قازاقستان رەسپۋبليكاسى دەنساۋلىق ساقتاۋ ءمينيسترىنىڭ بۇيرىعى №903

2010 جىلعى 19 قاراشا, استانا قالاسى «مەديتسينالىق-سانيتاريالىق العاشقى كومەك كورسەتۋ جانە ازاماتتاردى مەديتسينالىق-سانيتاريالىق العاشقى كومەك ۇيىمدارىنا تىركەۋ ەرەجەسىن بەكىتۋ تۋرالى» قازاقستان رەسپۋبليكاسى دەنساۋلىق ساقتاۋ ءمينيسترىنىڭ مىندەتىن اتقارۋشىنىڭ 2009 جىلعى 26 قاراشاداعى №794 بۇيرىعىنا وزگەرىس پەن تولىقتىرۋ ەنگىزۋ تۋرالى امبۋلاتورلىق-ەمحانالىق كومەك كورسەتەتىن دەنساۋلىق ساقتاۋ ۇيىمدارىنىڭ قىزمەتتەرىن جەتىلدىرۋ ماقساتىندا بۇيىرامىن: 1. «مەديتسينالىق-سانيتاريالىق العاشقى كومەك كورسەتۋ جانە ازاماتتاردى مەديتسينالىق-سانيتاريالىق العاشقى كومەك ۇيىمدارىنا تىركەۋ ەرەجەسىن بەكىتۋ تۋرالى» قازاقستان رەسپۋبليكاسى دەنساۋلىق ساقتاۋ ءمينيسترىنىڭ مىندەتىن اتقارۋشىنىڭ 2009 جىلعى 26 قاراشاداعى №794 (نورماتيۆتىك قۇقىقتىق اكتىلەردى مەملەكەتتىك تىركەۋ تىركەلىمىندە №5953 تىركەلگەن, 2010 جىلى №7 قازاقستان رەسپۋبليكاسىنىڭ ورتالىق اتقارۋشى جانە باسقا ورتالىق مەملەكەتتىك ورگاندارىنىڭ اكتىلەر جيناعىندا جاريالانعان) بۇيرىعىنا مىناداي وزگەرىس پەن تولىقتىرۋ ەنگىزىلسىن: كورسەتىلگەن بۇيرىقپەن بەكىتىلگەن مەديتسينالىق-سانيتاريالىق العاشقى كومەك كورسەتۋ جانە ازاماتتاردى مەديتسينالىق-سانيتاريالىق العاشقى كومەك ۇيىمدارىنا تىركەۋ ەرەجەسىندە: 6-تارماقتا «انىقتامالىقتار» دەگەن ءسوز ءسوزىن «تىزبەلەر» دەگەن سوزبەن اۋىستىرىلسىن; 8-تارماق مىناداي مازمۇنداعى 8) تارماقشامەن تولىقتىرىلسىن: «8) الەۋمەتتىك-پسيحولوگيالىق كونسۋلتاتسيا». 2. قازاقستان رەسپۋبليكاسى دەنساۋلىق ساقتاۋ مينيسترلىگىنىڭ مەديتسينالىق كومەكتى ۇيىمداستىرۋ دەپارتامەنتى (ا.ع.تولەعاليەۆا) وسى بۇيرىقتى زاڭنامادا بەلگىلەنگەن تارتىپپەن قازاقستان رەسپۋبليكاسى ادىلەت مينيسترلىگىندە مەملەكەتتىك تىركەۋدى قامتاماسىز ەتسىن. 3. قازاقستان رەسپۋبليكاسى دەنساۋلىق ساقتاۋ مينيسترلىگىنىڭ اكىمشىلىك-قۇقىقتىق جۇمىس دەپارتامەنتى (ف.ب.بيسميلدين) وسى بۇيرىق مەملەكەتتىك تىركەۋدەن وتكەننەن كەيىن ونىڭ رەسمي جاريالانۋىن قامتاماسىز ەتسىن. 4. وسى بۇيرىقتىڭ ورىندالۋىن باقىلاۋ قازاقستان رەسپۋبليكاسىنىڭ دەنساۋلىق ساقتاۋ ۆيتسە-ءمينيسترى ە.ءا.بايجۇنىسوۆكە جۇكتەلسىن. 5. وسى بۇيرىق ونى العاش رەسمي جاريالاعان كۇنىنەن سوڭ كۇنتىزبەلىك ون كۇن وتكەننەن كەيىن قولدانىسقا ەنگىزىلەدى. مينيستر  س. قايىربەكوۆا. بۇيرىق قازاقستان رەسپۋبليكاسىنىڭ ادىلەت مينيسترلىگىندە 2010 جىلعى 13 جەلتوقساندا نورماتيۆتىك قۇقىقتىق كەسىمدەردى مەملەكەتتىك تىركەۋدىڭ تىزىلىمىنە №6679 بولىپ ەنگىزىلدى.