الەۋمەتتىك مەديتسينالىق ساقتاندىرۋ قورىنىڭ باسشىسى تاعايىندالدى

قر دەنساۋلىق ساقتاۋ جانە الەۋمەتتىك دامۋ ءمينيسترىنىڭ 2016 جىلعى 22 قاراشاداعى №101 بۇيرىعىمەن ەلەنا باحمۋتوۆا «الەۋمەتتىك مەديتسينالىق ساقتاندىرۋ قورى» كوممەرتسيالىق ەمەس اكتسيونەرلىك قوعامىنىڭ (بۇدان ءارى  - امسق) باسقارما ءتورايىمى بولىپ سايلاندى, دەپ حابارلايدى مينيسترلىكتىڭ ءباسپاسوز قىزمەتى. وسى بۇيرىق امسق جالعىز اكتسيونەرىنىڭ شەشىمى بولىپ تابىلادى جانە قول قويىلعان كۇنىنەن باستاپ كۇشىنە ەنەدى. ءار جىلدارى ەلەنا باحمۋتوۆا قر ۇلتتىق بانكىنىڭ قارجىلىق باقىلاۋ دەپارتامەنتىنىڭ ديرەكتورى, قر قارجى نارىعى مەن قارجى ۇيىمدارىن رەتتەۋ جانە باقىلاۋ اگەنتتىگىنىڭ ءتورايىمى قىزمەتتەرىن اتقاردى. قر ەڭبەك جانە حالىقتى الەۋمەتتىك قورعاۋ ۆيتسە-ءمينيسترى بولدى. 2012 جىلدىڭ قاڭتارىنان باستاپ ەلەنا باحمۋتوۆا «سامۇرىق - قازىنا» (بۇدان ءارى - قور) باسقارما توراعاسىنىڭ ورىنباسارى, 2016 جىلدان بەرى باسقارۋشى ديرەكتور-باسقارما مۇشەسى بولىپ قىزمەت ىستەدى, قوردىڭ قارجىلىق تۇراقتىلىعى, كورپوراتيۆتىك قارجى, ينۆەستيتسيالىق جانە بيۋدجەتتىك ساياسات سالالارىنا جەتەكشىلىك ەتتى. مەملەكەتتىك جانە قوعامدىق قىزمەتى ءۇشىن «پاراسات», «قۇرمەت» وردەندەرىمەن, «استانا» جانە «قازاقستان كونستيتۋتسياسىنا 10 جىل» مەدالدەرىمەن ماراپاتتالعان, سونداي-اق قازاقستان رەسپۋبليكاسى پرەزيدەنتىنىڭ العىس حاتىن العان.