بەرەكە باستاۋى – بىرلىك

اقتوبەگە جۇمىس ساپارىمەن كەلگەن پارلامەنت ءماجىلىسى توراعاسىنىڭ ورىنباسارى ۆلاديمير بوجكو دوستىق ۇيىندە ەتنومادەني بىرلەستىكتەر جانە قوعامدىق ۇيىمدار باسشىلارىمەن كەزدەستى. كەزدەسۋدى جۇرگىزىپ وتىرعان وبلىس اكىمى بەردىبەك ساپارباەۆ جينالعانداردى وبلىستىڭ وتكەن جىلعى ەكونوميكالىق-الەۋمەتتىك دامۋ كورسەتكىشتەرىمەن تانىس­تىردى. ونىڭ ايتۋىنشا, نەگىزگى كورسەتكىشتەر تولىق ورىندالعان, ەلباسى نازاردا ۇستاپ وتىرعان ەڭبەكاقى, زەينەتاقى, جاردەم­اقى جانە شاكىرتاقى تولەۋدەن بەرە­شەك جوق. اۋماق باسشىسى, سون­داي-اق, وبلىستاعى 18  ەتنو­مادەني بىرلەستىكتىڭ وڭىردەگى ۇلت­ارالىق تاتۋلىق پەن قوعامدىق-ساياسي تۇراقتىلىقتى قامتاماسىز ەتۋدەگى بەلسەندى جۇمىسىن اتاپ ءوتتى. وبلىستىق قازاقستان حالقى اسسامبلەياسى حاتشىلىعىنىڭ مەڭ­گەرۋشىسى بۇلبۇل ەلەۋسىنوۆا وتكەن جىلى اتقارىلعان جۇ­مىستاردان حاباردار ەتتى. ول وڭىردە 90-نان استام ۇلت تۇرا­تىنىن, ەتنومادەني بىرلەس­تىك­تەردە جۇمىس ىستەيتىن جەتى جەك­سەنبىلىك مەكتەپتە مەملەكەتتىك جانە ەتنوستاردىڭ انا ءتىل­دەرى وقىتىلاتىنىن, جەتى كوركەم­ونەرپازدار ۇجىمىنىڭ حالىقتىق جانە بىرەۋىنىڭ ۇلگىلى اتاقتارى بار ەكەنىن جەتكىزدى. كەزدەسۋدە تاريح عىلىم­دارىنىڭ دوكتورى ن.ابدوللاەۆ, «قازاقستان كورەيلەرى» اسسوتسيا­تسياسى وبلىستىق فيليالىنىڭ توراعاسى ك.تسحاي جانە باسقالار ءسوز سويلەپ, تىنىشتىق پەن بىرلىكتى نىعايتۋ, جاستاردى تەرىس ءدىني اعىمداردان ساقتاندىرۋ تۋرالى ويلارىن ورتاعا سالدى. ءوڭىر باسشىسى ۆ.بوجكونىڭ پارلامەنت ماجىلىسىنە قازاقستان حالقى اسسامبلەياسى اتىنان سايلانعان دەپۋتات ەكەنىن تىلگە تيەك ەتە كەلىپ, استانالىق قوناق­قا ءسوز كەزەگىن ۇسىندى. الدىڭ­عى سويلەگەندەردىڭ ۇسىنىس-پىكىرلەرىن تارازىلاي وي ءوربىت­كەن  ۆ.بوجكو ەلىمىزدەگى سۇتتەي ۇيى­عان بىرلىك پەن تۇراقتى­لىقتى نىعايتۋداعى جانە ەل­باسى سايا­ساتى مەن مەملەكەتتىك باع­دار­لامالاردى جۇزەگە اسىرۋداعى قازاقستان حالقى اسسام­بلەيا­سىنىڭ رولىنە  ايرىقشا توق­تالدى. ول ءار اداممەن جەكە جۇ­مىس ىستەۋ قاجەتتىگىن العا تارتا كەلىپ, لاڭكەستىكتىڭ الدىن الۋ ءۇشىن ءدىني ساۋاتتىلىقتى قالىپ­تاس­تىرۋ ماسەلەلەرىنە نازار اۋداردى. ساتىبالدى ءساۋىرباي, «ەگەمەن قازاقستان» اقتوبە