تەاترعا تولىمدى تارتۋ

الماتى قالاسىنىڭ اكىمى باۋىرجان بايبەك م.اۋەزوۆ اتىنداعى قازاق مەملەكەتتىك اكادەميالىق دراما تەاترىنىڭ «سىعان سەرەناداسى» سپەكتاكلىنە كورەرمەن بولىپ كەلىپ, تەاتر ۇجىمىن قۋانىشقا كەنەلتىپ قايتتى. ساحناعا كوتەرىلگەن قالا اكىمى تەاتردىڭ 90 جىلدىق مەرەيتويىمەن قۇتتىقتاي كەلە, ونەر ۇجىمىنا سۋ جاڭا Hyundai ميكرواۆتوبۋسىن سىيعا تارتتى. «قازاق ونەرىنىڭ قارا شاڭى­راعى م.اۋەزوۆ اتىنداعى قازاق مەم­لەكەتتىك اكادەميالىق دراما تەاترىن 90 جىلدىق مەرەي­تويىمەن شىن جۇرەكتەن قۇتتىق­تايمىن. ءوز تارا­پىمىزدان ءسىز­دەردىڭ ءاربىر باس­تامالارىڭىزعا قول ۇشىن بە­رۋدەن ايانبايمىز. بيىلعى جىل مەرەيتويلارعا تولى بولدى. تەك مەرەيتويلار لەگىنىڭ ءوزى 20-عا جەتتى. قۇرىلعالى بەرى كورەرمەنگە 465 قويىلىم ۇسىن­عان تەاتر ءار ماۋسىمدا 45 سپەكتاكل ۇسىنىپ, ونى 100 مىڭعا جۋىق ونەرسۇيەر قاۋىم تاماشالادى. 91-ماۋسىمنان باستاپ ءوزىنىڭ عاسىرلىق بەلەسىنە بەتتەگەن ۇجىمعا شىعارماشىلىق تابىس پەن شابىتتىڭ شىرقاۋىن تىلەيمىن. ونەر ورداسىنىڭ بيىل­عى مەرەيتويىنا وراي تەا­تر ۇجى­مىنا 12 ورىندىق جاڭا Hyundai ميكرواۆتو­بۋسىن سىيعا تار­تۋدى ۇيعار­دىق», دەپ قالا اكىمى كولىك كىلتىن تەاتر ديرەكتورى ەرلان ءبى­لالوۆكە تابىستادى. قالاداعى ءار ءتۇرلى مەكەمە ۇجى­مىمەن, مەكتەپ, جوعارى وقۋ ورىندارى ستۋدەنتتەرىمەن كەزدەسۋگە, گاسترولدىك ساپارلارعا ءجيى شىعاتىن تەاتر ارتىستەرىنە كولىك زارۋلىگى بۇرىننان سەزىلەتىن. قارا شاڭىراق تەاتر ەلىمىزدەگى ەڭ ۇلكەن ونەر وردالارىنىڭ بىرىنەن سانالسا دا, تالاي جىلدان بەرى شىعارماشىلىق توپ الىس-جاقىن ەلدى مەكەندەرگە گاسترولدىك ساپار­لارعا شىققاندا كولىك جاعى­نان قينالىپ كەلە جاتقانى راس. ءبىر وبلىستىڭ كولەمىندە كەمى ەكى-ءۇش اۋداندى ارالاپ, كەلەسى كورشى وبلىسقا اتتانىپ كەتۋىنە تۋرا كەلەتىن كەز ءجيى بولادى. سونداي ۋاقىتتا اكتەرلاردىڭ ءجۇرىپ-تۇ­رۋى­نا ىڭعايلى دەربەس كولىكتىڭ قاجەتتىلىگى ءتىپتى, بايقالا تۇسەتىن. تەاتر ۇجىمىنىڭ كوپ جىل­عى تىلەگى مەن زارۋلىگىن ەس­كەرىپ, ونەرگە قولداۋ تانىتىپ, قالا تۇرعىندارىنىڭ اتىنان كولىك سىيلاعان باۋىرجان قىدىر­عالي ۇلىنىڭ سىيلىعىنا ارتىستەر بالاشا قۋاندى. تەاتر ديرەكتورى ە.ءبىلالوۆ تالاي جىلعى مۇق­تاجدىقتىڭ ورنى تولىپ, وڭ­تايلى شەشىمىن تاپقانىنا ۇجىم اتىنان العىسىن ءبىلدىردى. ايگۇل احانبايقىزى, «ەگەمەن قازاقستان»   الماتى