يسلامدىق قارجىلاندىرۋعا بايىپتى باعدار

«استانا» حالىقارالىق قارجى ورتالىعىنىڭ (احقو) دەلەگاتسيا­سى ساۋديا كورولدىگى جيددا قالاسىندا ورنالاسقان يسلام دامۋ بانكىنىڭ (يدب) شتاب-پاتەرىندە يدب پرەزيدەنتى د-ر باندار مۇحاممەد ءال-حادجارمەن جانە يسلام زەرتتەۋ جانە وقۋ ينستيتۋتى (IRTI), جەكە سەكتوردى دامىتۋ يسلام كورپوراتسياسى (ICD), حالىقارالىق يسلام ساۋدا-قارجى كورپوراتسياسى (ITFC), ينۆەستيتسيا مەن ەكسپورتتىق نەسيەلەردى ساقتاندىرۋدىڭ يسلامدىق كورپوراتسياسى, حالىقارالىق ۆاكۋف-قور (WWF) سەكىلدى يدب-نىڭ ەنشىلەس كومپانيالارىنىڭ باسشىلارىمەن كەزدەستى. كەزدەسۋلەردىڭ ناتيجەسىندە احقو مەن ICD ارالىعىندا ءوزارا تۇسىنىستىك پەن ىنتىماقتاستىق تۋرالى مەموراندۋمعا قول قويىلدى. مەموراندۋم اياسىندا يسلام قارجى­لان­دىرۋ قىزمەتتەرى, بانك ءىسى, كاپيتال نارىعى, اكتيۆتەردى باسقارۋ, قارجى تەحنولوگيالارى جانە ادام كاپيتالىن دامىتۋ بويىن­شا تاجىربيەمەن جانە بىلىممەن الماسۋ, ىن­تىماقتاستىقتى دامىتۋ كوزدەلگەن. بۇل – ءبى­رلەسكەن كاسىبي قارجىلىق جانە اعارتۋ باع­دارلامالارى, زەرتتەۋلەر, سەمينارلار, كۆاليفيكاتسيانى ارتتىرۋ جانە قىزمەتكەرلەردى الماستىرۋ بويىنشا وقۋ ءىسساپارلار ۇيىمداستىرۋدى جانە ىنتىماقتاسىپ جۇمىس ىستەۋدى قامتيدى. ICD باسشىسى حالەد ءال-ابۋدي «مەمو­ران­دۋمنىڭ ماقساتى – قارجىلىق تاۋارلار مەن قىزمەتتەردى كەڭەيتۋ, ونى جەكە سەك­تورعا ۇسىنۋ, ICD-گە مۇشە ەلدەردىڭ يسلام قارجى قىزمەتتەرى يندۋسترياسىن دامىتۋعا ىقپال ەتۋ ارقىلى احقو-مەن اراداعى قاتىناستاردى نىعايتۋ», – دەيدى. احقو باسقارۋشىسى قايرات كەلىمبەتوۆ «احقو-نىڭ ماقساتى اعىلشىن قۇقىعى نەگىزىندە الەمدىك قارجى ورتالىقتارىنداعى حالىقارالىق تالاپتارعا ساي قازاقستانداعى جانە ايماقتاعى قارجى قىزمەتتەرىنىڭ دامۋى مەن وسىمىنە ىقپال ەتۋ», – دەپ اتاپ ءوتتى. سونىمەن قاتار, ول يسلامدىق قار­جى­لاندىرۋى ايماقتىق ورتالىق رەتىندە جانە يسلام قارجىلاندىرۋ ينستي­تۋتتارىنىڭ دامۋى مەن جۇمىس ىستەۋى ءۇشىن جاعىمدى جاعداي جاساۋ دا احقو باستى باعىتتارىنىڭ ءبىرى ەكەندىگىنە توقتالدى, دەپ حابارلادى احقو-نىڭ ءباسپاسوز قىز­مەتى.