پالاتانىڭ قاراۋىنا جىبەرىلدى

سەناتتىڭ ەكونوميكالىق جانە وڭىرلىك ساياسات كوميتەتىندە «قازاقستان رەسپۋب­ليكا­سى­نىڭ كەيبىر زاڭنامالىق اكتىلەرىنە ۋاكىلەتتى مەملەكەتتىك ورگاندار مەن قازاقستان رەس­پۋب­ليكاسى ۇكىمەتىنىڭ تەكسەرىلەتىن سۋبەكتىلەرگە قويىلاتىن تا­لاپ­تاردى بەلگىلەيتىن نورماتيۆتىك قۇقىقتىق اكتىلەردى قا­بىلداۋ قۇزىرەتتەرىن قايتا قا­راۋ ماسەلەلەرى بويىنشا وزگە­رىستەر مەن تولىقتىرۋلار ەنگىزۋ تۋرالى» زاڭ جوباسى تالقى­لاندى. زاڭ جوباسىمەن «قازاقستان رەسپۋبليكاسىنىڭ كەيبىر زاڭنا­ما­لىق اكتىلەرىنە جەكە كاسىپ­كەرلىك ماسەلەلەرى بويىنشا وزگەرىستەر مەن تولىقتىرۋلار ەنگىزۋ تۋرالى» زاڭمەن قولدا­نىستاعى زاڭنامالىق اكتىلەر سايكەستەندىرىلەتىن بولادى. اتاپ ايتقاندا, ول تەكسەرىلەتىن سۋبەكتىلەرگە قويىلاتىن تالاپتاردى بەلگىلەيتىن نورماتيۆتىك قۇقىقتىق اكتىلەر يە­رار­حياسىنا, سونداي-اق كاسىپ­كەر­لىكتى قولدايتىن مەملەكەتتىك قارجى قۇرالدارىن كەڭەيتۋگە قاتىستى بولىپ وتىر. زاڭ جوباسىمەن «اكىمشىلىك قۇقىق بۇزۋشىلىق تۋرالى», «حا­لىق دەنساۋلىعى جانە دەن­ساۋلىق ساقتاۋ جۇيەسى تۋرالى», «قازاقستان رەسپۋبليكاسىن­دا-عى كەدەن ءىسى تۋرالى», جەر, سۋ, ورمان, ەكولوگيا جانە ەڭبەك كودەكستەرىنە وزگەرىستەر ەنگىزىلەتىن بولادى. تۇزەتۋلەر, سونى­مەن قاتار, «قازاقستان رەسپۋب­لي­كاسىنداعى مەملەكەتتىك جانە جەرگىلىكتى ءوزىن-ءوزى باسقارۋ تۋ­رالى», «اكىمشىلىك پروتسەدۋرالار تۋرالى», «جەكە كاسىپكەرلىك تۋرالى», «مەملەكەتتىك باقى­لاۋ جانە قاداعالاۋ تۋرالى», «ويىن بيزنەسى تۋرالى» زاڭ­دارعا دا ەنگىزىلەدى. زاڭ جوباسى پالاتانىڭ قا­راۋ­ىنا جىبەرىلدى, دەپ حابار­لا­دى پارلامەنت سەناتىنىڭ ءباسپاسوز قىزمەتى.