قازاقستان رەسپۋبليكاسى ۇكىمەتىنىڭ قاۋلىسى №615

2016 جىلعى 24 قازان,  استانا, ۇكىمەت ءۇيى «مەملەكەتتىڭ قورعانشىلىق جانە قامقورشىلىق جونىندەگى فۋنكتسيالارىن جۇزەگە اسىرۋ قاعيدالارىن بەكىتۋ تۋرالى» قازاقستان رەسپۋبليكاسى ۇكىمەتىنىڭ 2012 جىلعى 30 ناۋرىزداعى № 382 قاۋلىسىنا وزگەرىستەر مەن تولىقتىرۋلار ەنگىزۋ تۋرالى قازاقستان رەسپۋبليكاسىنىڭ ۇكىمەتى قاۋلى ەتەدى: 1. «مەملەكەتتىڭ قورعانشىلىق جانە قامقورشىلىق جونىندەگى فۋنكتسيالارىن جۇزەگە اسىرۋ قاعيدالارىن بەكىتۋ تۋرالى» قازاقستان رەسپۋبليكاسى ۇكىمەتىنىڭ 2012 جىلعى 30 ناۋرىزداعى №382 قاۋلىسىنا (قازاقستان رەسپۋبليكاسىنىڭ ءپۇاج-ى, 2012 ج., № 40, 523-قۇجات) مىناداي وزگەرىستەر مەن تولىقتىرۋلار ەنگىزىلسىن: كورسەتىلگەن قاۋلىمەن بەكىتىلگەن مەملەكەتتىڭ قورعانشىلىق جانە قامقورشىلىق جونىندەگى فۋنكتسيالارىن جۇزەگە اسىرۋ قاعيدالارىندا: 3-تارماق مىناداي رەداكتسيادا جازىلسىن: «3. مەملەكەتتىڭ قورعانشىلىق جانە قامقورشىلىق جونىندەگى فۋنكتسيالارى كامەلەتكە تولماعانداردىڭ, ونىڭ ىشىندە اسىراپ الۋعا, بالانى قابىلدايتىن وتباسىلارعا بەرۋگە, وزدەرىنە قورعانشىلىقتى نەمەسە قامقورشىلىقتى, پاتروناتتى بەلگىلەۋگە مۇقتاج جەتىم بالالار مەن اتا-اناسىنىڭ قامقورلىعىنسىز قالعان بالالاردىڭ جانە قورعانشىلىقتاعى نەمەسە قامقور­شى­لىقتاعى, پاتروناتتاعى, سونداي-اق جەتىم بالالار مەن اتا-اناسىنىڭ قامقورلىعىنسىز قالعان بالا­لارعا ارنالعان ۇيىمداردا تاربيەلەنىپ جاتقان جەتىم بالالار مەن اتا-اناسىنىڭ قامقورلىعىنسىز قالعان بالالاردىڭ قۇقىقتارى مەن مۇددەلەرىن قورعاۋ ماقساتىندا جۇزەگە اسىرىلادى.»; 7-تارماقتىڭ 6) تارماقشاسى مىناداي رەداكتسيادا جازىلسىن: «6) ەگەر قورعانشىلاردىڭ نەمەسە قامقورشىلاردىڭ قامقورلىققا الىنۋشىلاردىڭ زاڭدى مۇددەلەرىن ءبىلدىرۋ بويىنشا ارەكەتتەرى قازاقستان رەسپۋبليكاسىنىڭ زاڭناماسىنا نەمەسە قامقورلىققا الىنۋشىلاردىڭ مۇددەلەرىنە قايشى كەلەتىن بولسا نە ەگەر قورعانشىلار نەمەسە قامقورشىلار قامقورلىققا الىنۋشىلاردىڭ زاڭدى مۇددەلەرىن قورعاۋدى جۇزەگە اسىرمايتىن بولسا, جەتىم بالالار مەن اتا-اناسىنىڭ قامقورلىعىنسىز قالعان جانە قورعانشىلىقتاعى نەمەسە قامقورشىلىقتاعى, پاتروناتتىق تاربيەدەگى, بالانى قابىلدايتىن وتباسىلارىنداعى, سونداي-اق جەتىم بالالار مەن اتا-اناسىنىڭ قامقورلىعىنسىز قالعان بالالارعا ارنالعان ۇيىمدارداعى بالالاردىڭ زاڭدى مۇددەلەرىن كەز كەلگەن ادامدارعا قاتىستى (ونىڭ ىشىندە سوتتاردا) ءبىلدىرۋ;»; مىناداي مازمۇنداعى 8-1-تارماقپەن تولىقتىرىلسىن: «8-1. ورگان جەتىم بالالاردىڭ, اتا-انالارىنىڭ قامقورلىعىنسىز قالعان بالالاردىڭ جانە بالالاردى ءوز وتباسىنا تاربيەلەۋگە قابىلداۋعا تىلەك بىلدىرگەن ادامداردىڭ رەسپۋبليكالىق دەرەكتەر بانكىن قالىپتاستىرادى.»; 9-تارماقتا: ءبىرىنشى بولىك مىناداي رەداكتسيادا جازىلسىن: «9. جەتىم بالالاردىڭ, اتا-اناسىنىڭ قامقورلىعىنسىز قالعان بالالاردىڭ قۇقىقتارى مەن مۇددەلەرىن قورعاۋدى ورگان قازاقستان رەسپۋبليكاسىنىڭ زاڭناماسىندا بەلگىلەنگەن تارتىپپەن ولاردى وتباسىنا تاربيەلەۋگە (بالا اسىراپ الۋ, قورعانشىلىق نەمەسە قامقورشىلىق, پاترونات, بالانى قابىلدايتىن وتباسى), ال مۇنداي مۇمكىندىك بولماعان كەزدە – جەتىم بالالارعا, اتا-اناسىنىڭ قامقورلىعىنسىز قالعان بالالارعا ارنالعان بارلىق ۇلگىدەگى ۇيىمدارعا بەرۋ ارقىلى جۇزەگە اسىرادى.»; 1), 2), 6), 10), 11), 12) جانە 13) تارماقشالار مىناداي رەداكتسيادا جازىلسىن: «1) جەتىم بالالار مەن اتا-اناسىنىڭ قامقورلىعىنسىز قالعان بالالاردى قورعانشىلىققا (قامقورشىلىققا), اسىراپ الۋعا, پاتروناتقا, بالانى قابىلدايتىن وتباسىلارعا نە اتالعان ساناتتاعى بالالارعا ارنالعان ۇيىمعا ورنالاستىرۋ تۋرالى ماسەلە شەشىلگەنگە دەيىن ولاردى ۋاقىتشا ورنالاستىرۋدى قامتاماسىز ەتەدى; 2) جەتىم بالالار مەن اتا-اناسىنىڭ قامقورلىعىنسىز قالعان بالالاردى قورعانشىلىققا (قامقورشىلىققا), پاتروناتقا, بالانى قابىلدايتىن وتباسىلارعا, بالا قوناقتايتىن وتباسىلارعا, اسىراپ الۋعا تىلەك بىلدىرگەن ازاماتتاردىڭ ەسەبىن جۇرگىزەدى, ىرىكتەيدى جانە ولاردى قاجەتتى ادىستەمەلىك, پسيحولوگيالىق جانە زاڭدىق كومەك كورسەتۋ ارقىلى دايىندايدى;»; «6) قورعانشىلىقتاعى نەمەسە قامقورشىلىقتاعى, بالانى قابىلدايتىن وتباسىلارعا بەرىلگەن نە جەتىم بالالار مەن اتا-اناسىنىڭ قامقورلىعىنسىز قالعان بالالارعا ارنالعان ۇيىمداردا تاربيەلەنىپ جاتقان جەتىم بالالار مەن اتا-اناسىنىڭ قامقورلىعىنسىز قالعان بالالاردىڭ مۇلكىن باسقارۋدى, سونداي-اق اتالعان م ۇلىكتىڭ ساقتالۋىن باقىلاۋدى جۇزەگە اسىرادى;»; «10) قورعانشىلىقتاعى جانە قامقورشىلىقتاعى, پاتروناتتاعى جانە بالانى قابىلدايتىن وتباسىلارعا بەرىلگەن جەتىم بالالار مەن اتا-اناسىنىڭ قامقورلىعىنسىز قالعان بالالاردى كۇتىپ-باعۋعا ارنالعان اي سايىنعى اقشا قاراجاتىن تاعايىندايدى جانە تولەيدى; 11) قورعانشىلاردىڭ جانە قامقورشىلاردىڭ, پاترونات تاربيەشىلەردىڭ, بالانى قابىلدايتىن اتا-انالاردىڭ قىزمەتىن, سونداي-اق جەتىم بالالار مەن اتا-اناسىنىڭ قامقورلىعىنسىز قالعان بالالار تاربيەلەنەتىن ۇيىمداردى باقىلاۋدى جۇزەگە اسىرادى; 12) قورعانشىلاردىڭ جانە قامقورشىلاردىڭ, پاترونات تاربيەشىلەردىڭ, بالانى قابىلدايتىن اتا-انالاردىڭ ارەكەتتەرىنە شاعىمداردى قارايدى; 13) اتالعان ادام قورعانشى نەمەسە قامقورشى بولىپ تاعايىندالعانعا دەيىن تۋىنداعان قامقورلىققا الىنۋشىنىڭ بورىشتارىن تولەۋگە قورعانشىعا نەمەسە قامقورشىعا, ونىڭ جۇبايىنا نەمەسە تۋىستارىنا, بالانى قابىلدايتىن اتا-انالارعا رۇقسات بەرەدى;»; مىناداي مازمۇنداعى 15-1) تارماقشامەن تولىقتىرىلسىن: «15-1) بالانى قابىلدايتىن اتا-انالاردان التى ايدا كەمىندە ءبىر رەت جەتىم بالالاردىڭ, اتا-اناسىنىڭ قامقورلىعىنسىز قالعان بالالاردىڭ دەنساۋلىق جاعدايى تۋرالى, ولاردى تاربيەلەۋ جونىندەگى جۇمىس تۋرالى ەسەپتى, سونداي-اق جەتىم بالالاردىڭ, اتا-اناسىنىڭ قامقورلىعىنسىز قالعان, قابىلداۋشى وتباسىنا بەرىلگەن بالالاردى كۇتىپ-باعۋعا بولىنگەن اقشالاي قاراجاتتى جۇمساۋ تۋرالى, ولاردىڭ مۇلكىن باسقارۋ جونىندەگى ەسەپتى تالاپ ەتەدى;»; 16) تارماقشا مىناداي رەداكتسيادا جازىلسىن: «16) قورعانشىلار نەمەسە قامقورشىلار, بالانى قابىلدايتىن اتا-انالار ءتيىستى تۇردە ورىن­دا­ماعان جاعدايلاردا, ونىڭ ىشىندە ولار قورعانشىلىقتى نەمەسە قامقورشىلىقتى جەكە باسى­نىڭ ماقساتىنا پايدالانعان نە قامقورلىققا الىنۋشىنى قاداعالاۋسىز جانە قاجەتتى كومەك­سىز قال­دىرعان كەزدە ولاردى ءوز مىندەتتەرىن ورىنداۋدان شەتتەتەدى جانە قاجەتتى شارالار قابىلد­ايدى;». 2. وسى قاۋلى 2017 جىلعى 1 قاڭتاردان باستاپ قولدانىسقا ەنگىزىلەدى جانە رەسمي جاريالانۋعا ءتيىس. قازاقستان رەسپۋبليكاسىنىڭ پرەمەر-ءمينيسترى ب.ساعىنتاەۆ