قازاقستان-چەحيا بيزنەس-فورۋمى ءوتتى

شارانىڭ اشىلۋ راسىمىنە قازاقستان رەسپۋبليكاسى ينۆەستيتسيالار جانە دامۋ ۆيتسە-ءمينيسترى ەرلان حايروۆ, چەحيا رەسپۋبليكاسىنىڭ سىرتقى ىستەر ءمينيسترى لۋبوميرا زاورالەك جانە ايماقتىق دامۋ ءمينيسترى كارلا شلەحتوۆا قاتىستى. ءجۇز ەلۋدەي شەتەلدىك, وتان­دىق كومپانيا وكىلدەرى اتسالىس­قان شارا قوس مەملەكەت اراسىن­داعى ساۋدا-ەكونوميكالىق جانە ينۆەستيتسيالىق ىنتىماق­تاس­تىقتى جالعاستىرۋ جانە نىعاي­تۋعا باعىتتالعان. ولار B2B فور­ماتىندا ەنەرگەتيكا, كولىك قۇراستىرۋ, قۇرىلىس, فارماتسەۆ­تيكا جانە باسقا دا سالالاردا بيزنەس جۇرگىزۋ جونىندە كەلىس­سوزدەر جۇرگىزدى. سونىمەن قاتار, چەحيالىق «Prevalent» ين­ۆەس­تيتسيالىق قورى مەن قازاق­ستاندىق «KAZNEX INVEST» ەكسپورت جانە ينۆەستي­تسيالار ۇلتتىق اگەنتتىگى ارا­سىندا ىنتىماقتاستىق تۋرالى مەموراندۋمعا قول قويىلدى. جيىن بارىسىندا ينۆەس­تيتسيا­لار جانە دامۋ ءمينيسترىنىڭ ورىن­باسارى ەرلان حايروۆ ەلىمىز­دەگى جەكەشەلەندىرۋ ءۇردى­سىنىڭ ءساتتى جۇزەگە اسىپ جات­قانىن اڭگىمەلەدى. «ءبىزدىڭ اۋ­قىمدى جوبالار چەحيا رەس­پۋب­ليكاسىنىڭ وكىلدەرىن قىزىق­تىرادى دەگەن سەنىمدەمىز. ال­داعى ۋاقىتتا مەملەكەت-جەكە­مەنشىك ارىپتەستىگى جۇيەسىن قول­دان­باقشىمىز. قازىرگى تاڭدا مەملەكەتتىك ءىرى كومپانيالاردى جەكەشەلەندىرۋ ءۇردىسى ءساتتى جۇزەگە اسۋدا. وسى ورايدا چەحيا بيزنەسمەندەرىن بىزبەن بىرلەسىپ جۇمىس جۇرگىزۋگە شاقىرامىز», دەدى ول. «KAZNEX INVEST» ەكسپورت جانە ينۆەستيتسيالار ۇلتتىق اگەنتتىگى» اق باسقارما توراعاسى بوريسبي جانعوزاروۆ وتكەن جىلى ەكى ەل اراسىنداعى تاۋار اينالىمى 270 ميلليون دوللاردان اسقانىن مالىمدەدى. ونىڭ ايتۋىنشا, بۇگىندە قازاقستاندا چەحيامەن بىرلەسكەن 100 كومپانيا جۇمىس ىستەۋدە. اسىرەسە, اۆتوكولىك قۇراستىرۋ سالاسى قارقىندى دامىپ كەلەدى, ەل اۋماعىندا 20 مىڭنان استام اۆتوموبيل شىعارىلعان. ايتا كەتكەن ءجون, 2005 جىل­دان باستاپ قازاقستان مەن چە­حيا اراسىنداعى تاۋار اينالى­مى 183 ميلليون اقش دوللارىنا جۋىقتادى. ال ەۋروپا ەلى­نەن تۇسكەن تىكەلەي ينۆەستيتسيا­لار كولەمى شامامەن 560 ميلليون دوللاردى قۇرايدى. جىل با­سىنداعى دەرەكتەرگە سۇيەنسەك, قازاقستاندا چەحيا كاپيتا­لىنىڭ ۇلەسىمەن 181 كاسىپورىن تىركەلگەن, ولاردىڭ ىشىندە 106 كا­سىپورىن – قىزمەت كورسەتۋ باعى­تىندا. ال 2008-2015 جىلدار ارالىعىندا ەلىمىزدەن چە­حيا­عا باعىتتالعان ەكسپورت 559,6 ملن اقش دوللارىن قۇراعان. اسحات رايقۇل, «ەگەمەن قازاقستان»