www.kui.kz كۇي سايتى اشىلدى

سايتتىڭ نەگىزگى ماقساتى – حال­قىمىزدىڭ باعا جەتپەس قا­زى­ناسى, اتا-بابا مۇراسى – كۇيدى ناسيحاتتاۋ. ءيا, قاسيەتتى قارا دوم­بى­رانىڭ شاناعىنان توگىلگەن كۇي­دىڭ سيقىرلى كۇمبىر ۇنىندە قا­زاقتىڭ بۇكىل بولمىسى جاتىر دە­سەك, كۇي سايتىنىڭ اشىلۋى يگى­لىكتى ءىس بولىپ وتىر. حالىق قۇر­مانعازى, تاتتىمبەت, داۋلەت­كە­رەي, دينا, قازانعاپ, سۇگىر ءجا­نە دە باسقا كۇي الىپتارىنىڭ شىعارمالارىن ينتەرنەت ارقىلى تىڭداپ, سۋسىنداي الادى. سايتتا ەلىمىزدىڭ تانىمال ءداۋ­­لەسكەر كۇيشىلەرى مەن تالانتتى جاس كۇيشىلەرى مەيىرىڭىزدى قان­دى­رىپ, قازاقتىڭ كۇمبىرلەگەن كۇي­لە­رىن تارتىپ قانا قويمايدى, سون­داي-اق وسىندا ورنالاس­تى­رىل­عان «كۇي داريا» حابارىندا كۇي اڭىزدارى مەن تاريحىنا تەرەڭ توقتالادى. ەڭ باستىسى, كوپشىلىك قالاعان كۇيلەرىن ەندى ينتەرنەت ارقىلى تىڭداي الادى. جاڭادان اشىلعان www.kui.kz سايتىنىڭ ما­تەريالدارى – مۋ­زىكا مامان­دا­رى­نا, مۇعالىم­دەر­گە, ستۋدەنتتەر مەن وقۋشىلارعا تاپتىرماس كو­مەك­شى قۇرال. سايت­تى قۇرۋشىلار وندا ورنا­لاس­تىرىلعان كۇيلەردى ءوز وتان­داس­تارىمىزبەن قاتار شەت ەلدەردە تۇراتىن قانداستارى­مىز­دىڭ تا­را­پىنان دا جىلى قا­بىل­دا­نا­تىندىعىنا سەنىمدى. ايباتىر سەيتاق.