى.
2. كونكۋرس قازاقستان رەسپۋبليكاسى تاۋەلسىزدىگىنىڭ 20 جىلدىعىنا ارنالادى جانە تاۋەلسىزدىكتىڭ تاريحي ماڭىزدىلىعى مەن جاڭا قازاقستاننىڭ قالىپتاسۋىن ايشىقتايتىن جاڭا تۋىندىلاردى شىعارۋدى ىنتالاندىرۋعا باعىتتالعان.
2. كونكۋرستىڭ ماقساتتارى مەن مىندەتتەرى
3. كونكۋرستىڭ ماقساتتارى مەن مىندەتتەرى:
1) زامان تالابىنا ساي جاڭا قوعامدىق-ماڭىزدى درامالىق جانە مۋزىكالىق شىعارمالاردىڭ جازىلۋىنا جول اشۋ;
2) وتاندىق اۆتورلاردى قولداۋ;
3) رەسپۋبليكا تەاترلارى مەن كونتسەرتتىك ۇيىمدارى رەپەرتۋارلارىن بۇگىنگى كۇننىڭ تالابىنا ساي كوركەمدىك دەڭگەيى جوعارى جاڭا تۋىندىلارىمەن تولىقتىرۋ;
4) ونەر تۋىندىلارى ارقىلى قازاقستاندىق پاتريوتيزم مەن ۇلتتىق مادەنيەتكە دەگەن سۇيىسپەنشىلىكتى قالىپتاستىرۋ;
5) مادەنيەت سالاسىنداعى مەملەكەتتىك ساياساتتى جۇزەگە اسىرۋ.
3. كونكۋرستى وتكىزۋدىڭ ءتارتىبى جانە شارتتارى
7. كونكۋرس كەلەسى نوميناتسيالار بويىنشا وتكىزىلەدى:
1) ەڭ ۇزدىك وپەرالىق شىعارما;
2) ەڭ ۇزدىك درامالىق شىعارما;
3) وركەسترگە ارنالعان ەڭ ۇزدىك كولەمدى شىعارما;
4) حورعا ارنالعان ەڭ ۇزدىك شىعارما;
5) ەڭ ۇزدىك زاماناۋي تاقىرىپتاعى ءان.
8. نوميناتسيالار بويىنشا كەلەسى تالاپتار قويىلادى:
1) «ەڭ ۇزدىك وپەرا» نوميناتسياسى بويىنشا - وپەرا, ۇزاقتىعى
80 مينۋتتان كەم بولماۋى كەرەك;
2) «ەڭ ۇزدىك درامالىق شىعارما» نوميناتسياسى بويىنشا - ەكى اكتىدەن تۇراتىن درامالىق شىعارما, ءماتىن كولەمى 40 پاراقتان, قارىپ - Times New Roman, مولشەرى № 14, جولارالىق ينتەرۆال - ءبىر جولدىق, ۇزاقتىعى 105 مينۋتتان كەم بولماۋى كەرەك;
3) «وركەسترگە ارنالعان ەڭ ۇزدىك كولەمدى شىعارما» نوميناتسياسى بويىنشا سيمفونيالىق, كامەرالىق نەمەسە حالىق اسپاپتارى وركەسترلەرىنە ارنالعان كولەمدى شىعارما ۇسىنىلادى;
4) «حورعا ارنالعان ەڭ ۇزدىك شىعارما» نوميناتسياسى بويىنشا حورعا نەمەسە جەكە ورىنداۋشى(لار) مەن حورعا ارنالعان ءبىر نەمەسە كوپ ءبولىمدى (تسيكلدى) شىعارما (a capella نەمەسە سۇيەمەلدەۋمەن) ۇسىنىلادى;
5) «ەڭ ۇزدىك زاماناۋي تاقىرىپتاعى ءان» نوميناتسياسى بويىنشا جەكە ورىنداۋشىلارعا ارنالعان, ۇزاقتىعى 5 مينۋتتان اسپايتىن ءان ۇسىنىلادى.
9. كونكۋرسقا بەلگىلەنگەن نوميناتسيالار شەڭبەرىندە جەكە اۆتورلاردىڭ نەمەسە اۆتورلىق ۇجىمداردىڭ شىعارمالارى قابىلدانادى.
10. ۇسىنىلاتىن شىعارمالار بۇرىن-سوڭدى ورىندالماعان جانە جاريالانباعان, كونكۋرستارعا قاتىستىرىلماعان جاڭا شىعارما بولۋى كەرەك.
11. اۆتورلار ءبىر نەمەسە بىرنەشە نوميناتسياعا قاتىسا الادى. ءار نوميناتسيا بويىنشا اۆتور تەك ءبىر شىعارما عانا ۇسىنا الادى.
12. بارلىق كونكۋرسقا قاتىسۋشىلار ءوزدەرىنىڭ شىعارمالارىن جاسىرىن اتپەن (ۇرانمەن) ۇسىنادى. كونكۋرسقا ۇسىنىلعان شىعارمالار رەتسەنزيالانبايدى جانە قايتارىلمايدى.
13. قاتىسۋشىلاردىڭ جاس مولشەرىنە شەك قويىلمايدى.
14. كونكۋرسقا قاتىسۋعا بايلانىستى بارلىق شىعىنداردى قاتىسۋشىلار ءوز تاراپتارىنان وتەيدى.
15. قازىلار القاسىنا اۆتورلارى كورسەتىلمەگەن (ۇرانمەن) كونكۋرستىق شىعارمالار ۇسىنىلادى.
16. ءار شىعارما 10-بالدىق جۇيە بويىنشا باعالانادى, سونان سوڭ بارلىق قازىلار القاسىنىڭ بالدارىنىڭ قوسىندىسى شىعارىلادى.
17. ەڭ ۇلكەن بالل العان شىعارما كونكۋرستىڭ جەڭىمپازى اتانادى.
18. كونكۋرستىڭ قورىتىندىسى 2011 جىلدىڭ IV توقسانىندا شىعارىلادى جانە www.mk.gov.kz, www.ruhdk.kz. ينتەرنەت-رەسۋرستارىندا ورنالاستىرىلادى.
19. ەگەر بىرلەسكەن اۆتورلاردىڭ درامالىق شىعارماسى كونكۋرستىڭ جەڭىمپازى اتانسا اقشالاي سىياقى اۆتورلاردىڭ اراسىندا تەڭ بولىنەدى.
20. ەگەر بىرلەسكەن اۆتورلاردىڭ مۋزىكالىق شىعارماسى كونكۋرستىڭ جەڭىمپازى اتانسا, اقشالاي سىياقىنىڭ 70 (جەتپىس) پايىزى كومپوزيتورعا, ال 30 (وتىز) پايىزى سوزدەرىنىڭ اۆتورىنا (ليبرەتشىگە) تولەنەدى. ەگەر دە كومپوزيتورلار مەن سوزدەرىنىڭ اۆتورلارى ەكى جانە ودان كوپ ادام بولسا, كومپوزيتورلار اراسىندا اقشالاي سىياقىنىڭ 70 (جەتپىس) پايىزى تەڭ بولىنەدى, سوزدەرىنىڭ اۆتورلارى اراسىندا اقشالاي سىياقىنىڭ 30 (وتىز) پايىزى تەڭ بولىنەدى.
21. جەڭىمپاز اتانعان درامالىق شىعارمالار مەملەكەتتىك تەاترلاردا ەكى رەتكە دەيىن تەگىن قويىلادى, سونان كەيىنگى قويىلىمدار قولدانىستاعى اۆتورلىق قۇقىق جانە ارالاس قۇقىقتار سالاسىنداعى زاڭناماعا سايكەس جۇزەگە اسىرىلادى.
22. جەڭىمپاز اتانعان وپەرالىق جانە مۋزىكالىق شىعارمالار مەملەكەتتىك مادەنيەت ۇيىمدارىنىڭ رەپەرتۋارىنا قوسۋ ءۇشىن ۇسىنىلادى.
23. كونكۋرسقا قاتىسۋ ءۇشىن قاجەتتى قۇجاتتار:
1) وپەرالىق شىعارمانىڭ پارتيتۋراسى, كلاۆيرى, مەملەكەتتىك جانە ورىس تىلدەرىندەگى ليبرەتتوسى ۇسىنىلادى. سونىمەن قاتار, «Finale», «Sibelius» جانە باسقا دا نوتالىق رەداكتورلاردىڭ, سونداي-اق PDF, TIFF فورماتتارىنىڭ بىرىندە سD نەمەسە «USB Flash Drive» («فلەشكا») تاسىعىشقا جازىلعان شىعارمانىڭ ەلەكتروندىق نۇسقاسى ۇسىنىلادى;
2) درامالىق شىعارما بويىنشا شىعارمانىڭ قاعاز تۇرىندەگى ەكى داناسى جانە CD-گە جازىلعان ەلەكتروندىق نۇسقاسى (قارىپ - Times New Roman, مولشەرى № 14, جولارالىق ينتەرۆال - ءبىر جولدىق) ۇسىنىلادى.
3) مۋزىكالىق شىعارمالار بويىنشا (حور, سيمفونيالىق, كامەرالىق جانە حالىق اسپاپتارى وركەسترلەرىنە ارنالعان) شىعارمانىڭ پارتيتۋراسى, Finale», «Sibelius» جانە باسقا دا نوتالىق رەداكتورلاردىڭ, سونداي-اق PDF, TIFF فورماتتارىنىڭ بىرىندە سD-گە نەمەسە «USB Flash Drive» («فلەشكا») تاسىعىشقا جازىلعان شىعارمانىڭ ەلەكتروندىق نۇسقاسى ۇسىنىلادى;
4) زاماناۋي تاقىرىپتاعى ءان بويىنشا ءاننىڭ قاعازعا تۇسىرىلگەن نوتاسى مەن ءسوزى - 2 دانا, Finale», «Sibelius» جانە باسقا دا نوتالىق رەداكتورلاردىڭ, سونداي-اق PDF, TIFF فورماتتارىنىڭ بىرىندە سD-گە نەمەسە «USB Flash Drive» («فلەشكا») تاسىعىشقا جازىلعان شىعارمانىڭ ەلەكتروندىق نۇسقاسى ۇسىنىلادى;
5) وسى قاعيدانىڭ قوسىمشاسىنا سايكەس بەلگىلەنگەن نىسانداعى ءوتىنىش, اۆتوردىڭ پاسپورتىنىڭ نەمەسە جەكە كۋالىگىنىڭ جانە قازاقستان رەسپۋبليكاسى ادىلەت مينيسترلىگىنىڭ زياتكەرلىك مەنشىك قۇقىعى كوميتەتىمەن بەرىلگەن زياتكەرلىك مەنشىك وبەكتىسىن مەملەكەتتىك تىركەۋ تۋرالى كۋالىكتىڭ كوشىرمەلەرى.
24. ءاربىر قاتىسۋشى تاڭداعان نوميناتسياسىنا قاتىستى قۇجاتتاردى جەلىمدەلگەن ەكى كونۆەرتپەن جىبەرەدى.
№ 1 كونۆەرتپەن وسى قاعيدانىڭ 23-تارماعىنىڭ 1) - 4) - تارماقشالارىندا كورسەتىلگەن قۇجاتتار جىبەرىلەدى. كونۆەرتتىڭ سىرتقى بەتىندە: مىناداي مازمۇنداعى ءماتىن: «№ 1 كونۆەرت» جانە «تاۋەلسىزدىك تولعاۋى كونكۋرسى», شىعارمانىڭ ۇرانى, نوميناتسيا مەن اتاۋى جازىلىپ كورسەتىلەدى.
№ 2 كونۆەرتپەن وسى قاعيدانىڭ 23-تارماعىنىڭ 5) - تارماقشاسىندا كورسەتىلگەن قۇجاتتار جىبەرىلەدى. كونۆەرتتىڭ سىرتقى بەتىندە مىناداي مازمۇنداعى ءماتىن: «№ 2 كونۆەرت» جانە «تاۋەلسىزدىك تولعاۋى كونكۋرسى», شىعارمانىڭ ۇرانى مەن ءوتىنىش بەرۋشىنىڭ پوشتالىق مەكەن-جايى (ەگەر ول «كەشىككەن» بولىپ جاريالاناتىن بولسا, كونكۋرسقا قاتىسۋعا ءوتىنىمدى اشپاي قايتارۋ ماقساتىندا) جازىلىپ كورسەتىلەدى.
25. قۇجاتتار 2011 جىلدىڭ 15 قىركۇيەگىنە دەيىنگى مەرزىمدە مىنا مەكەن-جايعا جىبەرىلۋى ءتيىس: 010000, قازاقستان, استانا قالاسى, ەسىل اۋدانى, تۇركىستان كوشەسى 8 ءۇي, «وليمپ پالاس» ت/ك, كج-18, 8 كىرەبەرىس, بلوك «L», «قازاقستان حالقىنىڭ رۋحاني دامۋ قورى» اق, E-mail: info@ruhdk.kz, تەل:
8 (7172) 54-64-77.
26. كورسەتىلگەن مەرزىمدى بۇزۋ ارقىلى جىبەرىلگەن قۇجاتتار قاراۋعا قابىلدانبايدى.
4. ۇيىمداستىرۋ كوميتەتى
27. قازاقستان رەسپۋبليكاسىنىڭ مادەنيەت مينيسترلىگى كونكۋرستى وتكىزۋ بويىنشا ۇيىمداستىرۋ كوميتەتىنىڭ قۇرامىن بەكىتەدى.
28. ۇيىمداستىرۋ كوميتەتى مەملەكەتتىك ورگاندار مەن كونكۋرستى وتكىزۋگە قاتىسۋشى ءمادەنيەت ۇيىمدارى وكىلدەرىنەن قۇرالادى. ۇيىمداستىرۋ كوميتەتىنىڭ مۇشەلەرى ءوز فۋنكتسيالارىن قوعامدىق باستامامەن جۇزەگە اسىرادى.
29. ۇيىمداستىرۋ كوميتەتى كونكۋرستى دايىنداۋ جانە وتكىزۋ بويىنشا باسشىلىقتى ءجۇزەگە اسىرادى, جۇلدەلى ورىنداردىڭ سانى مەن اقشالاي سىياقىنىڭ مولشەرىن انىقتايدى.
30. ۇيىمداستىرۋ كوميتەتى ءىس-شارانىڭ اقپاراتتىق-جارنامالىق قولداۋ تۇرلەرىن ايقىندايدى.
31. ۇيىمداستىرۋ كوميتەتى كونكۋرستى دايىنداۋ جانە وتكىزۋ بارىسىندا تۋىندايتىن وزگە دە ۇيىمداستىرۋ ماسەلەلەرىن شەشەدى.
5. كونكۋرستىڭ قازىلار القاسى
32. كونكۋرستىڭ قورىتىندىسىن شىعارۋ ءۇشىن قازىلار القاسى قۇرىلادى. قازىلار القاسىنىڭ قۇرامى مەملەكەتتىك ورگانداردىڭ وكىلدەرىنەن, مادەنيەت جانە ونەردىڭ كورنەكتى قايراتكەرلەرىنەن قۇرالادى جانە قازاقستان رەسپۋبليكاسىنىڭ مادەنيەت مينيسترلىگىمەن بەكىتىلەدى.
33. قازىلار القاسىنىڭ سانى, توراعانى قوسقاندا, تاق سان بولۋى ءتيىس.
34. قازىلار القاسىنىڭ شەشىمى تۇپكىلىكتى جانە قايتا قاراۋعا جاتپايدى. قازىلار القاسىنىڭ شەشىمى حاتتامامەن رەسىمدەلەدى جانە ونىڭ بارلىق مۇشەلەرى قول قويادى.
35. داۋىستار تەڭ بولىنگەن جاعدايدا توراعانىڭ داۋىسى شەشۋشى بولىپ تابىلادى.
36. قازىلار القاسى ۇيىمداستىرۋ كوميتەتىمەن بەلگىلەنگەن جۇلدەلى ورىنداردى بەرمەۋگە نەمەسە ۇمىتكەرلەر اراسىندا بولۋگە (باس جۇلدەنى قوسپاعاندا) قۇقىلى.
37. قازىلار القاسى مۇشەسىنىڭ كونكۋرسقا قاتىسۋعا قۇقىعى جوق.
38. شىعارمانى باعالاۋدىڭ كريتەريلەرى:
1) جوعارى كوركەمدىك دەڭگەيى;
2) جانرلىق ەرەكشەلىكتەرى;
3) تاقىرىپتى اشۋداعى وزىندىلىگى;
4) اۆتوردىڭ شىعارماشىلىق دارالىعى جانە شەبەرلىگى;
5) شىعارمانىڭ كوركەمدىك بايان ەتىلۋى.
6. كونكۋرستى قارجىلاندىرۋ
39. كونكۋرستى وتكىزۋدى قارجىلاندىرۋ 2011 جىلعا ارنالعان رەسپۋبليكالىق بيۋدجەتتە كوزدەلگەن قاراجات شەگىندە جۇزەگە اسىرىلادى.
40. كونكۋرستى دايىنداۋ جانە وتكىزۋ ءۇشىن دەمەۋشىلەردىڭ جانە قازاقستان رەسپۋبليكاسىنىڭ زاڭناماسىمەن تىيىم سالىنباعان باسقا دا شىعىن كوزدەرى جۇمىلدىرىلۋى مۇمكىن.
7. قورىتىندى ەرەجە
41. وسى قاعيدامەن رەتتەلمەگەن بارلىق ءماسەلەلەر قازاقستان رەسپۋبليكاسىنىڭ قولدانىستاعى زاڭناماسىنا سايكەس شەشىلەدى.
رەسپۋبليكالىق «تاۋەلسىزدىك تولعاۋى» كونكۋرسىن وتكىزۋدىڭ قاعيداسىنا قوسىمشا
«تاۋەلسىزدىك تولعاۋى» كونكۋرسىنا قاتىسۋعا
ءوتىنىش
| كونكۋرسانتتىڭ اتى-ءجونى |
| تۋعان جىلى |
| ءبىلىمى |
| جۇمىس (وقۋ) ورنى |
| مەكەن-جايى, تەلەفونى |
| E-mail |
| كونكۋرستىق شىعارمانىڭ اتاۋى |
| ۇران |
| نوميناتسيا |
| ستن |
| دين |
| ستج |
