استانادا پاتەردى زاڭسىز بەرۋشىلەردى تەكسەرۋ باستالدى

استانادا پاتەرلەردى زاڭسىز جالعا بەرۋ فاكتىلەرىن انىقتاۋ بويىنشا تەكسەرۋ باستالدى, دەپ حابارلايدى egemen.kz «مير» تەلەارناسىنا سىلتەمە جاساپ. «استانادا پاتەرلەردىڭ تەك 4 پايىزى رەسمي تۇردە جالعا بەرىلەدى. بىراق ساراپشىلاردىڭ پىكىرىنشە, بۇل سان الدەقايدا كوپ جانە ەلوردا بيۋدجەتى جىلىنا ءبىر ميلليون دوللاردان قاعىلىپ وتىر. ال جالعا الۋشىلاردى ءۇي يەسىنىڭ كەلىسىمشارت جاساماۋى جانە تولەم چەگىن بەرمەۋى اسا الاڭداتپايدى», - دەپ حابارلايدى تەلەارنا. وتكىزىلگەن ءىس-شارالاردىڭ ناتيجەسىندە جىل باسىنان بەرى 300 پاتەر يەسى جەكە كاسىپكەر رەتىندە ەسەپكە تۇردى. وسىنىڭ ارقاسىندا مەملەكەتتىك قازىناعا 20 ملن. 800 مىڭ تەڭگە ءتۇستى», - دەپ اتاپ ءوتتى ۋچاسكەلىك ينسپەكتور حالەل تويشىباەۆ. مەملەكەتتىك كىرىستەر دەپارتامەنتى جىل سوڭىنا دەيىن 3 مىڭنان استام باسپانانى شىعارۋعا نيەتتى. الدىمەن سالىق تولەۋشىنىڭ جۇمىس ورنىنا ءتيىستى حاتتار جىبەرىلەدى. ەگەر سالىق تولەۋدەن باس تارتۋ ودان ءارى دە جالعاسسا, حاتتاما تولتىرۋ ءۇشىن ۇيىنە باراتىن بولادى. جارتى جىلدان كەيىن جەكەمەنشىك كاسىپكەرلەرگە قوسىمشا تابىس تابۋ مۇمكىندىگى تۋادى. جالعا بەرىلەتىن باسپانالار ءىرى حالىقارالىق كورمەگە كەلەتىن تۋريستەر مەن قوناقتار ءۇشىن قاجەت بولادى. بيلىك ورگاندارى ءۇي-جايلارىن جالعا بەرگىسى كەلەتىن ازاماتتاردى ارنايى اككرەديتاتسيادان وتكىزۋدى جوسپارلاۋدا. تەلەارنانىڭ حابارلاۋىنشا, اعىمداعى جىلى ماسكەۋدە باسپانانى جالعا بەرۋشىلەر ءۇشىن پاتەنت الۋ ەكى ەسەگە دەرلىك ارزانداعان. سولايشا, رەسەي استاناسىنىڭ قازىناسى پاتەنتتەردى ساتۋ مەن سالىقتاردان تۇسكەن قارجى ەسەبىنەن 1 ملرد. رۋبلگە تولىققان.