العا, ارلاندار!

كاسىپقوي بوكستان بۇكىلالەمدىك سەريا بويىنشا ءوتىپ جاتقان جارىستار اياقتالۋعا جاقىنداپ كەلەدى. جۋىردا ازيا, ەۋروپا جانە امە­ريكا قۇرلىقتارى بويىنشا ءۇش توپقا بولىنگەن 12 كوماندا ءوز­دەرىنىڭ كەزەكتى جەكپە-جەكتەرىن ءوت­كىزدى. سونىڭ ىشىندە ازيا تو­بىن­دا ەلىمىزدىڭ نامىسىن قورعاپ جاتقان «Astana arlans» («استانا ار­لان­دارى») كومانداسى وتكەن سەن­بى كۇنى توپتىڭ ءفاۆوريتى ءازىر­بايجاننىڭ «Baku fires» («باكۋ الاۋلارى») بوكس­شىلارىمەن كەزدەسىپ, 5:0 ەسەبىمەن جەڭدى. بۇل ەكى جاقتىڭ ءتور­تىنشى رەت كەزدەسۋى بولدى. مۇنىڭ الدىندا وتكەن ءۇش جەكپە-جەكتىڭ بارىندە «ارلاندار» قارسىلاس­تا­رى­نان جەڭىلگەن بولاتىن. سول كەزدەرى بولعان ايقاستاردا استانالىقتار ال­دىمەن 1:4, ودان كەيىن قاتارىنان 2:3 ەسەبىمەن جەڭىلگەنى ەسىمىزدە. وسى كەشتە «استانا ارلان­دارى» ساپىندا ءمىرجان راقىم­جانوۆ (54 كگ.), ەرجان ءمۇساپىروۆ (61 كگ.), قانات ءسىلام (73 كگ.), رامجون احمەدوۆ (85 كگ.), رۋسلان مىرساتاەۆ (91 كگ.-دەن جوعارى) قارسىلاستارىن ايقىن باسىم­دى­لىق­پەن ۇتتى. ەندى 18 ناۋرىز كۇنى «ارلاندار» سىرت الاڭدا وڭتۇستىك كورەيانىڭ «Poseidons Pohang» نەمەسە «قىزىل قاناتتىلارىمەن» قول­عاپ تۇيىستىرەدى. بۇل «ارلان­داردىڭ» توپتىق كەزدەسۋدەگى ەڭ سوڭ­عى جەكپە-جەگى بولادى. وسى­دان كەيىن ولار ەۋروپا جانە امەريكا توبىندا ءبىرىنشى ورىن ال­عان كوماندامەن كۇش سىناسادى. قازىر وتكەن جىلدىڭ قاراشا ايىنان باستالعان تۋرنيردە  ءبىرىنشى ورىندى 9 جەڭىس, 2 جەڭىلىس, 28 ۇپايى بار «باكۋ الاۋلارى» يەلەنىپ وتىر­سا, ودان كەيىنگى ورىندا 8 جەڭىس, 3 جەڭىلىس, 26 ۇپايدى ەنشىلەگەن «استانا ارلاندارى» كەلەدى. بىراق بۇل كورسەتكىشكە قاراپ «باكۋ الاۋلارىنىڭ» قارقىنى بىزدەن ءال­دە­قايدا كۇشتى دەپ ايتا المايمىز. وسى ەكى كوماندانىڭ اراسىنداعى مىق­تى بوكسشىلاردى جارىستىڭ جار­تىلاي فينالدىق كەزدەسۋلەرى انىقتايدى. بۇل جەكپە-جەكتەر 6-7 مامىر كۇندەرى قىتايدىڭ گۋيان قالاسىندا وتەتىن باسقوسۋدا بەلگىلى بولادى. وسى كۇندەرى ەۋروپا تو­بىندا ەشكىمگە دەس بەرمەي كەلە جات­قان «Paris united», امەريكا تو­بىندا اقش-تىڭ «Los Angeles matadors» پەن مەكسيكانىڭ «Mexi­co city guerrerors» كوماندالارىنىڭ بىرەۋى, ازيادان «Baku fires» ۇجى­مى جانە «Astana arlans» بوكسشى­لارى­نىڭ كۇش سىناسۋعا مۇمكىندىگى كوپ. ال ەۋروپا توبىندا ءبىزدىڭ «ارلاندارمەن» ۇزەڭگى قاعىستىرىپ كەل­گەن يتاليانىڭ «Milano thun­ders» كومانداسى جارتىلاي فينالعا جولداما الۋ مۇمكىندىگىنەن ايى­رىل­دى دەسە بولادى. بۇل كوماندا «پاريج يۋناينەد» بوكسشىلارى­مەن وتكىزگەن سوڭعى كەزدەسۋىندە جەڭىلىس تاپتى. ءسويتىپ, ءار توپتان ءبىرىنشى ور-     ىندى العان ءۇش كوماندا جانە ەكىنشى ورىندى الىپ, ەڭ كوپ ۇپاي يەلەنگەن ۇجىم 6-7 مامىر كۇن­دەرى جارتىلاي فينالعا شى­عىپ, سول جەردە باس جۇلدەنى سا­راپقا سالا­دى. فينالدىق ايقاستا جەڭ­گەن كو­مان­داعا 500 مىڭ دول­لار كولە­مىن­دە سىياقى تابىس ەتىلەدى. ال في­نالعا شىققانعا 150 مىڭ دوللار بەرىلەدى. جار­تىلاي فينالدا اي­قاس­قان كومان­دالارعا 50 مىڭ دوللاردان تارا­تى­لادى. ودان كەيىن 27-28 مامىر كۇندەرى جەكەلەگەن سالماق دارە­جەلەرى بو­يىن­شا كەزدەسۋلەر وتە­دى. مۇن­دا ءار سالماقتا توپ جار­عان بوكسشى­عا 20 مىڭ اقش دول­لارىمەن قو­سا, 2012 جىل­عى لوندون وليم­پياداسىنا جول­داما بەرىلەدى. جە­ڭىلگەن بوكس­شىعا 10 مىڭ دوللار تابىس ەتىلەدى. داستان كەنجالين.