گۇلبانۋ سارمۋرزينا مەكتەپ ءبىتىرىپ, ۇلكەن ومىرگە قادام باسقان شاق – ەلىمىز تاۋەلسىزدىك العانىنا نەبارى ءۇش-اق جىل بولعان ەلەڭ-الاڭ كەز ەدى. داعدارىستىڭ دەمى ۇسكىرىك, بەت قاراتپاي سوققان كەزدە مۇعالىم, مادەنيەت قىزمەتكەرى سىندى الەۋمەتتىك سالا وكىلدەرى كەن ورىندارى مەن ساۋدا سالاسىنا جاپپاي بەت بۇردى. مەكتەپتەردە مۇعالىمدەر جەتىسپەي, ءتىپتى اتالمىش ماماندىققا بارۋدى قولاي كورمەيتىن تۇسىنىك پايدا بولدى.
ال شەتپە كەنتىندەگى مەكتەپتى ۇزدىك اتتەستاتپەن بىتىرگەن گۇلبانۋ وڭالبايقىزى بولسا, وزگە قۇربىلارى سەكىلدى ماماندىق تاڭداپ, ونىڭ بولاشاعىن ويلاپ باس قاتىرعان جوق, ءبىردەن «مۇعالىم بولعىم كەلەدى, ول – مەنىڭ بالا كەزدەن بەرگى ارمانىم» دەپ قۇجاتتارىن اقتاۋداعى مۇعالىمدەر دايارلايتىن وقۋ ورنىنا تاپسىردى. كەلەشەگىنە زور سەنىممەن قاراۋعا بولاتىن, جالاقىسى جوعارى جۇمىس ورىندارىنا دايىندايتىن وقۋ مەكەمەلەرىنە تۇسۋگە كەڭەس بەرگەندەر دە بولدى جانە مۇنداي ىرگەلى وقۋ ورىندارىنا وقىتۋعا وتباسىلىق جاعدايى دا سايكەس كەلەتىن. ءبىراق, قارشاداي گ.سارمۋرزينا ءوزىنىڭ جان قالاۋىن ۇستاندى, ءوزىنىڭ ىشكى ءۇنىن باسشىلىققا الدى. الدىمەن ماڭعىستاۋ پەداگوگيكالىق كوللەدجىندە, كەيىننەن ش.ەسەنوۆ اتىنداعى اقتاۋ مەملەكەتتىك ۋنيۆەرسيتەتىندە ءبىلىم الدى.
بۇگىنگە دەيىنگى 20 جىلدىق ەڭبەك ءوتىلىنىڭ 11 جىلىن اقتاۋ قالاسىنداعى №13 گيمنازيا كوممۋنالدىق مەملەكەتتىك مەكەمەسىندە باستاۋىش سىنىپ ءپانىنىڭ مۇعالىمى بولىپ كەلەدى. ىزدەنىمپاز, وقۋشىلارمەن قويان-قولتىق جۇمىس جاسايتىن جانە ءوز ىسىنە بەرىلگەن مامان ارىپتەستەرىنە سىيلى. بىرنەشە جىل قاتارىنان مەكتەپ ديرەكتورىنىڭ جالپى ءبىلىم بەرۋ ءىسى جونىندەگى ورىنباسارى قىزمەتىن اتقارعان ول قازىر باستاۋىش سىنىپ وقۋشىلارىنا تەرەڭ ءبىلىم بەرۋ ءۇشىن بەرىلە ەڭبەك ەتۋدە.
– ىبىراي ءالتىنساريننىڭ ءتامسىلىنە سۇيەنسەك, «اعاشتىڭ ءتۇزۋ ءوسۋى – شىبىقتىڭ دۇرىس باپتالۋىنان» عوي. مەن – باستاۋىش سىنىپتىڭ, ءارى تاريح ءپانىنىڭ مۇعالىمىمىن. بىراق, شىبىقتاي بولعان بالالارىمىزدى باسىنان باستاپ تاربيەلەۋ ءۇشىن باستاۋىش سىنىپتى تاڭدادىم, – دەيدى ول.
نەگىزى ۇستاز ەڭبەگىن ءتۇرلى انىقتامالارمەن باعالاپ, ءتۇرلى ءولشەمدەرمەن ولشەۋدىڭ قاجەتى جوق. بۇگىنگى تىلمەن ايتساق, ۇستاز رەيتينگى شاكىرتتەرى ارقىلى كورىنەدى, ياعني شاكىرتتەر – ۇستاز ەڭبەگىنىڭ ايناسى. ۇنەمى ىزدەنىپ, ءبىلىم بەرۋ سالاسىنداعى سوڭعى تەحنولوگيالار مەن ادىستەردى مەڭگەرىپ, ءتۇرلى سەمينار, كۋرستارعا قاتىسىپ, ءوز بەتىنشە ءبىلىمىن جەتىلدىرىپ جۇرەتىن شىعارماشىل ۇستاز گ.سارمۋرزينانىڭ شاكىرتتەرى دە قاتىسقان سايىستاردان جۇلدەسىز ورالمايتىنى تاڭعالارلىق. قالالىق, وبلىستىق, رەسپۋبليكالىق دەڭگەيلەردە بىرنەشە العىس حاتتارمەن, قۇرمەت گراموتالارىمەن ماراپاتتالىپ, ءبىلىم سالاسىنا, باستاۋىش وقۋشىلارىنا ساپالى ءبىلىم, سانالى تاربيە بەرۋ باعىتىنداعى ءوزى كورگەن-بىلگەندەرى مەن تۇيگەندەرىن, ءىس-تاجىربيەسىن وبلىستىق, رەسپۋبليكالىق باسىلىم بەتتەرىندە ءبولىسىپ وتىراتىن جوعارى ساناتتى مۇعالىم گ.سارمۋرزينا «وقىتىپ ءجۇرىپ ءوزىمىز دە ۇيرەنەمىز» قاعيداسىن ومىرلىك ۇستانىم ەتكەن.
وتباسىندا ۇل مەن قىز تاربيەلەپ وتىرعان انا, اسىل جار, ۇلكەندەرگە ىزەتتى كەلىن بولا العان ول ەكىنشى وتباسى سانالاتىن جۇمىس ورنىندا دا ۇلكەن-كىشىمەن ءتىل تابىسىپ, قىزمەتىن ادال دا ايانباي ورىنداۋىمەن ەرەكشەلەنەدى.
مۇعالىم مارتەبەسى تومەندەپ, بۇل ماماندىققا مەنسىنبەي قاراۋ بەلەڭ العان تۇستا ۇلى ماماندىقتىڭ ۋىعىن بەرىك ۇستاپ قالعان جانە شاڭىراعىن شايقالتپاي ماماندىعىنا شىن بەرىلگەن گۇلبانۋ وڭالبايقىزىنىڭ ەڭبەگىنە, تاباندىلىعىنا سۇيسىنەسىڭ.
گۇلايىم شىنتەمىرقىزى,
«ەگەمەنە قازاقستان»
ماڭعىستاۋ وبلىسى
گۇلبانۋ سارمۋرزينا مەكتەپ ءبىتىرىپ, ۇلكەن ومىرگە قادام باسقان شاق – ەلىمىز تاۋەلسىزدىك العانىنا نەبارى ءۇش-اق جىل بولعان ەلەڭ-الاڭ كەز ەدى. داعدارىستىڭ دەمى ۇسكىرىك, بەت قاراتپاي سوققان كەزدە مۇعالىم, مادەنيەت قىزمەتكەرى سىندى الەۋمەتتىك سالا وكىلدەرى كەن ورىندارى مەن ساۋدا سالاسىنا جاپپاي بەت بۇردى. مەكتەپتەردە مۇعالىمدەر جەتىسپەي, ءتىپتى اتالمىش ماماندىققا بارۋدى قولاي كورمەيتىن تۇسىنىك پايدا بولدى.
ال شەتپە كەنتىندەگى مەكتەپتى ۇزدىك اتتەستاتپەن بىتىرگەن گۇلبانۋ وڭالبايقىزى بولسا, وزگە قۇربىلارى سەكىلدى ماماندىق تاڭداپ, ونىڭ بولاشاعىن ويلاپ باس قاتىرعان جوق, ءبىردەن «مۇعالىم بولعىم كەلەدى, ول – مەنىڭ بالا كەزدەن بەرگى ارمانىم» دەپ قۇجاتتارىن اقتاۋداعى مۇعالىمدەر دايارلايتىن وقۋ ورنىنا تاپسىردى. كەلەشەگىنە زور سەنىممەن قاراۋعا بولاتىن, جالاقىسى جوعارى جۇمىس ورىندارىنا دايىندايتىن وقۋ مەكەمەلەرىنە تۇسۋگە كەڭەس بەرگەندەر دە بولدى جانە مۇنداي ىرگەلى وقۋ ورىندارىنا وقىتۋعا وتباسىلىق جاعدايى دا سايكەس كەلەتىن. ءبىراق, قارشاداي گ.سارمۋرزينا ءوزىنىڭ جان قالاۋىن ۇستاندى, ءوزىنىڭ ىشكى ءۇنىن باسشىلىققا الدى. الدىمەن ماڭعىستاۋ پەداگوگيكالىق كوللەدجىندە, كەيىننەن ش.ەسەنوۆ اتىنداعى اقتاۋ مەملەكەتتىك ۋنيۆەرسيتەتىندە ءبىلىم الدى.
بۇگىنگە دەيىنگى 20 جىلدىق ەڭبەك ءوتىلىنىڭ 11 جىلىن اقتاۋ قالاسىنداعى №13 گيمنازيا كوممۋنالدىق مەملەكەتتىك مەكەمەسىندە باستاۋىش سىنىپ ءپانىنىڭ مۇعالىمى بولىپ كەلەدى. ىزدەنىمپاز, وقۋشىلارمەن قويان-قولتىق جۇمىس جاسايتىن جانە ءوز ىسىنە بەرىلگەن مامان ارىپتەستەرىنە سىيلى. بىرنەشە جىل قاتارىنان مەكتەپ ديرەكتورىنىڭ جالپى ءبىلىم بەرۋ ءىسى جونىندەگى ورىنباسارى قىزمەتىن اتقارعان ول قازىر باستاۋىش سىنىپ وقۋشىلارىنا تەرەڭ ءبىلىم بەرۋ ءۇشىن بەرىلە ەڭبەك ەتۋدە.
– ىبىراي ءالتىنساريننىڭ ءتامسىلىنە سۇيەنسەك, «اعاشتىڭ ءتۇزۋ ءوسۋى – شىبىقتىڭ دۇرىس باپتالۋىنان» عوي. مەن – باستاۋىش سىنىپتىڭ, ءارى تاريح ءپانىنىڭ مۇعالىمىمىن. بىراق, شىبىقتاي بولعان بالالارىمىزدى باسىنان باستاپ تاربيەلەۋ ءۇشىن باستاۋىش سىنىپتى تاڭدادىم, – دەيدى ول.
نەگىزى ۇستاز ەڭبەگىن ءتۇرلى انىقتامالارمەن باعالاپ, ءتۇرلى ءولشەمدەرمەن ولشەۋدىڭ قاجەتى جوق. بۇگىنگى تىلمەن ايتساق, ۇستاز رەيتينگى شاكىرتتەرى ارقىلى كورىنەدى, ياعني شاكىرتتەر – ۇستاز ەڭبەگىنىڭ ايناسى. ۇنەمى ىزدەنىپ, ءبىلىم بەرۋ سالاسىنداعى سوڭعى تەحنولوگيالار مەن ادىستەردى مەڭگەرىپ, ءتۇرلى سەمينار, كۋرستارعا قاتىسىپ, ءوز بەتىنشە ءبىلىمىن جەتىلدىرىپ جۇرەتىن شىعارماشىل ۇستاز گ.سارمۋرزينانىڭ شاكىرتتەرى دە قاتىسقان سايىستاردان جۇلدەسىز ورالمايتىنى تاڭعالارلىق. قالالىق, وبلىستىق, رەسپۋبليكالىق دەڭگەيلەردە بىرنەشە العىس حاتتارمەن, قۇرمەت گراموتالارىمەن ماراپاتتالىپ, ءبىلىم سالاسىنا, باستاۋىش وقۋشىلارىنا ساپالى ءبىلىم, سانالى تاربيە بەرۋ باعىتىنداعى ءوزى كورگەن-بىلگەندەرى مەن تۇيگەندەرىن, ءىس-تاجىربيەسىن وبلىستىق, رەسپۋبليكالىق باسىلىم بەتتەرىندە ءبولىسىپ وتىراتىن جوعارى ساناتتى مۇعالىم گ.سارمۋرزينا «وقىتىپ ءجۇرىپ ءوزىمىز دە ۇيرەنەمىز» قاعيداسىن ومىرلىك ۇستانىم ەتكەن.
وتباسىندا ۇل مەن قىز تاربيەلەپ وتىرعان انا, اسىل جار, ۇلكەندەرگە ىزەتتى كەلىن بولا العان ول ەكىنشى وتباسى سانالاتىن جۇمىس ورنىندا دا ۇلكەن-كىشىمەن ءتىل تابىسىپ, قىزمەتىن ادال دا ايانباي ورىنداۋىمەن ەرەكشەلەنەدى.
مۇعالىم مارتەبەسى تومەندەپ, بۇل ماماندىققا مەنسىنبەي قاراۋ بەلەڭ العان تۇستا ۇلى ماماندىقتىڭ ۋىعىن بەرىك ۇستاپ قالعان جانە شاڭىراعىن شايقالتپاي ماماندىعىنا شىن بەرىلگەن گۇلبانۋ وڭالبايقىزىنىڭ ەڭبەگىنە, تاباندىلىعىنا سۇيسىنەسىڭ.
گۇلايىم شىنتەمىرقىزى,
«ەگەمەنە قازاقستان»
ماڭعىستاۋ وبلىسى
سوڭعى جاڭالىقتار
تابىستى راستاۋ مىندەتتى بولادى: 1 شىلدەدەن باستاپ يپوتەكا بەرۋ ءتارتىبى وزگەرەدى
يپوتەكا • بۇگىن, 18:05
ايەلدەر اراسىنداعى قازاقستان چەمپيوناتى: 19 كوماندا باستى جۇلدەگە تالاسادى
فۋتبول • بۇگىن, 17:48
الماتىدا «ءبىر اسپان استىندا» حالىقارالىق زاماناۋي ونەر كورمەسى اشىلدى
كورمە • بۇگىن, 17:27
اقوردادا يزرايل پرەزيدەنتىن سالتاناتتى قارسى الۋ ءراسىمى ءوتتى
وقيعا • بۇگىن, 17:25
قازاقستان جۇمىرتقا يمپورتىنا شەكتەۋ قويدى: نارىقتا وتاندىق ءونىم ۇلەسى ارتتى
ەكسپورت • بۇگىن, 17:11
بلوگەر ەربولات جانابىلوۆ پەن جۇبايىنا قاتىستى سوت ۇكىمى شىقتى
وقيعا • بۇگىن, 16:58
Threads-تە جەلتوقسانشىلاردى تىلدەگەن ايەلدىڭ ۇستىنەن قىلمىستىق ءىس قوزعالدى
زاڭ مەن ءتارتىپ • بۇگىن, 16:47
ۇبت ناتيجەسى جەتكىلىكسىز: بولاشاق مۇعالىمدەر ءۇشىن قوسىمشا ەمتيحان ەنگىزىلەدى
ءبىلىم • بۇگىن, 16:36
الماتى مەتروسىن سالۋ كەزىندە ۇرلانعان 127 ملن تەڭگە مەملەكەتكە قايتارىلدى
قوعام • بۇگىن, 16:33
ايدا بالاەۆا: بالالاردىڭ جازعى دەمالىسى قاۋىپسىز ءارى ساپالى ءوتۋى ءتيىس
قوعام • بۇگىن, 16:16
ەلىمىزدە مادەني مۇرانى قورعاۋ ءۇشىن ارنايى مەكەمەلەر قۇرىلادى
قوعام • بۇگىن, 16:12
توقاەۆ وڭتۇستىك افريكا رەسپۋبليكاسىنىڭ پرەزيدەنتىنە قۇتتىقتاۋ جەدەلحاتىن جولدادى
پرەزيدەنت • بۇگىن, 15:59
مينيستر ۇبت-عا قاتىستى جاڭاشا وزگەرىستەردىڭ قانداي بولاتىنىن جاريالادى
ءبىلىم • بۇگىن, 15:45
دەپۋتات باقىتجان بازاربەك Platonus پلاتفورماسىنىڭ جەكەشەلەنىپ كەتكەنىن سىنعا الدى
پارلامەنت • بۇگىن, 15:30
