نەسيە الدىم, نەسىنە الدىم؟

كەي كەزدەرى «بانك» دەگەننىڭ «تانك» سياقتى ەلەستەيتىنى بار. قۇ­جات تولتىرىپ, قول قويىپ, نەسيە­گە قارجى الدىڭ با, بانك سول اقشانى قايتارعانشا توبەڭ­نەن ءتونىپ, تاپتاپ كەتە جاز­داي­دى. سودان با, بانكتەردەن نەسيە العانداردىڭ «جىرى» ەش تاۋسىل­عان ەمەس. ارينە, «قارىزدى قاي­تارا المايتىن بولسا, نەسيەنى نە­سىنە الادى؟» دەپ, بانك جاعالاعان جۇرت­تى دا جازعىرۋعا بولمايدى. نەسيە­گە اقشا الۋدى بىلگەنمەن, وسى سالاداعى جەڭىلدىكتەردى, كومەكتەردى قاراپايىم حالىق ءالى دە جاقسى تۇسىنبەيدى. مىنە, وسىعان وراي جاقىندا «نۇر وتان» پارتياسى جامبىل وبلىستىق فيليالى عيماراتىندا كوشپەلى قوعامدىق قابىلداۋ ءوتىپ, تۇرعىن ءۇي جانە يپوتەكالىق زايم ماسەلەلەرى بويىنشا جۇگىنگەن ازاماتتاردىڭ ءوتىنىش-تىلەكتەرى تىڭدالدى. پارتيا رەسپۋبليكالىق قو­عام­دىق قابىلداۋ بولمەسىنىڭ مەڭ­گەرۋشىسى جۇماجان جۇكەنوۆ, پارتيانىڭ جامبىل وبلىستىق فيليالى توراعاسىنىڭ ءبىرىنشى ورىنباسارى ماسات بەرىك جانە قازاقستان رەسپۋبليكاسى بانك-ومبۋدسمەنى ەرسەرىك سيىرباەۆ, ۇلتتىق بانك پەن بارلىق ەكىنشى دەڭگەيلى بانك فيليالدارى باسشىلارى مەن وكىلدەرى قاتىسقان جيىنعا شاعىمدانىپ كەلگەن ازاماتتاردىڭ قاراسى كوپ بولدى. ناقتىراق ايتساق, بۇل كۇنى پارتيانىڭ وبلىستىق فيليالىنا وتىزدان اسا تۇرعىن كەلىپتى. ولاردىڭ بارلىعى دەرلىك تۇرعىن ءۇي مەن يپوتەكاعا بايلانىستى شاعىمىن ايتا كەلگەن ازاماتتار. كەلۋشىلەرگە وتكەن جىلدىڭ 24 ءساۋىرى­ندە ۇلتتىق بانك بەكىتكەن «يپو­تەكا­لىق تۇر­عىن ءۇي قارىزدارىن, يپوتەكا­لىق قارىزداردى قايتا قارجى­لان­دىرۋ» باع­دار­لاماسىن ىسكە اسىرۋ بارىسى, ءتارتىبى مەن شارتتارى ءتۇسىندىرىلىپ, ولارعا ەكىنشى دەڭ­گەيلى بانك وكىلدەرى كەڭەس بەردى. اتالعان باعدارلاما تۇرعىن ءۇي ءۇشىن كوپ سومادا قارىز ال­عان ازاماتتاردىڭ بەرەشەگىن وتەۋ تالاپ­تار­ىن جەڭىلدەتۋگە با­­عىتتالعان. ءال­بەتتە, ءبىرىنشى كەزەكتە حالىقتىڭ الەۋ­مەتتىك وسال توپ­­­تارىنا ءبىرىنشى كەزەكتى قول­داۋ كور­سەتىلەتىن بولادى دەيدى ماماندار. باع­دار­لاماعا ساي ازاماتتار قارىزدارىن وسى جىلدىڭ 31 جەلتوقسانىنا دەيىن قايتا قارجىلاندىرۋعا مۇمكىندىكتەرى بار ەكەن. قابىلداۋ كەزىندە ءسوز ال­عان  «نۇر وتان» پارتياسى رەسپۋب­ليكالىق قوعامدىق قابىل­داۋ بولمەسىنىڭ مەڭگەرۋشىسى جۇماجان جۇكەنوۆ ۇيىمنىڭ مەملەكەت ساياساتىن جۇزەگە اسىرۋدا ابىرويمەن اتقارىپ كەلە جات­قان جۇمىستارىمەن جانە العا قويعان ماقسات­تارىمەن ءبولىسىپ, جەتكەن جە­تىس­تىكتەردى بايانداپ ءوتتى. ول 2016 جىلدىڭ 8 ايىندا پارتيا قوعامدىق قابىلداۋ بولمەلەرىنە بارلىعى 138 865 ازامات ءتۇرلى وتىنىشپەن كەلسە, ونىڭ 1576-سى يپوتەكالىق نەسيە ماسەلەسىنە قاتىستى بولعانىن ايتتى. سول ءوتىنىشتىڭ 128-ءى جامبىل وبلىسىنا تيەسىلى ەكەن. ورالحان ءداۋىت, «ەگەمەن قازاقستان» جامبىل وبلىسى