ەكونوميكامىزدىڭ دامۋىنداعى امەريكالىق بيزنەستىڭ ءرولى تالقىلاندى

قر پرەمەر-ءمينيسترىنىڭ ءبىرىنشى ورىنباسارى اسقار مامين اقش مەملەكەتتىك حاتشىسىنىڭ ساياسي ماسەلەلەر جونىندەگى ورىنباسارى توماس شەننونمەن كەزدەسۋ وتكىزدى, دەپ حابارلايدى primeminister.kz. كەزدەسۋ بارىسىندا قر مەن اقش اراسىنداعى ساياسي, ساۋدا-ەكونوميكالىق, ەنەرگەتيكالىق سالالارداعى ىنتىماقتاستىقتىڭ قازىرگى جاعدايى مەن كەلەشەگى, سونداي-اق, حالىقارالىق كۇن تارتىبىندەگى وزەكتى ماسەلەلەر تالقىلاندى. ەكى جاق قازاقستاننىڭ ەكونوميكالىق دامۋىنداعى امەريكالىق بيزنەستىڭ ءرولىن جانە ەكسپو-2017 مەن «نۇرلى جول» باعدارلاماسى تۇرعىسىنداعى ىنتىماقتاستىقتىڭ جاڭا پەرسپەكتيۆالارىن تالقىلادى. ا. مامين استاناداعى ەكسپو-داعى اقش-تىڭ كورمە پاۆيلونىنىڭ ۇيىمداستىرىلۋىنا العىسىن ءبىلدىردى. تاراپتار ستراتەگيالىق سەرىكتەستىك جونىندەگى كوميسسيا, ەنەرگەتيكا سالاسىنداعى سەرىكتەستىك جونىندەگى ورتاق كوميسسيا جانە عىلىمي-تەحنيكالىق ىنتىماقتاستىق جونىندەگى كوميسسيا سەكىلدى ەكىجاقتى قازاقستان-امەريكا تەتىكتەرىنىڭ ءساتتى جۇرگىزىلىپ جاتقان جۇمىستارىن ەرەكشە اتاپ ءوتتى. «ءبىز اقش-پەن ستراتەگيالىق سەرىكتەستىك جونىندەگى كوميسسيا شەڭبەرىندەگى جۇمىستارعا ەرەكشە نازار اۋدارامىز. بۇل مەحانيزم ءوزىنىڭ تيىمدىلىگىن كورسەتتى ءارى ەكىجاقتى قارىم-قاتىناستى نىعايتۋدا ماڭىزدى قادامعا اينالدى», - دەدى ا. مامين. ت. شەننون قر مەن اقش اراسىنداعى ىنتىماقتاستىققا جوعارى باعا بەرىپ, قازاقستاننىڭ ورتالىق ازياداعى وڭىرلىك قاۋىپسىزدىك پەن تۇراقتىلىقتى قامتاماسىز ەتۋدە اسا ۇلكەن ورىن الاتىندىعىن ايتىپ ءوتتى.