اقمولا وبلىسىندا كادرلىق وزگەرىستەر بولدى

بۇگىن اقمولا وبلىسى اكىمدىگىنىڭ وتىرىسىندا ايماق باسشىسى سەرگەي كۋلاگين ۇجىمدى كادرلىق وزگەرىستەرمەن تانىستىردى, دەپ حابارلايدى وبلىس اكىمدىگىنىڭ ءباسپاسوز قىزمەتى. ايماق باسشىسى الدىمەن ءوز قىزمەتىنە قايتا كىرىسكەن اقمولا وبلىسى اكىمىنىڭ ورىنباسارى اسحات قايناربەكوۆتى قۇتتىقتادى. ول «بولاشاق» باعدارلاماسى بويىنشا اقش-تىڭ كولۋمبيا ۋنيۆەرسيتەتىن «ەكونوميكا» ماماندىعى بويىنشا مەملەكەتتىك باسقارۋ ماگيسترى دارەجەسىندە وقۋىن ءساتتى اياقتاپ, بۇگىندە ءوز قىزمەتىنە قايتا كىرىستى. اكىم ورىنباسارى وبلىستىڭ كاسىپكەرلىك, ءوندىرىس جانە ءتۋريزمدى دامىتۋ سياقتى ماڭىزدى سالالارىنا جەتەكشىلىك ەتەتىن بولادى. سونداي-اق, باسقوسۋ بارىسىندا ايماق باسشىسى جينالعاندارعا مەملەكەتتىك قىزمەت ىستەرى جانە سىبايلاس جەمقورلىققا قارسى ءىس-قيمىل اگەنتتىگى توراعاسىنىڭ ۇستىمىزدەگى جىلدىڭ قازان ايىنداعى بۇيرىعىمەن تاعايىندالعان سىبايلاس جەمقورلىققا قارسى ءىس-قيمىل ۇلتتىق بيۋروسىنىڭ (سىبايلاس جەمقورلىققا قارسى قىزمەت) اقمولا وبلىسى بويىنشا دەپارتامەنتىنىڭ باسشىسى شىڭعىس قابدوللانى جانە وسى اگەنتتىكتىڭ اقمولا وبلىسى بويىنشا دەپارتامەنتىنىڭ باسشىسى, ادەپ جونىندەگى كەڭەس توراعاسى بەرگەن بەسپالينوۆتى دە تانىستىردى. وبلىس اكىمى ءوز جۇمىسىنا كىرىسكەن مەملەكەتتىك قىزمەتكەرلەردىڭ جۇمىستارىنا ساتتىلىك تىلەپ, ەل تاۋلسىزدىگىنىڭ نىعايۋىنا بار كۇش-جىگەرلەرىن اياماي ەڭبەكتەنۋگە شاقىردى.