جولى بولعان جولداس

ىشكى كوشى-قون ساياساتى باعدارلاماسى شەڭبەرىندە شالعايداعى ش.ءۋاليحانوۆ اۋدانىنا بيىل 17 وتباسى كەلسە, ارالارىندا كارىباەۆتار اۋلەتى دە بار. شاڭىراقتىڭ يەسى جاندوس «جولداسباي اگرو» فەرمەرلىك شارۋاشىلىعىنا تۇراقتى جۇمىسقا ورنالاسىپ, ەڭبەك دەسە ەرىنبەيتىن ەلگەزەكتىك قاسيەتىمەن كورىنە ءبىلدى. ول وڭتۇستىك قازاقستان وبلىسى سايرام اۋدانى اقسۋكەنت اۋى­لىندا دۇنيەگە كەلىپ, وسى جەردە مەكتەپ بىتىرگەن. ماماندىق دايارلاۋ كۋرسىندا وقىپ, «ۆ», «س», «ە» ساناتتاعى كولىك جۇرگىزۋشىلىك كۋالىگىنە يە بولعان. تۋ­عان جەرىندە مەحانيزاتور بولىپ ەڭبەك ەتىپ كەلگەن ول تەرىسكەي جاققا قو­نىس اۋدارعانعا دەيىن وسى كاسىبىنەن ءناسىپ تاۋىپ وتىرعان. بۇگىندە «كام­از» كولىگىنە جۇرگىزۋشى رەتىندە قابىل­دانىپ, كاسىبي بىلىكتىلىگىنە ۇجىم ريزا. – ۇكىمەت تاراپىنان ءبىر رەتتىك وتە­ماقى بەرىلدى. جۇمىس تا, باسپانا دا دايىن ەكەن. ءبىز ەلىمىزدىڭ ءبىر قيىرىنا بايلىق ەمەس, ماقسات قۋىپ كەلدىك. ول – وتانىمىزدى وركەندەتۋگە ءوز ۇلە­سىمىزدى قوسۋ, – دەيدى قاراپايىم ەڭبەك يەسى. جاڭا قونىسقا وتاعاسىنىڭ سوڭى­نان وتباسىنىڭ باسقا مۇشەلەرى دە جە­تىپ, بۇگىندە كىشكەنەكول اۋىلىن­دا تۇرادى. جاندوستىڭ جان جارى ساۋلە – ءتورت بالانىڭ اناسى. الدى – 11 جاستا, كەنجەلەرى – 5 ايلىق. ول شىم­كەنت قالاسىنداعى گۋ­ما­ني­تارلىق-ەكو­نو­ميكالىق كوللەدجدى باس­تاۋىش سىنىپ مۇعالىمى ماماندىعى بويىن­شا تامامداعان. ەڭبەك ءوتىلى – 10 جىل. بالالارى ەسەيگەن سوڭ ەڭبەك ەتۋدى ار­ماندايدى. «جولداسباي اگ­رو» فەر­­مەرلىك شارۋاشىلىعىنىڭ باس­^­شى­­لى­عى كوپ بالالى وتباسىنا بار­­لىق الەۋ­مەتتىك جاعدايدى جاساپ, باس­­پا­­­ناعا دەيىن ساتىپ اپەرگەن. – جۇمىستان راحات الۋ, تابىس تابۋ – مەن ءۇشىن ۇلكەن باقىت. قولداۋ كورسەتكەن اعايىندى جولداسباەۆتارعا ريزاشىلىعىم شەكسىز. ولار ءبىز سەكىلدى كوپتەگەن وتباسىنا كومەك كورسەتىپ كەلەدى. قۇشاق جايا قارسى الىپ, ەلدىڭ, جۇرتتىڭ قامىن جەپ جۇرگەن وسىنداي جاناشىرلار كوبەيە بەرگەي, – دەيدى «تەمىر تۇلپار» تىزگىندەگەن اقجارقىن ازامات. سارمان ايازبەكوۆ سولتۇستىك قازاقستان وبلىسى, ءۋاليحانوۆ اۋدانى