بولات جولداعى باياندى ىستەر

ەلىمىز تاۋەلسىزدىك الىپ, ىرگەمىز بەكي باستا­عان­نان بەرى كۇنى بۇگىنگە دەيىن كوپتەگەن يگى جۇمىستار حالىق يگىلىگى ءۇشىن اتقارىلىپ كەلەدى. ولاردىڭ قاتارىندا بۇگىندە تەمىر جول سالاسىندا جاسالعان شارۋالاردىڭ ورنى تىپتەن بولەك. قا­زاقستان ەكونوميكاسىنىڭ كۇرەتامىرى سانالا­تىن وسى سالادا كەيىنگى جىلدارى قىرۋار جۇمىستار ىستەلسە, الدا ءالى دە ەلىمىزدىڭ وركەن­دەۋىنە ءوز ۇلەسىن قوساتىن كەزەگىن كۇتكەن جۇمىستار دا جەتەرلىك. عاسىردان استام تاريحى بار  قازاقستان تەمىر جولىنىڭ ەل ەكونوميكاسىنا اكەلگەن  پاي­داسى ءوز الدىنا, جولاۋشىلار تاسىمالى تۇرعى­سىندا جاساعان شارۋالارى دا شاشەتەكتەن. بۇل تۇرعىدا, ارينە, ەلىمىز  كولىك جانە كوممۋنيكاتسيا مينيسترلىگىنىڭ ۇيىمداستىرۋشىلىق جۇمىس­تارىنداعى ەڭبەكتەرىن دە ەستەن شىعارماعان ءجون. قازىرگى تاڭدا تەمىر جول سالاسىن دامىتۋ ماقساتىندا 600 شاقىرىم تەمىر جول مەن 83 لوكوموتيۆ جانە 1192 ۆاگون كۇردەلى جوندەۋدەن وتكىزىلسە, 52 لوكوموتيۆ پاركى جاڭارتىلعان. سونداي-اق, جالپى قۇنى 12,5 ملرد. تەڭگەنى قۇرايتىن 1360 جۇك ۆاگوندارى ساتىپ الىنعان. ال الدىڭعى جىلى پايدالانۋعا بەرىلگەن  لوكوموتيۆ قۇراستىرۋ زاۋىتىندا بىلتىر  «Evolution» سەرياسىمەن 30 لوكوموتيۆ شىعىپ, زاۋىت ءوندىرىسى جولعا قويىلدى. 2010 جىلى  استانادا  تالگو جولاۋشىلار ۆاگونىن جاسايتىن زاۋىتتىڭ قۇ­رىلىسى باستالسا, بۇل اعىمداعى جىلدىڭ ەكىنشى توقسانىندا اياقتالادى دەپ جوسپارلانعان.  جانە وسى جىل سوڭىنا دەيىن, بۇيىرتسا, 35 ۆاگون جيىنتىعى جاسالىنادى دەپ كوزدەلىنۋدە. سو­نىمەن بىرگە, وتكەن جىلى ەلەكتروۆوز زاۋىتى قۇرىلىسى جونىندەگى كەلىسىمگە دە قول جەتكىزىلگەن. «وزەن-تۇركىمەنستانمەن شەكارا» تەمىر جول جەلىسىنىڭ قۇرىلىسىن سالۋ نيەتىندە دە ايتارلىقتاي جۇمىستار اتقارى­لۋدا. وتكەن جىلدىڭ جەلتوقسان ايىنىڭ سوڭىنداعى دەرەكتەرگە سۇيەنسەك, بەلگىلەنگەن باستى 142 شاقىرىم جول جاسال­عان. بۇل اتالعان جۇمىستىڭ 97 پايىزعا ورىندالعانىن كورسەتىپ وتىر. جىل سوڭىنا دەيىن باستى جول قۇرىلىسىنىڭ جۇمىسى اياقتالادى دەپ جوسپارلانۋدا. وسى رەتتە اتالمىش قۇرى­لىسقا ءبىر جارىم مىڭنان استام ادام مەن جەتى جۇزدەي ارنايى تەحنيكالار جۇمىلدىرىلعانىن دا ايتا كەتكەن ابزال. 2009 جىلدىڭ جەلتوقسانىندا ۇزىندىعى 293 شاقىرىمدى قۇرايتىن  «جەتىگەن- قورعاس»  تەمىر جولىنىڭ قۇرىلىسى باستالسا, مۇندا 1,5 مىڭنان استام تەحنيكا مەن 3 مىڭعا جۋىق جۇمىس كۇشى تارتىلعان. جاڭا تەمىر جول جەلىسى بويىنشا پويىزداردى جۇرگىزۋ بيىلعى جىلدىڭ سوڭىنا بەلگىلەنگەن. تەمىر جول سالاسىندا بيىلعا كوزدەلگەن شارالار دا كوڭىل قۋانتارلىقتاي. جالپى قۇنى 29 ملرد. تەڭگە بولاتىن 624 شاقىرىم تەمىر جولدى كۇردەلى جوندەۋدەن وتكىزۋ جانە قايتا جاڭعىرتۋ جۇمىستارىن جۇرگىزۋ مىندەتى جوس­پارلانعان.  سونداي-اق 6070 جىلجىمالى جۇك ۆاگوندارىن ساتىپ الۋ بەلگىلەنسە,  1524 جۇك ۆاگوندارىنا كۇردەلى جوندەۋ جۇرگىزۋ دە نازاردان تىس قالماعان.  41ملرد. تەڭگەگە 76 لوكوموتيۆ ساتىپ الۋ دا بيىلعى جىلدىڭ كۇن تارتىبىندە تۇر. سايىپ كەلگەندە, مۇنىڭ بارلىعى دا حا­لىقتىڭ قامى ءۇشىن جاسالعان جانە جاسالۋعا ءتيىس جۇمىستار ەكەنى بەلگىلى. بولات جولدىڭ بويىن­داعى باياندى ىستەردىڭ بولاشاققا قارىشتى قادام باسۋعا تالپىنعان ەل ەكونوميكاسىنىڭ دامۋىنا تىڭ سەرپىن بەرەرى ايقىن. ءابدىراحمان  قىدىربەك.