ۇمىتكەر مۇراتى – الەۋمەتتىك قولجەتىمدىلىك

قازاقستان كوممۋنيستىك حالىقتىق پارتياسى اتىنان قازاقستان پرەزيدەنتتىگىنە كانديداتتىققا ۇسىنىلعان جامبىل احمەتبەكوۆتى قولداۋ قوعامدىق شتابى ۇمىتكەرلەردىڭ سايلاۋالدى ۇگىت-ناسيحات جۇمىستارى باستالىسىمەن ىسكە قىزۋ كىرىسىپ كەتتى. قكحپ-نىڭ وبلىستىق كو­ميتەتىنىڭ ءبىرىنشى حاتشىسى جانات مولداشەۆ جەتەكشىلىك ەتەتىن قوعامدىق شتاب ۇگىت-ناسيحات جۇمىستارىن جوس­پار­لى ءجۇر­گىزىپ, وسى كەزگە دەيىن-اق مارتوك, قوب­دا, ايتەكە بي, قارعالى جانە حرومتاۋ اۋداندارىندا بو­لىپ, جۇرتشىلىقپەن ءجۇز­دەس­تى. ەل پرەزيدەنتتىگىنەن ۇمىتكەر جامبىل احمەت­بە­كوۆتىڭ سايلاۋالدى باعدار­لا­ما­سىمەن, پارتيانىڭ ۇستان­عان ساياسي تۇعىرناماسىمەن تانىستىردى. جاقىندا قكحپ-دان پرەزيدەنتتىككە ۇمىتكەر جامبىل احمەتبەكوۆ اقتو­بە­گە كەلىپ, وبلىس ورتالىعىنداعى قارت­­تار ۇيىندە كەزدەسۋ وتكىزدى.كەزدەسۋ بارىسىندا ەل پرەزيدەنتتىگىنەن ۇمىتكەر كەدەيشىلىك, جۇمىسسىزدىق, باعالار مەن تاريفتەردىڭ ءوسۋى جانە باسقا الەۋمەتتىك وزەكتى ماسەلەلەر تۋرالى ويلارىن ورتاعا سالدى. – مەن جاڭا الەۋمەتتىك باعىتتىڭ نەگىزى بولاتىن ءۇش باستامانى جاريا­لا­ماق­شى­مىن, – دەپ ءوزىنىڭ ساي­لاۋ­ال­دى باعدارلاماسىندا اتاپ ءوت­­كە­نىندەي, ەلىمىزدەگى الەۋ­مەت­تىك يگىلىكتەرگە قارا­پاي­ىم حا­لىق­تىڭ قولجەتىمدى­لى­گىن قا­لىپتاستىرۋدىڭ نەگىزگى جول­دا­رىنا توق­تالدى. – جا­ڭا الەۋمەتتىك باعىت شەڭ­بە­رىن­دەگى ءبىرىنشى باستاما – بۇل كۇنكورىستىڭ ەڭ تومەنگى كور­سەتكىشىن كوپ­تەگەن وركەنيەت­تى ەلدەردە قول­دا­نى­لا­تىن ستاندارتتار بويىنشا (ياعني, مە­دياندىق ءتاسىل ارقىلى) انىق­تاۋ ءادىسىن ەنگىزۋ. وسىلاي دەي كەلىپ ول مۇنداي جاع­دايدا قازاقستان­دا ورتا ەسەپپەن ءار ادامعا شاققاندا كۇنكورىستىڭ ەڭ ءتو­مەنگى كورسەتكىشى 200 مىڭ تەڭگە بولا­تىنىن جەتكىزدى. ەكىنشى باستاماسى رەتىندە جوعارى وقۋ ورىندارى ءتۇ­لەك­تەرى­نىڭ ءبىرىنشى رەت جۇمىسقا ورنا­لا­سۋلا­رىنا مەملەكەتتىك كەپىلدىك بەرۋدى ەنگىزۋدى ۇس­تانىپ وتىرعانىن العا تارت­تى. بىرىنشىدەن, جۇمىس ورنىنا كەپىلدىك بەرۋ – جاس ماماننان جۇمىسقا ورنا­لا­سۋى كەزىندە 3 جىل جۇمىس ءوتىلىن سۇراۋ سەكىلدى كەدەرگىدەن شىعارار جول ەكەنىن ءمالىم­دەدى. پرەزيدەنتتىككە كانديدات ەلىمىزدەگى تۇر­عىن ءۇي-كوممۋنالدىق شارۋا­شى­لىق سالاسى ماسەلەسىن شەشۋدى, وسى سالاداعى باعالار مەن تاريفتەردى ازايتۋدى ۇسى­نىپ وتىرعانىنا توقتالدى. ول ءوز ويىن قازاقستان ازا­مات­تارىنىڭ الەۋ­مەتتىك جاعدايى مەن ءال-اۋقاتى زاماناۋي بي­لىكتىڭ ارەكەت ەتۋ قابىلەتى مەن ونىڭ ساياسي جاۋاپ­كەر­شىلىگىنىڭ باستى باعامىنا اي­نالۋى ءتيىس دەپ تۇ­جى­رىمدادى. قازىر مەملەكەتتىك ساياساتتىڭ ءتۇپ­كى ماقساتى – ادام بولۋى قاجەت. ەلدىڭ ەرتەڭى الەۋمەتتىك الەۋ­ەت­تىڭ ارتۋىمەن ولشەنۋى كەرەك. كانديداتتى قول­داۋ قوعامدىق شتا­بى­نىڭ جەتەكشىسى, قكحپ وبلىستىق كوميتەتىنىڭ ءبىرىنشى حاتشىسى جانات مولداشەۆ ازىق-ت ۇلىك باعالارىنىڭ شەك­تەن تىس كوتەرىلۋى جونىندە كەلەلى ءما­سەلە قوزعادى. باعانى بۇ­عا­لىقتا­ماي­ىن­شا, زەي­نەت­اقى مەن ەڭبەك­اقى­نى ءوسىرۋدىڭ قايتارىم بەرمەيتىنىنە نازار اۋدار­دى. شىعىپ ءسوي­لەگەن قاريالار دا مۇ­نى جوققا شىعارمادى, ۇمىتكەردىڭ يگى باس­تا­مالارىنىڭ جۇزەگە اسۋى­نا تىلەكتەستىك ءبىلدىردى. سايلاۋ­عا ءبىر كىسىدەي قاتى­سىپ, ءوز تاڭداۋلارىن جاساي­تىن­دارىن جەتكىزدى. ەل پرەزيدەنتتىگىنەن ۇمىتكەر جام­بىل احمەتبەكوۆ قارت­تار­دى تولعانتقان بىرقاتار سۇراق­تارعا جاۋاپ بەردى. وسىنداي جۇزدەسۋ مارات وسپانوۆ اتىنداعى باتىس قا­زاقستان مەديتسينا ۋنيۆەر­سيتە­تىنىڭ جاتاقحاناسىندا ستۋدەنت جاستارمەن دە بولدى. كانديدات ءوڭىر­دەگى بۇقارالىق اقپارات قۇرالدارى وكىل­دەرىمەن بريفينگ وتكىزىپ, جۋرنا­ليستەردىڭ بىرقاتار ساۋالدارىنا جاۋاپ بەردى. ساتىبالدى ءساۋىرباي, اقتوبە وبلىسى.