الماتىنىڭ شىعىس جاعىندا, سوڭعى كەزدە سالىنىپ جاتقان قالانىڭ شىعىس اينالما جولىنا جاقىن جەردە, ناقتىراق ايتساق, ۋكراينا كوشەسى, 45 مەكەن-جايىندا بۇلاق كوزى بار. حالىق ونى بۇرىننان جاقسى بىلەدى. ونىڭ سۋى شيپالى سانالادى.
ءتىپتى سوناۋ كسرو زامانىندا وسىندا ەمدەۋ ءساناتوريىن دە سالماق بولعان ەكەن دەگەن اڭگىمە بار. تەك سۋدا ەمدىك ءبىر كومپونەنت جەتپەي قالادى دا, ەمدەۋ ورنى سالىنباي قالىپتى. ءبارىبىر جەرگىلىكتى تۇرعىندار ونى ەم رەتىندە كوپ ۋاقىت پايدالانىپ ءجۇردى. بۇرىنىراقتا, سۋ قۇبىرمەن كەلمەيتىن كەزدە ماڭىنداعىلار وسى بۇلاقتان سۋ دا ىشكەن. پايدالانىپ قانا قويماي, بۇل سۋ كوزىن ساقتاپ قالۋ ءۇشىن ولار شىن مانىندە كۇرەسىپ تە كەلەدى ەكەن. تالاي رەت قۇرىلىس, جول سالعان كەزدە, ول ءۇي استىندا, جول استىندا قالۋ قاۋپى تۋعاندا, تۇرعىندار ورە تۇرىپ, قارسىلىق ءبىلدىرىپتى. قۇرىلىسشىلار كوپشىلىكتىڭ وتىنىشىنە قۇلاق اسىپ, بۇلاقتى اينالىپ وتكەن كورىنەدى.
قالاي بولعاندا دا, ناقتى بىرەۋ يە بولماعاندىقتان, بۇلاقتىڭ كۇيى كەتە باستاعان. بەيساۋات ادامدار ودان سۋ ءىشىپ قانا قويماي, باسىندا دەم الىپ, قوقىستار تاستاپ, ابدەن ىبىرسىتقاننان كەيىن, وعان جۇرت نازار اۋدارۋدى دا قويىپتى. وسى جايدى كورگەن پرەزيدەنتتىككە كانديدات, «تابيعات» ەكولوگيالىق وداعىنىڭ ءتوراعاسى مەلس ەلەۋسىزوۆ بۇلاق باسىنا ءوزى كەلىپ, ونى قوقىستان تازارتۋدى ءوزى باستاپ قولعا الدى.
– ءبىز سۋ قادىرىن بىلمەيمىز, بۇل ادامداردى شولگە اپارىپ, سوندا ءبىراز ۇستار ما ەدى! – دەپ كەيىدى ەكولوگ. – ءايتپەسە, وسىنداي كاۋسار بۇلاققا قولى بارىپ قايتىپ قوقىس تاستايدى ەكەن.
پرەزيدەنتتىكتەن ۇمىتكەر جينالعان جۇرتقا بۇل بۇلاقتىڭ تاعدىرىمەن ەندى ءوزى اينالىساتىنىن مالىمدەدى. بۇعان دەيىن ونىڭ ءالى دە سالىنىپ جاتقان جول استىندا قالۋ قاۋپى بار ەدى. وعان جول بەرمەيمىز, دەدى ەكولوگ.
تۇرعىندارمەن كەزدەسكەندە, «تابيعات» ەكولوگيالىق وداعىنىڭ توراعاسى بۇل بۇلاقتى تازالاۋ ۇلكەن ءىستىڭ باسى بولاتىنىن ايتتى. قولعا الىنعان جوبا بويىنشا, شىعىس قازاقستان جانە الماتى وبلىستارىندا جۇزدەگەن بۇلاقتىڭ كوزى اشىلىپ, ولار تۇرعىنداردىڭ يگىلىگىنە اينالماق كورىنەدى. وعان قاجەتتى قاراجات كوزدەرى دە تابىلعانعا ۇقسايدى. «قازاقمىس» كورپوراتسياسى كومەك بەرەتىنىن مالىمدەپ ۇلگەرىپتى.
بۇلاق كوزىن اشۋ, ونى قامقورلىققا الۋ جەكە ءبىر ادامداردىڭ, ءتىپتى ول پرەزيدەنتتىكتەن ۇمىتكەر بولسا دا, ءىسى ەمەس, كوپشىلىك حالىق بولىپ قولعا الاتىن-اق ءىس. بۇل جەردە باس ەكولوگىمىز مەلس حامزا ۇلىنىڭ ونەگەسى سول حالىققا ۇلكەن قوزعاۋ سالاتىن شىعار دەپ ويلايمىز.
ماماديار جاقىپ, الماتى.
ءتىپتى سوناۋ كسرو زامانىندا وسىندا ەمدەۋ ءساناتوريىن دە سالماق بولعان ەكەن دەگەن اڭگىمە بار. تەك سۋدا ەمدىك ءبىر كومپونەنت جەتپەي قالادى دا, ەمدەۋ ورنى سالىنباي قالىپتى. ءبارىبىر جەرگىلىكتى تۇرعىندار ونى ەم رەتىندە كوپ ۋاقىت پايدالانىپ ءجۇردى. بۇرىنىراقتا, سۋ قۇبىرمەن كەلمەيتىن كەزدە ماڭىنداعىلار وسى بۇلاقتان سۋ دا ىشكەن. پايدالانىپ قانا قويماي, بۇل سۋ كوزىن ساقتاپ قالۋ ءۇشىن ولار شىن مانىندە كۇرەسىپ تە كەلەدى ەكەن. تالاي رەت قۇرىلىس, جول سالعان كەزدە, ول ءۇي استىندا, جول استىندا قالۋ قاۋپى تۋعاندا, تۇرعىندار ورە تۇرىپ, قارسىلىق ءبىلدىرىپتى. قۇرىلىسشىلار كوپشىلىكتىڭ وتىنىشىنە قۇلاق اسىپ, بۇلاقتى اينالىپ وتكەن كورىنەدى.
قالاي بولعاندا دا, ناقتى بىرەۋ يە بولماعاندىقتان, بۇلاقتىڭ كۇيى كەتە باستاعان. بەيساۋات ادامدار ودان سۋ ءىشىپ قانا قويماي, باسىندا دەم الىپ, قوقىستار تاستاپ, ابدەن ىبىرسىتقاننان كەيىن, وعان جۇرت نازار اۋدارۋدى دا قويىپتى. وسى جايدى كورگەن پرەزيدەنتتىككە كانديدات, «تابيعات» ەكولوگيالىق وداعىنىڭ ءتوراعاسى مەلس ەلەۋسىزوۆ بۇلاق باسىنا ءوزى كەلىپ, ونى قوقىستان تازارتۋدى ءوزى باستاپ قولعا الدى.
– ءبىز سۋ قادىرىن بىلمەيمىز, بۇل ادامداردى شولگە اپارىپ, سوندا ءبىراز ۇستار ما ەدى! – دەپ كەيىدى ەكولوگ. – ءايتپەسە, وسىنداي كاۋسار بۇلاققا قولى بارىپ قايتىپ قوقىس تاستايدى ەكەن.
پرەزيدەنتتىكتەن ۇمىتكەر جينالعان جۇرتقا بۇل بۇلاقتىڭ تاعدىرىمەن ەندى ءوزى اينالىساتىنىن مالىمدەدى. بۇعان دەيىن ونىڭ ءالى دە سالىنىپ جاتقان جول استىندا قالۋ قاۋپى بار ەدى. وعان جول بەرمەيمىز, دەدى ەكولوگ.
تۇرعىندارمەن كەزدەسكەندە, «تابيعات» ەكولوگيالىق وداعىنىڭ توراعاسى بۇل بۇلاقتى تازالاۋ ۇلكەن ءىستىڭ باسى بولاتىنىن ايتتى. قولعا الىنعان جوبا بويىنشا, شىعىس قازاقستان جانە الماتى وبلىستارىندا جۇزدەگەن بۇلاقتىڭ كوزى اشىلىپ, ولار تۇرعىنداردىڭ يگىلىگىنە اينالماق كورىنەدى. وعان قاجەتتى قاراجات كوزدەرى دە تابىلعانعا ۇقسايدى. «قازاقمىس» كورپوراتسياسى كومەك بەرەتىنىن مالىمدەپ ۇلگەرىپتى.
بۇلاق كوزىن اشۋ, ونى قامقورلىققا الۋ جەكە ءبىر ادامداردىڭ, ءتىپتى ول پرەزيدەنتتىكتەن ۇمىتكەر بولسا دا, ءىسى ەمەس, كوپشىلىك حالىق بولىپ قولعا الاتىن-اق ءىس. بۇل جەردە باس ەكولوگىمىز مەلس حامزا ۇلىنىڭ ونەگەسى سول حالىققا ۇلكەن قوزعاۋ سالاتىن شىعار دەپ ويلايمىز.
ماماديار جاقىپ, الماتى.
