ورنىقتى دامۋ ماقساتتارى تانىستىرىلدى

پارلامەنت سەناتىندا بىرىككەن ۇلتتار ۇيىمىندا 2030 جىلعا دەيىنگى جاھاندىق كۇن ءتارتىبى رەتىندە قابىلدانعان ورنىقتى دامۋ ماقساتتارى (ودم) تانىستىرىلدى. بۇۇ-عا قاتىسۋشى مەملەكەتتەر 2015 جىلعى قىركۇيەكتە قابىلداعان 17 ماقسات كەدەيلىكتى جويۋعا, جەر جۇزىندەگى رەسۋرستاردى ساقتاۋعا جانە بارشانىڭ تەڭدىگى مەن يگىلىگىن قامتاماسىز ەتۋگە باعىتتالىپ وتىر. ورنىقتى دامۋ ماقساتتارىن ىسكە اسىرۋدى دامىتۋعا ارنالعان كەشەن­دى قادامداردى, كەدەيلىك پەن تەڭسىز­دىكتىڭ تۇپكى سەبەپتەرىن جويۋدى كوز­­دەيدى. وسى ورايدا, شارانى اشا كەلىپ, سەناتتىڭ حالىقارالىق قاتى­­ناستار, قورعانىس جانە قاۋىپ­سىز­دىك كوميتەتىنىڭ ءتورايىمى دا­ري­عا نازارباەۆا ورنىقتى دامۋ ماق­سات­­تارىنىڭ ءبارى قامتىلاتىنىن جانە ءورشىل باعدارلامالارىن ىسكە اسى­­رۋدا ۇلتتىق ۇكىمەتتەرگە نەگىزگى جاۋ­اپ­كەرشىلىك جۇكتەلەتىنىن اتاپ ءوتتى. سەناتوردىڭ ايتۋىنشا, ءبىزدىڭ ەلىمىز بۇۇ باستامالارىن ىسكە اسىرۋعا بەلسەندى قاتىسىپ كەلەدى جانە 2017 جىلى بۇۇ قاۋىپسىزدىك كەڭەسىنىڭ تۇراقتى ەمەس مۇشەسى بولۋ قۇرمەتىنە يە بولدى. ءبىزدىڭ ەلىمىزدە قابىلدانعان ۇلتتىق ستراتەگيالىق قۇجاتتار مەن سالالىق مەملەكەتتىك باعدارلامالار ورنىقتى دامۋ ماقساتتارىنا ۇندەس بولىپ وتىر. بەس ينستيتۋتتىق رەفورمانى ىسكە اسىرۋ جونىندەگى «100 ناقتى قادام» ۇلت جوسپارى ورنىقتى دامۋ ماقساتتارىن تابىستى جۇزەگە اسىرۋعا ەلەۋلى تەتىكتەر ۇسىنادى», دەپ اتاپ ءوتتى د.نازارباەۆا. ونىڭ سوزىندە الداعى «بو­لا­شاق­تىڭ ەنەرگياسى» تاقىرىبىمەن استانادا وتەتىن ەكسپو-2017 حالىقارالىق كورمەسىندە ەكولو­گيا­لىق ماقساتتاردى ىلگەرىلەتۋدىڭ ماڭىزدى ءرولى اتاپ ءوتىلدى. «ءبىزدىڭ رەسپۋبليكامىزدىڭ جەتىستىكتەرى جانە جاڭا مىندەتتەر قويۋ دەڭ­گەيى ەل­باسىنىڭ قازاقستاندى دامى­­تۋ­داعى الىستى بولجاعان ستراتە­­گيالىق ويلارىن كورسەتەدى. قازىر­گى زامانداعى قازاقستان ورنىق­تى دامۋ ماقساتتارىنا قول جەتكى­زۋدە كوش­باسشى بولۋعا دايىن جانە اي­ماقتاعى ەلدەر ءۇشىن ونەگە رەتىن­دە قىزمەت ەتەدى», دەدى د.نازار­باەۆا. بۇۇ دامۋ باعدارلاماسىنىڭ تۇراقتى وكىلى – بۇۇ تۇراقتى ۇيلەستىرۋشىسى نوريماسا شيمامۋرا پار­لا­مەنتشىلەرگە قۇتتىقتاۋ ءسوز ار­نادى. ونىڭ ايتۋىنشا, ورنىق­تى دامۋدىڭ اۋقىمى بويىنشا ءبارى قام­تى­لاتىن جانە ءورشىل ماقسات­تارىنا قول جەتكىزۋ بارلىق مۇددەلى تاراپ­تاردىڭ تىعىز ارىپتەستىگى جاع­دايىندا عانا قول جەتكىزۋگە بولادى. ال سىرتقى ىستەر ءمينيسترىنىڭ ورىنباسارى ەرجان اشىقباەۆ قازاقستاندا ودم-نى ىسكە اسىرۋ بارىسى تۋرالى سەناتورلاردى حاباردار ەتتى. تانىستىرىلىمعا قاتىسۋشىلار سەنات دەپۋتاتتارى بىرعانىم ءايتىموۆا, اقان بيجانوۆ, گەوگري كيم جانە دارحان كالەتاەۆتىڭ قويعان ساۋالدارىنا جاۋاپ بەردى. شارا قورىتىندىسى بويىنشا سە­نا­تورلار ورنىقتى دامۋ قاعي­دات­تارىن ىلگەرىلەتۋ قاجەتتىگى جانە ورنىقتى دامۋ ماقساتتارىن ىسكە اسى­رۋعا قولايلى جاعداي قالىپ­تاستىرۋ ءۇشىن قولدانىستاعى زاڭنا­ماعا ودم-نى كىرىكتىرۋگە جاردەم­دەسۋ اتاپ وتىلگەن مالىمدەمە قابىل­دادى. مالىمدەمەدە ودم-عا قول جەتكىزۋ قازاقستاننىڭ حالىقتىڭ ءال-اۋقاتىن جاقسارتۋعا جانە الەمدەگى باسەكەگە ەڭ قابىلەتتى 30 ەلدىڭ قاتارىنا ەنۋىنە مۇمكىندىك بەرەتىنى ايتىلادى, دەپ حابارلادى سەناتتىڭ ءباسپاسوز قىزمەتى.