تياناقتى ازىرلىك – مول ءونىم كەپىلى

كوكتەمگى ەگىسكە دايىن­دىق قازىرگى كەزدە شىعىس قازاق­ستان وبلىسىنداعى ءۇر­جار اۋ­دانىندا بارىنشا قى­زۋ قار­قىنمەن ءجۇرىپ جاتىر. اۋدان­داعى 5 مىڭعا جۋىق شارۋا قوجالىقتارى قولدا­رىن­­داعى بار تەحنيكاسىن رەتكە كەلتىرىپ, تۇقىمدارىن سۇرىپتاپ, جا­نار-جاعارماي­لارىن دايىن­داپ, اتالعان ناۋقانعا دايىن وتىر دەسە دە بولادى. بيىلعى جىلى اۋداندا 138 مىڭ 329 گەكتار القاپقا ەگىن ەگىلمەك. ونىڭ 2295 گەك­تارىن كوكونىس پەن جەمىس-جيدەك, 925 گەكتارىن باقشا دا­قىلدارى, 869 گەكتارىن كوپ­جىلدىق ءشوپ ەگىستىگى قۇراماق. كوكتەمگى دالا جۇمىستا­رىنا 5452 توننا ءداندى-داقىل تۇقىم­دارى ازىرلەنگەن. ونىڭ 4654 تون­ناسى نەمەسە 85 پايىزى ناۋرىز ايىنىڭ ءبىرىنشى ونكۇندىگىندە زەرتحانا­لىق تەكسەرۋدەن وتكىزىلدى. تراكتورلاردىڭ 70 پايى­زى, تىركەمەلەردىڭ 80 پايىزى ازىرلىك ساپىنا قويىلدى. اۋدانداعى شارۋاشى­لىق­تار­دىڭ بىرقاتارى ليزينگ ارقىلى جاڭا تەحنيكالارعا يە بولدى. ءما­سەلەن, «بىرلىك» شارۋا قوجالىعى قۇنى 16,8 ميلليون تەڭگە تۇراتىن «ەسىل» كومباينىن, ارقايسى­سى 5,6 ميلليون تۇراتىن 2 متز-82 تراكتورىن ساتىپ السا, «ءبيبى» شارۋا قوجالىعى وسىن­داي ەكى تراكتور مەن 700 مىڭ تەڭگەلىك 1 كدپ ءماشي­نەسىن مەنشىكتەپ ءۇل­گەردى. ال «قاي­رات» شارۋا قوجا­لىعى باعا­سى 11,5 ميلليون تەڭ­گەگە «ەنيسەي» كومباينىن ساتىپ الدى. جالپى, مۇنداي مى­سال­دار­دى كوپتەپ كەلتىرە بەرۋگە بولادى. اۋدان اۋماعىنا بىلتىر­عى جىلى قار تىم قالىڭ تۇسكەن ەدى. وعان قاراعاندا بيىلعى قار جۇقالاۋ بولىپ وتىر. سوندىقتان ەگىستىكتىڭ ىلعالدىلىعىن ارتتى­رۋ ماق­ساتىندا كوپتەگەن شارۋا­شى­لىقتار قار توقتاتۋ جۇمى­سىمەن شۇعىلداندى. ءسويتىپ, اۋدان ديقاندارى ال­دىمىزداعى كوكتەمگى ەگىسكە ۇلكەن ازىرلىكپەن كەلىپ وتىر. ال جاقسى ازىرلىك – مول ءونىم كەپىلى. ىسكە ءسات دەيمىز, ەندەشە! بيسەنعازى ۇلىقبەك,  جۋرناليست. شىعىس قازاقستان وبلىسى, ءۇرجار اۋدانى.