ارنايى وكىلمەن كەزدەستى

ورتالىق سايلاۋ كوميسسياسى توراعاسىنىڭ ورىنباسارى ۆلاديمير فووس ەۋروپالىق وداقتىڭ ورتالىق ازيا بويىنشا ارنايى وكىلى پەر مورەل باستاپ كەلگەن دەلەگاتسيا مۇشەلەرىمەن كەزدەستى. وسك توراعاسىنىڭ ورىنباسارى دەلەگاتسيا مۇشەلەرىن ورتالىق سايلاۋ كوميسسياسىنىڭ جۇمىسىمەن جانە سايلاۋ ناۋقانىنىڭ نەگىزگى كەزەڭدەرىمەن تانىستىردى. سونىمەن قاتار, ول دەلەگاتسيا قۇرامىنىڭ كەزەكتەن تىس پرەزيدەنتتىك سايلاۋدا كانديداتتاردى ۇسىنۋ جانە تىركەۋ تارتىبىنە, سايلاۋ كومي­سيا­لارىن قالىپتاستىرۋ مەن وسك-ءنىڭ ولار­مەن ءوزارا ارەكەتتەستىگىنە, ساياسي پار­تيالار مەن رەسپۋبليكالىق قوعام­دىق بىرلەستىكتەردىڭ سايلاۋ كوميس­سيا­لارىندا وكىلدىك ەتۋىنە, بۇقارالىق اق­پا­رات قۇرالدارىنىڭ بارلىق كاندي­دات­تاردىڭ باق-تارعا تەڭ قول جەتكىزۋىن قام­تاماسىز ەتۋ بويىنشا زاڭ تالاپ­تا­رىن ورىنداۋىنا, شەت مەملەكەتتەردە قازاقستان رەسپۋبليكاسى ازاماتتارى­نىڭ داۋىس بەرۋىن ۇيىمداستىرۋعا, سونداي-اق شاعىمدار مەن وتىنىشتەردى بەرۋ جانە ولاردى قاراۋ ۇدەرىستەرىنە قاتىستى قويعان سۇراقتارىنا جاۋاپتار قايتاردى. – ەۋروپالىق وداق ازاماتتاردىڭ نەگىزگى قۇقىقتارىنىڭ ىسكە اسىرىلۋ ماسەلەلەرىنە ۇلكەن قىزىعۋشىلىق تانىتادى جانە ۇلتتىق سايلاۋلاردى وسىلاردى جۇزەگە اسىرۋدىڭ ماڭىزدى تەتىگى دەپ قارايدى, – دەي كەلىپ, پەر مورەل سايلاۋدى ۇيىمداستىرۋشى­لار­دىڭ ەلەكتورالدىق ناۋقاندى تابىستى وتكىزۋىنە تىلەكتەستىگىن ءبىلدىردى. ءاليسۇلتان قۇلانباي.