7. 779 نارەستە

«بۇل – تاۋەلسىزدىك تاڭىنان تاراعان شاپاعات ارقاسى», – دەيدى فورۋمعا جينالعان ەكىباستۇزدىق دارىگەرلەر ەكىباستۇزدىق دارىگەرلەر بۇل فورۋمدى «تاۋەلسىزدىك جەتىستىكتەرى» اتتى ەلىمىز بويىنشا ءوتىپ جاتقان ەل تاۋەلسىزدىگىنىڭ 20 جىلدىق مەرەكەلىك شارالار اياسىنا ارنادى. ءوندىرىستى قالا قارىشتاپ ءوسىپ كەلەدى. جىل سايىن 140 مىڭعا جۋىق حالقى بار كومىرلى قالانىڭ جاس تۇرعىندارى دا كوبەيىپ كەلەدى. – بۇگىنگى فورۋمعا 200-دەي دارىگەر قاتىسىپ, ەلىمىز تاۋەل­سىزدىگىن العان جىلداردان بەرگى دەنساۋلىق ساقتاۋ سالاسىنىڭ دا قانشالىقتى دارەجەدە دا­مىپ, العا باسقانىن ايتىپ, ەل­باسىنا, مەملەكەتكە دارىگەر­لەر­گە جاسالعان قولداۋ مەن قام­قورلىققا العىستارىن بىلدىرۋدە, – دەيدى قالا اكىمىنىڭ ورىن­باسارى عۇبايدوللا وسپانقۇل. بىلتىر كسەنيا مەن ۆالەنتين تولماچەۆتاردىڭ وتباسىندا ەكى­باس­تۇزدىقتار اتانعان ۇشەمدەر دۇنيگە كەلدى. قالالىق اۋرۋ­حانانىڭ باس دارىگەرى سوۆەتحان سماقوۆ, تراۆماتولوگ سەرىك تاش­تاەۆ, گەمودياليز ءبولىمىنىڭ ءدا­رىگەرى شىڭعىس بيحيانوۆتار ەكىباستۇزدىق دارىگەرلەردىڭ دەن­ساۋلىق ساقتاۋ سالاسىنداعى ەلىمىزدە قابىلدانعان جاڭا جۇيە, جاڭا باعدارلامالارعا وراي اتقارىپ جاتقان جۇمىس­تارىنا توقتالدى. ال, باس مەدبيكە تامارا يگناتوۆا گۇلنارا نىع­مەت­جانوۆا باسقاراتىن ايەل­دەر بوساناتىن پەرزەنتحانادا 70 ميلليون تەڭگە قارجىعا زاماناۋي مەديتسينالىق قۇرال-جاب­دىقتار ساتىپ الىنعانىن, سو­نى­مەن قاتار, ومىرگە ەنگەن ەندو­ۆيدەوحيرۋرگيا ءادىسىن ءدارى­گەرلەردىڭ تەز ارادا مەڭگەرىپ كەتكەنىن ايتىپ ءوتتى. پەرزەنت­حا­نانىڭ جاس مامان نەونا­تو­لوگ-دارىگەرلەرى ليتۆانىڭ ما­مان­داندىرىلعان مەديتسينالىق ورتالىقتارىندا بولىپ تاعى­لىم­داردان ءوتىپ كەلدى. جاڭا قۇ­رال-جابدىقتاردىڭ, بىلىكتى ءدا­رى­گەرلەردىڭ ارقاسىندا انا مەن بالا ومىرىنە ەش قاۋىپ تونبەيدى. بۇعان قوساتىن تاعى ءبىر جاقسى جاڭالىق سوڭعى 3 جىلدىڭ ءىشىن­دە پەرزەنتحانادا 7. 779 نارەستە دۇنيەگە كەلىپتى, ال, انا مەن بالا ءولىمى ەكى ەسەگە ءتو­مەن­دەگەنىن كورسەتىپ وتىر. ەكى­باس­تۇزدىق كەيبىر ناۋقاستار بۇ­رىن­عىداي الىس قالالارعا با­رىپ ەمدەلمەيتىن بولدى. ەمدەلۋ ءۇشىن بارلىق جاعداي ءوز قالالارىندا جاسالعان, مىسا­لى, نەيروحيرۋرگتار زاماناۋي ەمدەۋ ادىستەرىن مەڭگەرىپ 36 رەت ءساتتى وپەراتسيا جاساعان كورى­نەدى. – بۇل ءبىزدىڭ ەلىمىزدە وتان­دىق دەنساۋلىق ساقتاۋ سالا­سى­نىڭ شىنايى تۇردە دامىپ كەلە جاتقانىنىڭ ايقىن كورىنىسى, – دەيدى فورۋم دەلەگاتتارى-ءدارى­گەرلەر. فاريدا بىقاي, ەكىباستۇز.