باس پروكۋرور قايرات ءماميدىڭ توراعالىق ەتۋىمەن قۇقىق قورعاۋ ورگاندارى ۇيلەستىرۋ كەڭەسىنىڭ كەزەكتى ءماجىلىسى بولىپ, وندا قازاقستان رەسپۋبليكاسىنىڭ كەزەكتەن تىس پرەزيدەنتتىك سايلاۋىن وتكىزۋ بارىسىندا زاڭدىلىق پەن قۇقىقتىق ءتارتىپتى قامتاماسىز ەتۋ ماسەلەلەرى, سونداي-اق ەسىرتكى زاتتارىنىڭ زاڭسىز اينالىمىنا قارسى ارەكەت ەتۋ, قىلمىستىق قۋدالاۋ ورگاندارىنا قىلمىستار تۋرالى ارىزدار مەن حابارلامالاردى ەلەكتروندى تۇردە تىركەۋدى ەنگىزۋ ماسەلەلەرى قارالدى. ەلىمىزدەگى ماڭىزدى قوعامدىق-ساياسي وقيعا قارساڭىندا باس پروكۋرور سايلاۋ تۋرالى زاڭناما تالاپتارىنىڭ بۇلجىتپاي ساقتالۋىن قامتاماسىز ەتۋدى جانە ازاماتتاردىڭ سايلاۋ قۇقىقتارىنىڭ بۇزىلۋ فاكتىلەرى تۋرالى شاعىمدارعا جەدەل ءمان بەرۋدى تالاپ ەتتى, دەپ حابارلادى باس پروكۋراتۋرانىڭ ءباسپاسوز قىزمەتى.
ۇيلەستىرۋ كەڭەسى ەسىرتكى ساتۋ جانە ونىڭ كونترابانداسىمەن كۇرەستە قۇقىق قورعاۋ ورگاندارىنىڭ ءوزارا ءىس-قيمىلىن كۇشەيتۋگە, ۇيىمداسقان قىلمىستىق توپتاردىڭ قىزمەتىنە, ونىڭ ىشىندە ترانسۇلتتىق ۇيىمداسقان توپتاردىڭ قىزمەتىنە توسقاۋىل قويۋعا باعىتتالعان كەشەندى شارالار قابىلدادى. ماجىلىسكە قاتىسۋشىلار جەكەلەگەن قۇقىق قورعاۋ ورگاندارىنا ەنگىزىلگەن قىلمىستار تۋرالى ارىزدار مەن حابارلامالاردى ەلەكتروندى تىركەۋ جۇيەسىنىڭ جوعارى ناتيجەلىلىگىن جانە كەلەشەگى بار ەكەندىگىن اتاپ كورسەتتى. وسىعان بايلانىستى, بارلىق مۇددەلى ورگاندارعا اتالعان وزىق جاڭالىقتاردى ەنگىزۋ بويىنشا شارا قابىلداۋ ۇسىنىلدى.
قازاقستان رەسپۋبليكاسىنىڭ كەزەكتەن تىس پرەزيدەنتتىك سايلاۋىن وتكىزۋدىڭ زاڭدىلىعىن قامتاماسىز ەتۋ ماقساتىندا باس پروكۋراتۋرا سايلاۋ ۇدەرىسىنىڭ مونيتورينگى بويىنشا ارناۋلى جەدەل جۇمىس توبىن قۇردى. مۇنداي توپتار جەرگىلىكتى جەرلەردە دە قۇرىلدى. وسىعان بايلانىستى, سايلاۋ ناۋقانىنىڭ زاڭدىلىعىنا جاۋاپتى پروكۋراتۋرا ورگاندارى قىزمەتكەرلەرىنىڭ بايلانىس دەرەكتەرى حالىقتىڭ نازارىنا ۇسىنىلادى. ازاماتتار مەن زاڭدى تۇلعالار سايلاۋ زاڭنامالارى بۇزىلۋىنىڭ كەز كەلگەن فاكتىلەرى تۋرالى تومەندە كەلتىرىلگەن تەلەفوندار بويىنشا اتالعان قىزمەتكەرلەرگە حابارلاي الادى.
| № | اتاۋى | بايلانىستاعى ادام | تەلەفون |
| 1 | باس پروكۋراتۋرا | تۋعانبەكوۆا لاۋرا ادىلحانقىزى ەرمەگياەۆ باۋىرجان مۇراتبەك ۇلى | 71-26-45 71-26-82 |
| 2 | الماتى ق. كود 7272 | كاتاەۆ دامير مەدەلباي ۇلى مولداجان باۋىرجان قالىش ۇلى كولپاكوۆ اندرەي لەونيدوۆيچ | 62-02-86 65-02-87 |
| 3 | استانا ق. كود 7172 | الىشەۆ احان ساتتار ۇلى وگاي يۋري گريگورەۆيچ | 71-24-42 71-24-55 |
| 4 | الماتى وبلىسى, كود 7282 تالدىقورعان ق. | الىباەۆ ەرعالي قايىرعالي ۇلى | 27-33-15 |
| 5 | اقتوبە وبلىسى, كود 7132 اقتوبە ق. | وتاروۆا قارلىعاش ەرتايقىزى | 21-57-34 |
| 6 | اقمولا وبلىسى, كود 7162 كوكشەتاۋ ق. | كلەنوۆ يبراگيم ءالىمجان ۇلى | 25-02-88 |
| 7 | اتىراۋ وبلىسى, كود 7122 اتىراۋ ق. | سارعازين ازامات سەرىك ۇلى | 27-08-44 |
| 8 | شىعىس قازاقستان وبلىسى, كود 7232 وسكەمەن ق. | مۇستافاەۆ باقىتجان اسحات ۇلى | 24-54-82 |
| 9 | جامبىل وبلىسى, كود 7262 تاراز ق. | وتەمىسوۆ مارات ءابدىرامان ۇلى | 45-33-71 |
| 10 | باتىس قازاقستان وبلىسى, كود 7112 ورال ق. | سيتقاليەۆ نۇرلان | 50-79-62 |
| 11 | قاراعاندى وبلىسى, كود 7212 قاراعاندى ق. | قالياقپاروۆ مارعۇلان كليم ۇلى | 74-29-56 |
| 12 | قوستاناي وبلىسى, كود 7142 قوستاناي ق. | شالاباەۆ مەيىرحان جاقىپ ۇلى | 54-56-83 |
| 13 | قىزىلوردا وبلىسى, كود 7242 گ. قىزىلوردا ق. | جاناحمەتوۆ ازامات ورىنباسار ۇلى | 27-03-35 |
| 14 | ماڭعىستاۋ وبلىسى, كود 7292 اقتاۋ ق. | ساندىباەۆ ءىلياس يساتاي ۇلى | 53-29-93 |
| 15 | پاۆلودار وبلىسى, كود 7182 پاۆلودار ق. | شايحينا گۇلناز نۇرتىلەۋقىزى | 51-06-57 |
| 16 | سولتۇستىك قازاقستان وبلىسى, كود 7152 پەتروپاۆلوۆسك ق. | سماعۇلوۆ جاسۇلان ءوندىرىس ۇلى | 46-13-64 |
| 17 | وڭتۇستىك قازاقستان وبلىسى, كود 7252 شىمكەنت ق. | ورمانوۆ ۇلان نۇرعالي ۇلى | 53-03-49 |
| 18 | باس اسكەري پروكۋراتۋرا, استانا ق. | قوجا-احمەت ەركىن قوناي ۇلى | 71-28-56 |
| 19 | باس كولىك پروكۋراتۋراسى, استانا ق. | توقتامىسوۆ ادىلەت جالعاس ۇلى | 71-23-49 |
