قازاقستان رەسپۋبليكاسى ۇكىمەتىنىڭ قاۋلىسى  №614

2016 جىلعى 24 قازان, استانا, ۇكىمەت ءۇيى «قازاقستان رەسپۋبليكاسىنىڭ ازاماتتارى بولىپ تابىلاتىن بالالاردى اسىراپ الۋعا بەرۋ قاعيدالارىن بەكىتۋ تۋرالى» قازاقستان رەسپۋبليكاسى ۇكىمەتىنىڭ 2012 جىلعى 30 ناۋرىزداعى №380 قاۋلىسىنا وزگەرىستەر مەن تولىقتىرۋلار ەنگىزۋ تۋرالى قازاقستان رەسپۋبليكاسىنىڭ ۇكىمەتى قاۋلى ەتەدى: 1. «قازاقستان رەسپۋبليكاسىنىڭ ازاماتتارى بولىپ تابىلاتىن بالالاردى اسىراپ الۋعا بەرۋ قاعيدالارىن بەكىتۋ تۋرالى» قازاقستان رەسپۋبليكاسى ۇكىمەتىنىڭ 2012 جىلعى 30 ناۋرىزداعى № 380 قاۋلىسىنا (قازاقستان رەسپۋبليكاسىنىڭ ءپۇاج-ى, 2012 ج., № 40, 521-قۇجات) مىناداي وزگەرىستەر مەن تولىقتىرۋلار ەنگىزىلسىن: كورسەتىلگەن قاۋلىمەن بەكىتىلگەن قازاقستان رەسپۋبليكاسىنىڭ ازاماتتارى بولىپ تابىلاتىن بالالاردى اسىراپ الۋعا بەرۋ قاعيدالارىندا: 1-تارماقتىڭ 3) تارماقشاسى مىناداي رەداكتسيادا جازىلسىن: «3) جەتىم بالالاردىڭ, اتا-انالارىنىڭ قامقورلىعىنسىز قالعان بالالاردىڭ جانە بالالار­دى ءوز وتباسىنا تاربيەلەۋگە قابىلداۋعا تىلەك بىلدىرگەن ادامداردىڭ رەسپۋبليكالىق دەرەك­تەر بانكىندە (بۇدان ءارى - رەسپۋبليكالىق دەرەكتەر بانكى) جەتىم بالالار مەن اتا-اناسىنىڭ قامقورلى­عىنسىز قالعان بالالاردىڭ ورتالىقتاندىرىلعان ەسەپتە تۇرعان (بۇدان ءارى - ورتالىقتاندىرىلعان ەسەپكە الۋ) بالالاردى قازاقستان رەسپۋبليكاسىنان تىس جەردە تۇراقتى تۇراتىن قازاقستان رەسپۋبليكاسىنىڭ ازاماتتارىنا, شەتەلدىكتەرگە اسىراپ الۋعا بەرۋ ءتارتىبىن ايقىندايدى.»; 3-تارماقتا: 2) جانە 4) تارماقشالار مىناداي رەداكتسيادا جازىلسىن: «2) بالادان باس تارتقان;»; «4) تۋىستارىنا, اسىراپ الىناتىن بالانىڭ (بالالاردىڭ) اناسىمەن نەمەسە اكەسىمەن نەكەدە (ەرلى-زايىپتىلىقتا) تۇراتىن ادامدارعا بالانى اسىراپ الۋعا كەلىسىم بەرگەن;»; مىناداي مازمۇنداعى بەسىنشى بولىكپەن تولىقتىرىلسىن: «قازاقستان رەسپۋبليكاسىنىڭ ازاماتتارىمەن نەكەدە تۇراتىن شەتەلدىكتەردىڭ قازاقستان رەسپۋبليكاسىنىڭ ازاماتى بولىپ تابىلاتىن بالانى قازاقستان رەسپۋبليكاسىنىڭ اۋماعىندا اسىراپ الۋى وسى كودەكستە شەتەلدىكتەر ءۇشىن بەلگىلەنگەن تارتىپپەن جۇرگىزىلەدى.»; 4-تارماقتا: 9) تارماقشا مىناداي رەداكتسيادا جازىلسىن: «9) بالا اسىراپ العان كەزدە قاساقانا قىلمىس جاساعانى ءۇشىن جويىلماعان نەمەسە الىنباعان سوتتالعاندىعى بار ادامداردى, سونداي-اق وسى تارماقتىڭ 14) تارماقشاسىندا كورسەتىلگەن ادامداردى;»; 13) تارماقشاداعى «ادامداردى قوسپاعاندا, كامەلەتكە تولعان ادامدار بالا اسىراپ الۋشىلار بولۋى مۇمكىن.» دەگەن سوزدەر «ادامداردى;» دەگەن سوزبەن اۋىستىرىلىپ, مىناداي مازمۇنداعى 14) تارماقشامەن تولىقتىرىلسىن: «14) ادام ءولتىرۋ, دەنساۋلىققا قاساقانا زيان كەلتىرۋ, حالىق دەنساۋلىعىنا جانە يماندىلىققا, جىنىستىق تيىسپەۋشىلىككە قارسى قىلمىستىق قۇقىق بۇزۋشىلىقتارى, ەكسترەميستىك نەمەسە تەرروريستىك قىلمىستارى, ادام ساۋداسى ءۇشىن سوتتالعاندىعى بار نەمەسە بولعان, قىلمىستىق قۋدالاۋعا ۇشىراپ وتىرعان نەمەسە ۇشىراعان ادامداردى قوسپاعاندا (قازاقستان رەسپۋبليكاسى قىلمىستىق-پروتسەستىك كودەكسىنىڭ 35-بابى ءبىرىنشى بولىگىنىڭ 1) جانە 2) تارماقشالارى نەگىزىندە وزدەرىنە قاتىستى قىلمىستىق قۋدالاۋ توقتاتىلعان ادامداردى قوسپاعاندا), كامەلەتكە تولعان ادامدار بالا اسىراپ الۋشىلار بولۋى مۇمكىن.»; 5 جانە 6-تارماقتار مىناداي رەداكتسيادا جازىلسىن: «5. بالا اسىراپ الۋشى مەن اسىراپ الىناتىن بالانىڭ جاس ايىرماسى كەمىندە ون التى جاس بولۋعا ءتيىس. سوت دالەلدى دەپ تانىعان سەبەپتەر بويىنشا جاس ايىرماسى قىسقارتىلۋى مۇمكىن. بالانى وگەي اكەسى (وگەي شەشەسى) اسىراپ العان كەزدە, وسى تارماقتىڭ ءبىرىنشى بولىگىندە بەلگىلەنگەن جاس ايىرماسىنىڭ بولۋى تالاپ ەتىلمەيدى. 6. ورگاننىڭ وسى قاعيدالاردىڭ 3-تارماعىنىڭ 1)-3), 5) جانە 6) تارماقشالارىندا كورسەتىلگەن بالالاردى اسىراپ الۋعا رۇقسات بەرۋى ءۇشىن قىزمەت ءتارتىبى مەن قۇرامىن قازاقستان رەسپۋبليكاسىنىڭ بالالاردىڭ قۇقىقتارىن قورعاۋ سالاسىنداعى ۋاكىلەتتى ورگانى ايقىندايتىن كوميسسيانىڭ (بۇدان ءارى - كوميسسيا) قورىتىندىسى نەگىز بولىپ تابىلادى. بالانى وگەي اكەسى (وگەي شەشەسى) اسىراپ العان نەمەسە بالانى اتا-انالارىنىڭ كەلىسىمى بويىنشا تۋىستارى اسىراپ العان جاعدايدا, اسىراپ الۋدىڭ بالانىڭ مۇددەلەرىنە سايكەستىگى تۋرالى قورىتىندى تالاپ ەتىلمەيدى.»; 8-تارماق مىناداي رەداكتسيادا جازىلسىن: «8. قازاقستان رەسپۋبليكاسىنىڭ ازاماتتارى بولىپ تابىلاتىن جانە بالالاردى اسىراپ الۋعا تىلەك بىلدىرگەن تۋىستارى بالا تۇراتىن جەردەگى ورگانعا نەمەسە رەسپۋبليكالىق دەرەكتەر بانكى ارقىلى: 1) بالانى اسىراپ الۋعا تىلەك بىلدىرگەنى تۋرالى جازباشا ءوتىنىشتى; 2) جەكە باسىن كۋالاندىراتىن قۇجاتتىڭ كوشىرمەسىن; 3) جاقىن تۋىستارىنىڭ بالانى اسىراپ الۋعا جازباشا كەلىسىمىن; 4) جيىنتىق تابىستىڭ مولشەرى تۋرالى انىقتامانى; 5) وتباسى جاعدايى تۋرالى انىقتامانى; 6) ازاماتتاردىڭ جانە جاقىن تۋىستارىنىڭ دەنساۋلىق جاعدايى, ونىڭ ىشىندە پسيحيكالىق ساۋلىعى, ەسىرتكىگە (ۋىتقۇمارلىققا), الكوگولگە تاۋەلدى ەمەستىگى تۋرالى انىقتامانى; 7) سوتتالماعاندىعى تۋرالى انىقتامانى; 8) تۇرعىن ءۇي-جايعا مەنشىك قۇقىعىن نەمەسە تۇرعىن ءۇي-جايدى پايدالانۋ قۇقىعىن راستايتىن قۇجاتتىڭ كوشىرمەسىن ۇسىنادى.»; 11-تارماق مىناداي رەداكتسيادا جازىلسىن: «11. بالا ءبىلىم بەرۋ, مەديتسينالىق جانە وزگە دە ۇيىمدا بولعان جاعدايدا بالا تۇراتىن جەردەگى ورگان بالاعا بارۋ جانە ونىمەن قارىم-قاتىناس جاساۋ ءۇشىن تۋىستارىنا وسى قاعيدالارعا 1-قوسىمشاعا سايكەس رەسپۋبليكالىق دەرەكتەر بانكى قالىپتاستىرعان جولداما بەرەدى.»; 19-تارماق مىناداي رەداكتسيادا جازىلسىن: «19. بالا اسىراپ الۋشىلار بولۋ مۇمكىندىگى تۋرالى قورىتىندىنىڭ جانە بالا اسىراپ الۋعا ۇمىتكەرلەردى تىركەۋ جەرى بويىنشا ورگاننىڭ سۇراۋ سالۋى نەگىزىندە وبلىستىڭ, رەسپۋبليكالىق ماڭىزى بار قالانىڭ, استانانىڭ ءبىلىم بەرۋدى باسقارۋ ورگانى قازاقستان رەسپۋبليكاسىنىڭ اۋماعىندا تۇراقتى تۇراتىن قازاقستان رەسپۋبليكاسىنىڭ ازاماتتارى ءۇشىن بالا اسىراپ الۋعا ۇمىتكەرلەرگە بالانى تاڭداپ الۋعا وسى قاعيدالارعا 1-قوسىمشاعا سايكەس رەسپۋبليكالىق دەرەكتەر بانكى قالىپتاستىرعان جولداما بەرەدى.»; 27 جانە 28-تارماقتار مىناداي رەداكتسيادا جازىلسىن: «27. قازاقستان رەسپۋبليكاسىنان تىس جەردە تۇراقتى تۇراتىن قازاقستان رەسپۋبليكاسىنىڭ ازاماتتارى, بالا اسىراپ الۋعا ۇمىتكەر جانە بەلگىلەنگەن تارتىپپەن بالا اسىراپ الۋ جونىندەگى اككرەديتتەلگەن اگەنتتىكتەر ارقىلى تىركەلگەن شەتەلدىكتەر ۋاكىلەتتى ورگانعا رەسپۋبليكالىق دەرەكتەر بانكى ارقىلى: 1) بالانى اسىراپ الۋعا تىلەك بىلدىرگەنى تۋرالى جازباشا ءوتىنىشتى; 2) تابىستارى تۋرالى انىقتامانى; 3) وتباسى جاعدايى تۋرالى انىقتامانى; 4) پاسپورتتاردىڭ كوشىرمەلەرىن; 5) دەنساۋلىق جاعدايى, ونىڭ ىشىندە پسيحيكالىق ساۋلىعى, ەسىرتكىگە (ۋىتقۇمارلىققا), الكوگولگە تاۋەلدى ەمەستىگى تۋرالى انىقتامانى; 6) سوتتالماعاندىعى تۋرالى انىقتامانى; 7) جاقىن تۋىستارىنىڭ بالا اسىراپ الۋعا جازباشا كەلىسىمىن; 8) دوستارىنىڭ نەمەسە كورشىلەرىنىڭ كەمىندە ءۇش ۇسىنىم حاتىن; 9) تۇرعىن ءۇيىنىڭ بار-جوقتىعىن راستايتىن قۇجاتتى; 10) بالا اسىراپ الۋ جونىندەگى ۋاكىلەتتى شەتەلدىك مەملەكەتتىك ورگاندار مەن ۇيىمداردىڭ ىقتيمال بالا اسىراپ الۋشىلاردىڭ جەكە باسىنىڭ ادامگەرشىلىك قاسيەتتەرى تۋرالى ارنايى بەرگەن انىقتاماسىن; 11) بالا اسىراپ الۋعا قۇقىعىن راستايتىن قابىلداۋشى مەملەكەتتىڭ قۇزىرەتتى ورگانى بەرگەن قۇجاتتى; 12) اسىراپ الىنعان بالانىڭ قازاقستان رەسپۋبليكاسىنان قابىلداۋشى مەملەكەتكە بارۋىنا رۇقساتتى; 13) مىناداي: اسىراپ الىنعان بالانىڭ قازاقستان رەسپۋبليكاسى سىرتقى ىستەر مينيسترلىگىندە تىركەلۋى; 18 جاسقا تولعانعا دەيىن اسىراپ الىنعان بالادا قازاقستان رەسپۋبليكاسى ازاماتتىعىنىڭ ساقتالۋى جانە ونىڭ قازاقستان رەسپۋبليكاسىنىڭ شەتەلدىك مەكەمەلەرىندە ەسەپتە بولۋى; كەزدەيسوق جاعداياتتار كەزىندە قامقورشىلاردى بەلگىلەۋ تۋرالى مىندەتتەمەلەردى ۇسىنادى. 28. ۋاكىلەتتى ورگان رەسپۋبليكالىق دەرەكتەر بانكى ارقىلى اككرەديتتەلگەن اگەنتتىككە قازاقستان رەسپۋبليكاسىنان تىس جەردە تۇراقتى تۇراتىن قازاقستان رەسپۋبليكاسىنىڭ ازاماتتارىنا, شەتەلدىكتەرگە بالانىڭ قۇجاتتارىن تانىسۋ ءۇشىن جىبەرەدى.»; 32-تارماق مىناداي رەداكتسيادا جازىلسىن: «32. ۋاكىلەتتى ورگان رەسپۋبليكالىق دەرەكتەر بانكى ارقىلى بەرگەن جولداماعا سايكەس بالا تۇراتىن جەردەگى ورگانعا كەلگەننەن كەيىن قازاقستان رەسپۋبليكاسىنان تىس جەردە تۇراقتى تۇراتىن قازاقستان رەسپۋبليكاسىنىڭ ازاماتتارى, شەتەلدىكتەر بالا ورنالاسقان ءبىلىم بەرۋ, مەديتسينالىق جانە وزگە دە ۇيىمعا بارادى جانە: 1) بالانى تاڭدايدى, ورگان وكىلىنىڭ جانە قاجەت بولعان جاعدايدا اۋدارماشىنىڭ قاتىسۋىمەن ءتيىستى ءبىلىم بەرۋ, مەديتسينالىق جانە وزگە دە ۇيىمنىڭ ەرەجەسىنە سايكەس رەجيم تالاپتارىن ساقتاي وتىرىپ, ونىمەن كەمىندە ءتورت اپتا تىكەلەي قاتىناسادى (بالامەن, ونىڭ ادەتتەرىمەن, تالعامىمەن, مىنەزىنىڭ ەرەكشەلىكتەرىمەن جەكە تانىسۋ, سەرۋەندەۋ, ويىندار); 2) بالانىڭ دەنساۋلىق جاعدايى تۋرالى مەديتسينالىق قورىتىندىمەن تانىسۋ فاكتىسىن وسى قاعيدالارعا 2-قوسىمشاگا سايكەس جازباشا نىساندا راستايدى; 3) تىلەك بىلدىرسە, بالا ورنالاسقان ءبىلىم بەرۋ, مەديتسينالىق جانە وزگە دە ۇيىم وكىلىنىڭ قاتىسۋىمەن اسىراپ الىناتىن بالانى تاۋەلسىز مەديتسينالىق كۋالاندىرۋدان وتكىزۋ ءۇشىن مەديتسينالىق مەكەمەگە جۇگىنەدى; 4) بالا اسىراپ الۋ راسىمىنەن باس تارتۋدى نەمەسە وعان ودان ءارى قاتىسۋدى وسى قاعيدالارعا 3-قوسىمشاگا سايكەس جازباشا راستايدى.». 2. وسى قاۋلى 2017 جىلعى 1 قاڭتاردان باستاپ قولدانىسقا ەنگىزىلەتىن 1-تارماقتىڭ ءۇشىنشى, ءتورتىن­شى, جيىرما ءبىرىنشى, جيىرما ەكىنشى, جيىرما ءۇشىنشى, جيىرما ءتورتىنشى, جيىرما بەسىنشى, جيىرما التىنشى, جيىرما جەتىنشى, جيىرما سەگىزىنشى, جيىرما توعىزىنشى, وتىزىنشى, وتىز ءبىرىنشى, وتىز ەكىنشى, وتىز ءۇشىنشى, وتىز ءتورتىنشى, وتىز بەسىنشى, وتىز التىنشى, وتىز جەتىنشى, وتىز سەگىزىنشى, وتىز توعىزىنشى, قىرقىنشى, قىرىق ءبىرىنشى, قىرىق ەكىنشى, قىرىق ءۇشىنشى, قىرىق ءتورتىنشى, قىرىق بەسىنشى, قىرىق التىنشى, قىرىق جەتىنشى, قىرىق سەگىزىنشى, قىرىق توعىزىنشى, ەلۋىنشى, ەلۋ ءبىرىنشى, ەلۋ ەكىنشى, ەلۋ ءۇشىنشى, ەلۋ ءتورتىنشى, ەلۋ بەسىنشى, ەلۋ التىنشى, ەلۋ جەتىنشى, ەلۋ سەگىزىنشى, ەلۋ توعىزىنشى ابزاتستارىن قوسپاعاندا, العاشقى رەسمي جاريالانعان كۇنىنەن باستاپ قولدانىسقا ەنگىزىلەدى. قازاقستان رەسپۋبليكاسىنىڭ پرەمەر-ءمينيسترى ب.ساعىنتاەۆ