قىزىلوردانىڭ «قايسارى» – ازيانىڭ ۇزدىگى

جاقىندا قىزىل­وردادا قول دوبىنان ازيانىڭ ايەلدەر كوماندالارى اراسىنداعى ءبىرىنشى چەمپيوناتى مارەگە جەتتى. قۇرلىقتىڭ ايەلدەر ليگاسى چەمپيوناتىنا قازاق­ستاننان – 3, يران, وزبەكستان جانە كاتار ەلدەرىنەن ءبىر-ءبىر كوماندادان, بارلىعى 6 كوماندا قاتىستى. قازاننىڭ 26-سىندە سورەدەن شىق­قان بۇل تۋرنيردە وتكىزگەن 5 ويىندى تۇگەل جەڭىسپەن بىتىرگەن قىزىلوردانىڭ «قايسارى» اتالمىش جارىستىڭ تاريحىنداعى تۇڭعىش چەمپيون اتاندى. ءوزىنىڭ باستاۋ الار ارناسىن 1994 جىلى «سەيحۋن» اتتى كوماندا بولىپ قۇرىلۋدان باستاعان سىر بويىنداعى باس قالا كلۋبىنا جەڭىستى بوتاگوز باقىت, فەرۋزا ىسقاقوۆا, ايدا ومىرزاق, ماريا پۋپ­چەنكوۆا, زارينا چۋگۋنوۆا, ۆيك­توريا كولوتينسكايا, جاننات ءاي­تەنوۆا, ناتاليا يلينا, گاۋھار مول­دانازاروۆا, تاتيانا داۆىدوۆا, توميريس بودان, ولگا ريابوۆا, ماريا گافونوۆا, ەليزاۆەتا سوبينا, اللا چەرنىشكوۆا جانە دانا ءابىلدا سەكىلدى گاندبولشىلار الىپ بەردى. ۇجىمدى جارىسقا باس جاتتىقتىرۋشى ۆياچەسلاۆ كيم دايىندادى. تۋرنيردە ەكىنشى ورىندى الما­تىنىڭ «الماتى», ءۇشىنشى ورىندى الماتى وبلىسىنىڭ «ىلە» كوماندالارى جەڭىپ الدى. جەڭىمپاز كوماندا مەن ءجۇل­دەگەرلەر مەدالدارمەن جانە ديپلومدارمەن ماراپاتتالدى. چەمپيون اتانعان ۇجىمعا سونىمەن بىرگە اۆتوبۋستىڭ كىلتى تاپسىرىلدى. ماراپاتتاۋ راسىمىنە ازيا گاندبول فەدەراتسياسىنىڭ ۆيتسە-پرە­زيدەنتى مۋحاممەد بادەر, قازاقستان گاندبول فەدەراتسياسىنىڭ پرەزيدەنتى گۇلنار تۇرلىحانوۆا قاتىستى. لاۋرا شوڭعالوۆا   قىزىلوردا