ۆەلوشاباندوزدىڭ تاڭعى جاتتىعۋى

پەتروپاۆلدا 2017 جىلعى بۇكىلالەمدىك قىسقى ۋنيۆەرسياداعا ارنالعان ءىس-شارا بولىپ ءوتتى. وعان ريو وليمپياداسىنا قاتىسۋشى, «Astana Pro Team» ۆەلوكلۋبىنىڭ بەلدى مۇشەسى, جەرلەسىمىز باقتيار قوجاتاەۆ ارنايى كەلدى. الاۋدى تۇتاتۋ ءراسىمى 25 قاڭتار كۇنى  استاناداعى زيات­كەرلىك مەكتەبىندە ەلباسى نۇرسۇلتان نازارباەۆتىڭ قاتى­سۋىمەن وتە­تىنى بەلگىلى. قىزىلجار – الاۋ ەستافەتاسىن قابىلدايتىن العاش­قى ءوڭىر. 26 قاڭتار كۇنى  aلاۋ ەستافەتاسى  ەڭ ءبىرىنشى بولىپ پەتروپاۆل قالاسىنا كەلەدى.  قازىرگى تاڭدا وسىعان وراي مۇندا دايىندىق جۇمىستارى ءجۇرىپ جاتىر. 60 ازامات الاۋدى ءوڭىردىڭ 12 شا­قىرىمعا سوزىلاتىن ەڭ كورىكتى جەرلەرىمەن الىپ وتەدى. ال بايراقتى باسەكەگە وبلىستان 9 سپورتشى قاتىسىپ, كونكيمەن جۇگىرۋدەن جانە شاڭعىدان باقتارىن سىنايتىن بولادى. قالاداعى  قازاق مەكتەپ-گيمنازياسىندا ءبىرىنشى وتكەن «ۋنيۆەرسياداعا دەيىن 100 كۇن» مادەني-سپورت جوباسى اياسىندا بەلگىلى سپورتشىمەن تاڭعى  بوي سەرگىتۋ جاتتىعۋىنا جۇزدەن استام وقۋشى قاتىستى. – مۇنداي شارالاردىڭ سپورتتى ناسيحاتتاۋدا, بالا­لار اراسىندا سالاماتتى ءومىر سالتىن قالىپتاستىرۋدا ما­ڭىزى زور. ەلىمىز قىسقى ۋني­ۆەرسيادا قاتى­سۋشىلارىن ال­عاش رەت قابىل­دايتىندىقتان, جان-جاقتى  ازىرلىك جوعارى دەڭ­گەيدە جۇرگىزىلۋدە. قازاق­ستان­دىق سپورتشىلاردىڭ بارىن­شا كوپ جۇلدە ۇتىپ الارىنا سەنەمىن, – دەيدى قازاقستان ۇلت­تىق قۇراماسىنىڭ مۇشەسى ب.قوجاتاەۆ. قىسقى ۋنيۆەرسيادانى قول­داۋ ماقساتىندا ۇيىم­داس­تى­رىلعان ايماقتىق  اكتسيا بەس جۇزدەن استام ءبىلىم وشاقتارىندا جالعاستى. ءومىر ەسقالي, «ەگەمەن قازاقستان» پەتروپاۆل