ۇلكەن الماتى كولىنىڭ ماڭىندا قار كوشكىنى ءجۇردى, - دەپ حابارلايدى الماتى تجد ءباسپاسوز قىزمەتى.
"قار كۇيىندە مولشەرىنەن تىس جاۋعان ۇلكەن الماتى وزەنىنىڭ باسسەينىندە تۇراقسىز جاعدايعا بايلانىستى شامامەن 100 مىڭ تەكشە قار كوشكىنى ءجۇرىپ, اۆتوموبيل جولدارىن جاۋىپ قالدى. سونىڭ سالدارىنان پ.ك. شتەرنبەرگ اتىنداعى مەملەكەتتىك استرونوميالىق ينستيتۋتتى, "قازگيدرومەت" رمك-نىڭ باقىلاۋ پوستتارى جانە "قازسەلدەنقورعاۋ" مم تاۋلىك بويى قىزمەت ەتىپ كەزەكشىلىك ەتەتىن 61 ادامعا باراتىن جولدار جابىلدى", - دەلىنگەن تجد حابارلاماسىندا.
"قازسەلدەنقورعاۋ" مم كۇشتەرىمەن ۇلكەن الماتى كولىنە باراتىن جولدىڭ 9,5 شارشى شاقىرىم جەر قاردان تازالانىپ, جوعارىدا اتالعان جەرلەرگە جولدار اشىلدى.
تجد مالىمەتىنشە, م تز-82 تراكتورى مەن ۋاز اۆتوكولىگى جانە 10 جۇمىسشى وسى ىسكە جۇمىلدىرىلعان.
