كۇردەلى جوندەۋدەن ءوتتى

اۋدانىمىزعا قاراستى تەرەڭ­كول اۋىلدىق وكرۋ­گىنىڭ ورتالىعى نۇرساي اۋىلىنىڭ تۇرعىندارى ەل تاۋەلسىزدىگىنىڭ 25 جىلدىعىنا تارتۋ بولعان تاعى دا ءبىر قۋا­نىشتى ءساتتىڭ كۋاگەرى بولدى. نۇر­سايلىقتاردىڭ باسىن اۋىرتاتىن ماسەلەگە اينالعان – تەرەڭكول ورتا مەكتەبى. بۇل ءبىلىم ورداسى ىرگە تاسى قالانعاننان بەرى جوندەۋ كورمەگەن ەدى. بيىلعى جىلى كۇر­دەلى ماسەلەنىڭ ءتۇيىنى شەشىلىپ, «جۇ­مىسپەن قامتۋدىڭ جول كارتاسى-2020», «وڭىرلەردى دامىتۋ» باعدار­لاماسى بويىنشا وبلىستىق بيۋدجەتتەن 162 ملن 636 مىڭ تەڭ­گە قاراجات ءبولىنىپ, تەرەڭكول ور­تا مەكتەبىندە كۇردەلى جوندەۋ جۇمىستارى اياقتالدى. جوندەۋ جۇ­مىستارىن «باتىس ستروي سەرۆيس» جشس جۇرگىزدى. جوندەۋدەن وتكەن مەك­تەپتىڭ ءىشى جىلى جانە جارىق. قازىرگى زامانعا ساي جىلىتۋ جۇيەسى مەن اۋىز سۋ تارتىلعان. مەكتەپ جا­نىنداعى ينتە­رناتتىڭ دا جوندەۋ جۇمىس­تارى ساپالى ورىندالعانىن باي­قاۋعا بولادى. كۇردەلى جوندەۋدەن وتكەن بۇل مەكتەپ بولاشاقتا وقۋشىلاردىڭ ساپالى ءبىلىم الۋىنا نەگىز بولاتىنى ءسوزسىز. قايرات جاقىپ باتىس قازاقستان وبلىسى, قازتالوۆ اۋدانى