ناۋرىزبەن كەلگەن قۋانىش

كەشە ەلباسى نۇرسۇلتان نازارباەۆ استا­نا­نىڭ كونگرەسس-حولل سارايىندا قالانىڭ تۇر­عىن ءۇي باسقارماسىندا كەزەكتە تۇرعان ءبىر توپ استانالىقتارعا مەملەكەتتىك تۇرعىن ءۇي قورى ەسەبىنەن جاڭا پاتەرلەردىڭ كىلتىن تابىس ەتتى. بۇل  ناۋرىز مەيرامى قارسا­ڭىن­دا تۇرعىندارعا مەملەكەت تا­راپىنان جاسالىپ وتىرعان يگى ىستەردىڭ بىرەگەيى دەۋگە تۇرارلىق شارا بولدى. تۇرعىندار وزدەرىنە مەملەكەت تاراپىنان جاسالىپ وتىرعان قامقورلىققا شەكسىز ريزا ەكەندىكتەرىن كەڭ سارايدىڭ ىشىندە شاتتىق سەزىممەن سەزدىرىپ ءجۇر. ولاردىڭ قۋانىشى ساراي­دىڭ بارلىق تۇكپىرىن شارپىپ,  وسىندا بولعان جانداردىڭ ءبارى دە قۋا­نىش­تى كۇيدى باستارىنان كەشتى. مىنبەرگە كوتەرىلگەن ەلباسى نۇرسۇلتان نازارباەۆ جينال­عان­داردى الدىمەن ناۋرىز مەرەكەسىمەن قۇتتىقتادى. باس قالامىزدا مۇنداي ۇلكەن مەرەكەنى قونىس تويى قۋانىشىنا ۇلاستىرۋ يگى داستۇرگە اينالىپ كەلەدى. بيىلعى ناۋرىزدا بارلىعى 400 وتباسى جاڭا قونىسقا قول جەتكىزىپ وتىر. قۋانىشتارىڭىز قۇتتى بولسىن, دەدى پرەزيدەنت. ودان ءارى ەلباسى ءۇش جىلعا سوزىلعان داع­دارىس جىلدارىنىڭ تۇرعىن ءۇي قۇرىلىسىنا دا زاردابىن تيگىزگەنىن ايتتى. بىراق سوعان قارا­ماي قازاقستان ءوزىنىڭ ازا­مات­تارىن تۇرعىن ۇيمەن قامتاماسىز ەتۋ ماسەلەسىن ءبىر ءسات تە ەسىنەن شى­عارماي, كۇن تارتىبىنەن ءتۇسىر­گەن ەمەس. كوپتەگەن ازامات­تا­رى­مىز­دى الداپ كەتكەن سەنىمسىز فير­مالاردىڭ دا مىندەتىن بيلىك ءوز موينىنا الىپ, زارداپ شەك­كەن­دەردىڭ تۇرعىن ۇيلەرى قۇرىلىس­تا­رى­نىڭ اياقتالۋىنا مۇمكىندىك تۋ­دىردى. ودان ارعى ءوزىنىڭ سوزىندە پرەزيدەنت الەمدىك ەكونوميكا­لىق داعدارىسقا قاراماستان قا­زاق­ستانداعى تۇرعىن ءۇي قورى 45 ملن. شارشى مەترگە ۇلعايعانىن اتاپ ءوتتى. سونىڭ ارقاسىندا ءبۇ­گىن­گى كۇنگە دەيىن 1,5 ملن.-عا جۋىق قازاقستاندىقتار جاڭا باسپانامەن قامتاماسىز ەتىلدى. باس قالادان باسپانا الىپ, «استانالىق» اتانۋ قازاقستاننىڭ بارلىق ازاماتىنا ۇلكەن مارتەبە, زور قۋانىش. ءبىزدىڭ تاۋەلسىزدىك ال­عان جىلداردان بەرگى ساياساتى­مىز­دىڭ باسىم باعىتتارىنىڭ ءبىرى دە سول – ءاربىر قازاقستاندىق وت­باسىنىڭ ءوز باسپاناسى بولۋىنا قول جەتكىزۋ. مەملەكەت وسى ماق­سات­قا قول جەتكىزۋ ءۇشىن قولدان كەلگەن بارلىق مۇمكىندىكتەردى جاساۋدا. ودان ءارى پرەزيدەنت باسپانا الۋدىڭ قۋا­نىشى ايرىقشا ەكەنىن, سونىڭ ىشىندە, ءوزىنىڭ دە شاعىن پاتەرگە قول جەتكىزگەندەگى قۋانىشىن ەسكە الىپ ءوتتى. پرەزيدەنت بيىلعى جول­داۋىنا دا توق­تالىپ, وندا تۇرعىن ءۇي-كوم­مۋ­نالدىق شارۋا­شى­لىعىن جاڭالاۋ تۋرالى ار­نايى تاپسىرما بەرىلگەندىگىن ايتتى. مۇنىڭ ءوزى تۇر­عىنداردىڭ اۋىز سۋمەن, جىلۋ­مەن, ەلەكتر جارىعى جانە گازبەن قامتاماسىز ەتىلۋىندەگى كەمىستىكتەردى جوياتىنى ءسوزسىز. ەسكىرگەن كوممۋنالدىق شارۋاشىلىق جۇيە­لەرىن پاتەر يەلەرى كووپە­راتيۆ­تەرىنىڭ ءوز كۇشىمەن جاڭالاندىرا الماسىن بىلگەندىكتەن مەملەكەت تاراپىنان جاسالىپ وتىرعان بۇل قامقورلىق تا تۇرعىنداردىڭ ري­زاشىلىقتارىن تۋعىزۋدا. ونىڭ ۇستىنە وسى جۇمىستاردىڭ ارقا­سىن­دا 10 مىڭعا جۋىق ادام جۇ­مىس ورىندارىمەن قامتاماسىز ەتىلمەك. ءسوزىن اياقتاعان سوڭ ەلباسى ن.نازارباەۆ جۇرەكتەرى قۋانىشتان لۇپىلدەپ وتىرعان بىرقاتار تۇر­عىندارعا ءوز قولىمەن پاتەر كىلتتەرىن تاپسىردى. مۇنداي باقىتقا يە بولعانداردىڭ اراسىندا  قالا­دا­عى قۇرىلىس كومپانيالارىنىڭ بىرىندە جۇمىس ىستەيتىن, وتبا­سىن­دا مۇگەدەك بالا تاربيەلەپ وتىر­عان دورج بەيىمبەت, ۇلى وتان سوعىسى ارداگەرىنىڭ جەسىرى ەكاتەرينا نادىروۆا, اسكەري قىز­مەت­كەر تيموفەي رولزينگ, استانا قا­لاسى گۋمانيتارلىق كوللەدجى­نىڭ ستۋدەنتى, اتا-انانىڭ قامقور­لى­عىنسىز قالعان ەلميرا بول­عانباەۆا, ءا.مارعۇلان اتىنداعى 40-شى مەكتەپتىڭ قازاق ءتىلى ءپانىنىڭ مۇعالىمى بولات بايقاسوۆ جانە ت.ب. بولدى. وسى كۇندەرى جالپى سانى 400 وتباسى پاتەر الۋعا قول جەتكىزدى. ولاردىڭ ءبارى دە الەۋمەتتىك جا­عىنان قورعالۋعا ءتيىستى توپتار­دىڭ وكىلدەرى. اتاپ ايتقاندا, 19-ى ۇوس-نا قاتىسۋشى مەن مۇگە­دەكتەر, 33-ءى وسىلارعا تەڭەستىرىلگەندەر, 10-ى جەتىم بالالار, 46-سى زەينەتكەرلەر, 62-ءسى 1-ءشى جانە 2-ءشى توپتاعى مۇگەدەكتەر, 7-ءى مۇگەدەك بالالار اسىراپ وتىرعان, 8-ءى كوپ بالالى, 47-ءسى تولىق ەمەس وتبا­سىلار. بۇلاردان باسقا الەۋمەتتىك پاتەرلەر الۋشىلار قاتارىندا 3 ادام اۋىر دەرتكە شالدىققاندار, 8-ءى ەكولوگيالىق اپات سالدارىنان باسپاناسىنان ايىرىلعاندار, 5-ءى مەملەكەتتىك نەمەسە قوعامدىق ءمىن­دەتتى اتقارۋ كەزىندە قازا تاپ­قاندار وتباسىلارى بولدى. وسى­لارمەن قاتار 153 بيۋدجەتتىك مەكەمەلەر مەن مەملەكەتتىك قىزمەت­كەرلەر وتباسىلارى دا قونىس تويىن تويلايتىن بولادى. بۇل پاتەرلەر قازىر قۇرىلىسى تولىق اياقتالىپ, قالانىڭ كوممۋنالدىق مەنشىگىنە بەرىلگەن «جاعالاۋ», «زەردە», «تامىز» تۇرعىن ءۇي كە­شەن­دەرىنەن بەرىلەدى. كونگرەسس-حوللداعى ەلباسى­نىڭ قولىنان پاتەردىڭ كىلتىن الۋ سالتاناتى ك.بايسەيىتوۆا اتىن­داعى ۇلتتىق وپەرا جانە بالەت تەاترى مەن «سەرپەر» دومبىرا وركەسترى جانە باسقالاردىڭ قا­تىسۋىمەن بولعان مەرەكەلىك كونتسەرتكە ۇلاستى. جاقسىباي سامرات. ----------------------------------------- سۋرەتتەردى تۇسىرگەندەر س.بوندارەنكو, ب.وتارباەۆ.