18 ناۋرىز، 2011

جۇيرىك ات، العىر قىران، ۇشقىر تازى...

347 رەت كورسەتىلدى
جاقىندا «سايات» ۇلتتىق سپورت ءتۇرى بويىنشا «ەڭ العىر قىران» اتتى قۇسبەگىلەردىڭ رەسپۋبليكالىق جارىسى بولىپ ءوتتى. جامبىل اۋدانىنداعى ايشا ءبيبى اۋىلىندا وتكەن قۇسبەگىلەر باسەكەسىنە اقمولا، الماتى، اقتوبە، اتى­راۋ، قاراعاندى، وڭتۇستىك قازاقستان جانە جامبىل وبلىسىنان 25 بۇركىتشى قاتىستى. باسەكەدە اقتوبەلىك قوزىكورپەش مايداۋلەت ۇلى «ەڭ العىر قىران» يەسى اتاندى. ول بۇركىتتى شاقىرۋ، شىرعا تارتۋ، تۇلكىگە سالۋدان الدىنا ساياتشى سال­دىر­مادى. ەكىنشى ورىنعا الماتىلىق قۋانىش يسابەكوۆ، ءۇشىنشى ورىنعا وڭتۇستىك قازاقستان وبلىسىنان كەلگەن قۇسبەگى باعدات كەۋەنوۆ يە بولدى. ال قارشىعا سالۋدا جامبىلدىق جاس ساياتشى­لار­دىڭ باعى جاندى. جامبىل اۋدانىنداعى ورنەك اۋى­لىن­دا تۇراتىن باۋىرجان ەشمەتوۆ اتتى قاريا اتا-بابا ونەرىن ۇرپاقتارىنا جالىقپاي ۇيرەتىپ ءجۇر ەكەن، جەڭىمپاز دا، مىنە، سولار بولىپ شىقتى. جاس سايات­شىلار شەرنياز، تۇرنياز جانە عازيزحاندار اتاسىنىڭ ساياتشىلىق ونەرىن وتە شەبەر مەڭگەرىپ الىپتى. عازيزحانى، ءتىپتى، 6 جاسقا ەندى تولىپتى. «سايات» ۇلتتىق سپورت ءتۇرى بويىنشا ءداستۇرلى تۇردە وتكىزىلىپ كەلە جاتقان قۇسبەگىلەر باسەكەسىنىڭ باستى ماقساتى – ۇلتتىق ساياتشىلىق ونەرىن قايتا دامىتۋ بولىپ تابىلادى. ويتكەنى، حالقىمىزدىڭ سالت-ءداس­تۇ­رىنە بەرىك ورنىققان ساياتشىلىق ونەردىڭ بۇقارالىق سيپات الۋى بۇگىنگى جاھانداسۋ داۋىرىندە وتە ماڭىزدى. ەل تاۋەلسىزدىگىنىڭ 20 جىلدىعى قۇرمەتىنە ارنالعان قۇسبەگىلەر جارىسىنىڭ قورىتىندىسى بويىنشا جە­ڭىم­پازدار مەن جۇلدەگەرلەرگە تۋريزم جانە سپورت مي­نيسترلىگىنىڭ ديپلومدارى مەن مەدالدارى سالتاناتتى جاعدايدا تابىس ەتىلدى. كوسەمالى ساتتىباي ۇلى. جامبىل وبلىسى، جامبىل اۋدانى، ايشا ءبيبى اۋىلى.
سوڭعى جاڭالىقتار

كاسپي جاعالاۋىندا قوقىس كوپ

ەكولوگيا • بۇگىن، 20:47

قازان-نۇر-سۇلتان اۋە رەيسى اشىلادى

قازاقستان • بۇگىن، 18:45

COVID-19: وڭىرلەردەگى جاعداي كۇردەلى

كوروناۆيرۋس • بۇگىن، 18:03

نۇر-سۇلتاندا قانداي ۆاكتسينالار بار؟

كوروناۆيرۋس • بۇگىن، 17:19

الماتىدا قويما ورتەنىپ جاتىر

ايماقتار • بۇگىن، 10:30

ۇقساس جاڭالىقتار