سىر بويى سايلاۋعا دايىن

كەشە قىزىلوردا وبلىستىق سايلاۋ كوميسسياسىنىڭ كەزەكتى وتىرىسى ءوتتى. وندا الداعى پرەزيدەنتتىك سايلاۋعا دايىندىق با­رىسى پىسىقتالدى. بۇگىندە سىردىڭ بويىن جاعالاي قونعان ەل پرەزيدەنتتىك سايلاۋعا تاس-ءتۇيىن دايىن دەسە بولادى. دايىندىق با­رىسىن استانادان ارنايى كەلگەن ورتالىق سايلاۋ كوميس­سيا­سى­نىڭ ساراپشىسى ۆەنەرا جەكسەمبەكوۆا دا كوزىمەن كورىپ كەتتى. بۇگىندە وبلىس بويىنشا ساي­لاۋ­شىلاردىڭ ءتىزىمى الىنىپ جا­تىر. وسىعان دەيىن تىركەلگەندەر سانى 375 425 ادامدى قۇراعان. ءتىزىم الۋ جۇمىسى 2 ساۋىرگە دەيىن جال­عاسا بەرەدى. سوندىقتان مۇنى سايلاۋشىلاردىڭ ناقتى سانى دەپ ايتۋعا كەلمەيدى. ءدال قازىر وبلىس بويىنشا 335 سايلاۋ ۋچاسكەسى قۇ­رى­لىپ, كوميسسيا مۇشەلەرى بەكىتىلگەن. ال سايلاۋ ۋچاسكەلەرىنىڭ ءتور­اعالارى مەن ورىنباسارلارى ءبىلىم جەتىلدىرۋ ينستيتۋتىندا ار­نايى ءدارىس العان. ءسوز اراسىندا ايتا كەتەيىك, سايلاۋ ۋچاسكەلەرىنىڭ توراعالارى تەك قىزىلوردا وبلى­سىن­دا عانا ءبىلىمىن جەتىلدىرىپ جا­تىر. قالعان ايماقتاردا مۇنداي ءىس-شارا وتپەگەن. جانە ءبىلىم جەتىلدىرۋ جۇمىستارىنىڭ اقىلى نەگىزدە جۇرگەنىن دە ايتا كەتۋگە ءتيىسپىز. پرەزيدەنتتىكتەن ۇمىتكەرلەر­دىڭ ۇنپاراقتارى مەن پلاكاتتارى تولىعىمەن الىنعان. ولار بارلىق سايلاۋ ۋچاسكەلەرىنە جەتكىزىلىپ, ورنالاستىرىلعان. سونىمەن قاتار, وبلىس بويىنشا 4 ۇمىتكەردىڭ 1427 سەنىم بىلدىرىلگەن ادامدارى  تىركەلىپ, قاجەتتى قۇجاتتارى ەكى تىلدە بەرىلگەن. سەنىم بىلدىرىلگەن ادام­داردى تىركەۋ مۇنىمەن بىتكەن جوق. بۇل جۇمىس الداعى ۋاقىتتا دا جالعاسىن تابا بەرمەك. وتىرىس بارىسىندا قىزىل­ور­دا قالاسى مەن جاڭاقورعان اۋدا­نىن­داعى سايلاۋ ۋچاسكەلەرىنىڭ دە جاي-كۇيى ايتىلدى. پرەزيدەنتتىك سايلاۋعا قاتىستى اتقارىلىپ جاتقان بارلىق ءىس بايان ەتىلدى. ەلىمىز تاعى ءبىر سىن ساعاتىنىڭ الدىندا تۇرعانى انىق. 3 ءساۋىر كۇنى بولاتىن سايلاۋعا دايىن­دىق­تىڭ دا قايتا-قايتا پىسىقتالىپ, بارلىق ءىس-ارەكەتتىڭ زاڭ شەڭ­بە­رىندە جاسالىپ جاتقانى دا سون­دىق­تان. ال بۇل تاراپتا قى­زىل­وردا وبلىستىق سايلاۋ كوميسسياسى ال­داعى پرەزيدەنتتىك سايلاۋعا بار­لىق تۇرعىدان دايىن دەۋگە نەگىز بار. ەرجان بايتىلەس. قىزىلوردا.