ۇشەمنىڭ اتا-اناسى جاڭا پاتەرگە كىردى

گازەتىمىزدىڭ جىل باسىن­داعى ساندارىنىڭ بىرىندە «جانار اتتى كىشكەنتاي ءسۇي­كىمدى قىزدارى بار مەدەت پەن قارلىعاش تانكەشوۆتەردىڭ وتباسىندا  ۇشەمدەر دۇنيەگە كەلدى. پاتەرلەرى جوق جاستار قازىر وبلىس ورتالىعىنداعى لەرمونتوۆ كوشەسى, 92-ۇيدە ورنالاسقان جاتاقحانانىڭ اياداي عانا بولمەسىندە تۇرىپ جاتىر, الداعى ۋاقىتتا اكىم-قا­رالار  ۇشەمدەر تۇرعان ۇيگە بارىپ, ءوز كوزدەرىمەن كورىپ, ويلانار, كومەكتەسەر...» دەپ جازعان ەدىك. مىنە, بۇگىن وبلىس ور­تا­لى­عىندا تاعى ءبىر جاڭا تۇرعىن ءۇي پايدالانۋعا بەرىلدى.  وب­لىس اكىمى باقىتجان ساعىنتاەۆ ناۋرىز مەيرامى قارساڭىندا ۇشەمدەردىڭ اتا-اناسى مەدەت پەن قارلىعاشقا پاتەر كىلتىن تاپ­سىر­دى.  اكەسى نۇرسۇلتان اتتى ۇلدى بولعانىنا قۋانىشتى ەكەنىن ايتسا,  قارلىعاش «قازاق ءداس­تۇرى بويىنشا ۇلىمىزدى ەركەلەتىپ  سۇلتان دەپ اتايمىز», –دەدى بىزبەن اڭگىمەسىندە. نەمەرە-شوبەرەلەرىنىڭ  پاتەر العاندا­رىن ءوز كوزىمەن كورۋگە شال­عاي­داعى مالايسارى باتىر اۋى­لىندا تۇراتىن اجەلەرى دە كەلىپتى. ءبىر كۇندە ءۇش شوبەرەنىڭ اجەسى اتانعان قارت اپامىز ەلباسىنا العىسىن ايتقان. تۇرعىنداردى قۋانتقان 9 قاباتتى, 168 پاتەر­دەن تۇراتىن بۇل ءۇي مەملەكەتتىك تۇرعىن ءۇي باعدارلاماسىن ءجۇ­زەگە اسىرۋ شەڭبەرىندە سالىنعان ەكەن. ءبىر ايتا كەتەتىن ءجايت,  جاڭا ءۇيدىڭ ەكى پودەزى يپوتە­كا­لىق نەسيەلەۋ جۇيەسى بويىنشا, ال قالعان ءۇش پودەزى  جالعا  بەرىلىپتى. قۇرىلىستى ۆ.مەزكو باس­قاراتىن «قۇرىلىس» جانە ا.ۆينەرتسەۆ باسقاراتىن «سترويمپۋلس» سەرىكتەستىكتەرى جۇرگىزىپ­تى. تۇرعىن ءۇيدىڭ ءبىرىنشى قابا­تى­نان الەۋمەتتىك-تۇرمىستىق نى­­سان­دار – ءدارىحانا, اۋلا كلۋبى, ديسپەتچەرلىك پۋنكت, پوليتسيا بولىمشەسى ورنالاسقان. فاريدا بىقاي, پاۆلودار.