ەسەنقۇل جاقىپبەكوۆتى ەسكە الۋ كەشى ءوتتى

ارتىنا وشپەس مۇرا قالدىرعان, ءبىر قازاقتىڭ ەمەس, بار قازاقتىڭ ۇلىنا اينالعان دارا اقىندى ارداق­تاۋدى, مول مۇراسىن جاس­تارعا ناسيحات­تاۋدى ماق­سات تۇتقان كەشكە ونەر­دەگى قالامداس دوستارى, شاكىرت­­تەرى, اقىننىڭ ءومىر­لىك جارى مەڭ­سۇلۋ سۇل­تانقىزى, ەلىمىزگە بەلگىلى ايتىسكەر اقىندار, ەسترادا ءان­شىلەرى, ارۋلار وردا­سىنىڭ ونەر­پاز جاستارى, سونىمەن قاتار, تۇلعانىڭ تۋعان جەرى – الماتى وبلىسى, جامبىل اۋدانىنان قۇرمەتتى قوناقتار كەلىپ قاتىستى. كەشتى قازاق مەم­لە­­كەت­تىك قىزدار پەدا­گو­گيكالىق ۋنيۆەر­سيتەتىنىڭ رەك­تورى دينار نوكەتاەۆا اش­تى. «ەسەنقۇل جاقىپ­بەكوۆ – حالقى­مىز­دىڭ ۇلتتىق ادەبيەتى مەن مادە­­نيەتىنىڭ مارتەبەسىن بيىك­­تەت­كەن, اقىن­دىق ونەر­دىڭ كورنەكتى وكىلى, ءبىرى ەمەس, بىرەگەيى. ەساعا­مىز – اقىن­دىق ونەرىمەن ءبىر­گە, ايتىس ونەرىن قاتار ءتىز­­گىن­­دەگەن جان. ول –  جىر الىپتارى ءسۇيىنباي مەن جامبىلدىڭ ءىزىن جال­عاپ, ونەرىن ورىستەتكەن سۋى­رىپ­سالما ايتىسكەر, قازاق پوەزياسىندا وزىندىك قولتاڭ­باسى قالىپتاسقان تالانتتى اقىن­دار­دىڭ قاتارىنان ويىپ تۇرىپ ورىن العان ايتۋلى تۇلعا. ونىڭ حالىق اراسىنداعى اسىل قازىناسى, ارتىنا قال­دىرعان مۇراسى – ءماڭ­گى ولمەيتىن ءمولدىر جىر­­­لار», دەپ اتاپ ءوت­كەن د.نوكەتاەۆا كەش­تىڭ قۇر­مەتتى قوناعى, اقىن­­نىڭ جارى مەڭسۇلۋ سۇل­تان­قىزىنا قازاقى ءداس­تۇرمەن سىي-سىياپات كور­­سەتىپ, اق ورامال مەن وقالى كام­زول كيگىزدى جانە گۇل شوعىن تابىس ەتتى. اقتاڭگەر جاننىڭ شى­عار­ما­شى­لىعىنا ار­نال­عان كەشتە جۇرەك­جار­دى جىرلارى وقىلىپ, اقىن سوزدەرىنە جازىلعان «قارا كۇز», «الداي-اۋ», «ءبىزدىڭ ەلدىڭ جىگىت­تەرى», «اققۋىم», «سەن ۇمىت­پا», «سەن جالىنسىڭ», «ەسىل دۇنيە», «تۇماندى كۇن», «ءومىر ءوتتى-اۋ زىر­عىپ اعىپ» اندەرى اۋە­لە­­تە شىر­قالدى. حالىق جادىن­دا ساقتالعان جاۋھار ءان­دەرىمەن قاتار كەشتە اقىن­نىڭ «قانىبەك» تەر­مەسى, «بارادى ءوتىپ كەلتە ءومىر» تولعاۋى ورىن­دال­دى. ۋنيۆەر­سي­تەتىنىڭ مادەني-تىنى­عۋ جۇمىسى ماماندى­عى­نىڭ ستۋدەنتتەرى «اقىن ولەڭ­دەرى­نەن كومپوزي­تسيا» اتتى تەاترلان­دىرىل­عان قويىلىم كورسەتىپ, اقىن ولەڭ­دەرىن سويلەتسە, ۇس­تاز­دارىن ساعىنىشپەن ەسكە العان شاكىرتتەرى «ۇستازىما», «قوش, ەساعا!» اتتى ارناۋ ولەڭ­دەرىن وقى­دى. اقىن ءومىرى مەن شى­عار­ماشى­لى­عىنان سىر شەر­­تە­تىن بەينە­فيلم كورسەتىلدى. اقىننىڭ ءوزى باپ­تا­عان شاكىرتتەرى, ايتىسكەر-اقىن­­دار ايدانا قايسابەك پەن جال­عاس سادىر ۇلى ايتى­سىپ, كەشكە كورىك بەر­­گەندەي. جانە دە كەش­تە شارا­نىڭ قۇرمەتتى قوناق­­تارى بول­عان, اقىن­نىڭ ولەڭدەرىن ايتىپ, كوپ­­شىلىك­كە ناسيحاتتاپ ءجۇر­گەن بەلگىلى ايتىسكەر اقىن سەرىك قاليەۆ پەن ۇمبە­ت­الى مۇراجايىنىڭ ديرەك­­تورى, اقىن اۋەلبەك ىس­قاقوۆ ەستەلىك­تەرىمەن ءبولىس­تى. س.قاليەۆ قاسيەتتى دوم­بى­رامەن اقىن ولەڭ­دەرىن ايتىپ بەرسە, ءا.ىس­قاقوۆ ەسەنقۇل جا­قىپ­بەكو­ۆ­تىڭ ايتقان­دارىن جي­­ناپ, دايىنداپ جاتقان «دەگەن ەكەن...» اتتى كىتا­بى­­­نان ءبىراز ۇزىندىلەر وقىدى. بىرەگەي سىر­شىل ليريك اقىننىڭ شىعارما­شىلىق كەشى جوعارى دەڭگەيدە ءوتىپ, كورەرمەننىڭ جۇرەگىن انىمەن تەربەتتى. ساپارباي پارمانقۇلوۆ, «ەگەمەن قازاقستان» الماتى