الماتى وبلىسى اكىمى سابيلەردىڭ ولىمىنە بايلانىستى جيىن وتكىزدى

وبلىس اكىمى بۇعان بەي-جاي قارامايتىنىن ايتتى جاقىندا الماتى وبلىسى, قاراساي اۋداندىق ورتالىق اۋرۋحاناسىندا ۇشەم دۇنيەگە كەلىپ حالقىمىزدى ەرەكشە قۋانىشقا بولەگەن ەدى. بىراق قۋانىش ۇزاققا سوزىلماي ءنابارى التى كۇننىڭ ىشىندە ۇشەمنىڭ بىرەۋى شەتىنەپ كەتكەنى وكىنىشتى بولدى. قۇدايعا ءتاۋ­بە وزگە ەكى بالا امان. بىراق بۇل وكىنىش ەشكىمدى بەيجاي قالدىر­مادى. مىنە, وسى ماسەلەگە وراي الما­تى وبلىسىنىڭ اكىمى امان­دىق باتالوۆ شۇعىل جيىن وتكىزدى. «قولىمىزداعى ءۇش ءسابيدىڭ بىرىنەن جانە ولاردان بولەك تۋعان تاعى ءبىر نارەستەدەن قالاي ايىرى­لىپ قالدىق؟ سەبەپ نە؟ قانداي دا ءبىر ەم جاساپ, جاندارىنا اراشا تۇسۋگە بولماس پا ەدى؟ ۇشەم تۋىلا بەرمەيدى. ال, دارىگەرلەر, سەندەر كاسىبي ما­مان­دىقتارىڭا كىرىسەردە انت بەردىڭدەر عوي. قاجەت بولسا كاسىبي مامانداردى گەرمانيادان اكەلىپ سابيلەرگە ەم جاساتۋعا شامامىز بار عوي. كاسىبي شەبەرلىگى شىڭ­دالعان دارىگەرلەرگە تولى الماتى قالاسى دا بۇل اۋدانعا ءتيىپ تۇر», دەپ ءوڭىر باسشىسى جيىندى جاۋاپتى تۇلعالاردىڭ اپشىسىن قۋىرۋدان باستادى. بۇل سالاعا قى­رۋار قاراجات ءبولىنىپ, بىرىنەن ەكىنشىسى اساتىن عيماراتتار مەديتسينالىق تالاپقا ساي سالىنىپ, ىشىنە الەمدەگى ەڭ وزىق قوندىرعىلار ساتىلىپ اكەلىنىپ ورناتىلعان. تەك دارىگەرلەر سول زاماناۋي اپپاراتتاردىڭ ءتىلىن ءتۇسىنىپ, وقي السا, ۇعىنا بىلسە بولعانى. نەگىزى 2001 جىلمەن سالىستىرعاندا, دەنساۋلىق ساقتاۋ سالاسىنا بيۋدجەتتەن بولىنەتىن قاراجات كولەمى 31 ەسەگە وسكەن. بۇل ءوسىمدى اماندىق باتالوۆتىڭ الماتى وبلىسىنا اكىم بولىپ تاعايىندالعاندا جۇمىسىن ەڭ ءبىرىنشى كەزەكتە دەنساۋلىق ساقتاۋ سالاسى قىزمەتكەرلەرىمەن كەزدەسىپ, ولاردىڭ جۇمىس ورىندارىن كورۋدەن باستاعانىنىڭ ناتيجەسى دەپ تۇسىنگەن دۇرىس. مىنبەگە كوتەرىلىپ, بەيكۇنا سابيلەر ءولىمىن انالارىمەن بايلانىستىرا باستاعان وب­لىستىق دەنساۋلىق ساقتاۋ باس­قارماسىنىڭ باسشىسى اسحان بايدۋۆاليەۆتىڭ ەسەبىن ءوڭىر باسشىسى كىلت كەسىپ نەگىزگى ماسەلە بالا ولىمىنە ناقتى جاۋاپ بەرۋىن تالاپ ەتتى. سىدىرتپا سوزگە ەرىك بەرىلمەدى. ءوز كەزەگىندە قا­راساي اۋداندىق ورتالىق اۋرۋحاناسىنىڭ باس دارىگەرى ساۋلە ساۋرانباەۆا وسىعان دەيىن التى-جەتى قۇرساق كوتەرگەن 35 جاس­تاعى انا دەنساۋلىعىنا بايلانىستى ماسەلەلەردى مەدي­تسي­نالىق تىلمەن تۇسىندىرە تۇ­رىپ, ۇشەمنىڭ اناسىنا جەكە مەيىربيكە بولمەگەنىنە كىنالى ەكە­نىن مويىندادى. قالاي دەسەك تە ءبىر اپتادا ءبىر پەرزەنتحانادا ەكى انانىڭ ەكى ءسابيىنىڭ شەتىنەۋىنە ازىرگە دارىگەرلەر تو­لىق­قاندى جاۋاپ بەرە المادى. قازاقى جالپاق تىلمەن شالا تۋ­عان نارەستە دەپ تە اقتالىپ باقتى. سابيلەردىڭ 1 كيلو 400 گرامم بولىپ دۇنيەگە كەلەتىندىگى تۋرالى مىسالدار جەتىپ-ارتىلادى. سول سابيلەردىڭ بۇگىندە دوپ ويناپ جۇرگەنىن ەستىگەندە اق حالاتتى ابزال جاندارعا العىستان باسقا نە ايتاسىز. ال بۇگىنگى كوتەرىلىپ وتىرعان ماسەلە دارىگەرلەرگە رە­نىش بىلدىرۋمەن شەكتەلمەيتىنى انىق. سوندىقتان ءبىر اپتادا قوس ءسابيدىڭ شەتىنەۋىنىڭ سەبەپتەرىن مۇقيات تەكسەرىپ, ون كۇننىڭ ىشىندە ەسەپ بەرۋدى ءوڭىر باسشىسى ءبىرىنشى ورىنباسارى ءلاززات تۇرلاشەۆقا تاپسىردى. تاعى ءبىر باسا ايتىلعان ماسەلە جەتىسۋ جەرىندە ادام ءولىمىنىڭ ازايماۋىنىڭ ءبىر سەبەبى دارىگەرلەردىڭ كاسىبي بىلىك­تىلىك­تەرىنىڭ تومەن ەكەندىگىن دەن­ساۋلىق ساقتاۋ مينيسترلىگىنىڭ مالىمەتى راستايتىندىعى بولدى. بۇل كەلەڭسىزدىكتەن ءتيىستى قورىتىندى شىعارۋ كەرەكتىگىن ءوڭىر باسشىسى نىقتاپ ايتتى. نۇربول الدىباەۆ, «ەگەمەن قازاقستان» تالدىقورعان