تەرىسكەي ەلىنىڭ تارتۋى

سولتۇستىك قازاقستان وبلىسىنىڭ ەلورداداعى كۇندەرى اياسىندا استانا تۇرعىندارى مەن قوناقتارىنا مازمۇندى مادەني باعدارلاما دايىندالدى. وسىنداعى ۇلتتىق اكادەميالىق كىتاپ­حانادا س.مۇقانوۆ اتىنداعى وبلىستىق ءام­بەباپ عىلىمي كىتاپ­حاناسىنىڭ «سولتۇستىك ەسىل ءوڭىرى – ءورىسى بيىك ولكە» ات­تى بەزەندىرىلگەن كىتاپ كورمەسىنىڭ تۇساۋكەسەرى ءوتتى. كورمەنى اشىپ, قۇتتىقتاۋ ءسوز سويلەگەن وبلىس اكىمىنىڭ ورىنباسارى انارحان دۇيسەنوۆا وبلىستىڭ تەك التىن ءدان ىرىزدىعىنا عانا ەمەس, شىعارماشىلىق يەلەرىنە, بەلگىلى ادامدارعا باي ولكە ەكەنىن, ولاردىڭ قوعامدىق ءومىردىڭ ءتۇر­لى سالالارىندا تابىستى ەڭبەك ەتىپ ءجۇر­گەنىن تىلگە تيەك ەتتى. كورمەدە ءوڭىر­دەن شىققان اتاقتى تۇلعالار تۋرالى باي كورنەكى باسپالىق جانە ەلەكترون­دى ماتەريالدار توپتاستىرىلعان. بۇل – ايگىلى اقىن ماعجان جۇماباەۆ, قا­زاق ادەبيەتىنىڭ كلاسسيكتەرى ءسابيت مۇقا­نوۆ, عابيت مۇسىرەپوۆ, يۆان شۋحوۆ, سا­فۋان شايمەردەنوۆ, گەرولد بەلگەر, ءسا­كەن ءجۇنىسوۆ جانە كوپتەگەن اقىندار مەن جازۋشىلاردىڭ وتانى. كورمەدە سونداي-اق, سولتۇستىك ەسىل ءوڭىرىنىڭ اتىن شىعارعان تالانتتى تۇلعالار – قوعام جانە ساياسات قايراتكەرلەرىنە, عالىمدار مەن عارىشكەرلەرگە, سپورتشىلار مەن سۋرەتشىلەرگە ەرەكشە ورىن بەرىلدى. س.مۇقانوۆ اتىنداعى امبەبەپ كىتاپ­حانا جەرگىلىكتى قوعامداستىقتىڭ زيا­تكەرلىك كۇشتەرىن تارتۋ ورتالىعىنا اينالىپ, 2014 جىلى «قازاقستاننىڭ ءححى عاسىرداعى ۇزدىك كىتاپحاناسى» اتاعىنا يە بولعان. كىتاپحانا ءتۇرلى حالىقارالىق قورلاردىڭ 19 گرانتىنىڭ يەگەرى, ءوز قىزمەتىندە 17 شىعارماشىلىق جوبانى جۇزەگە اسىرۋدا. استانادا وتكەن كورمەدە وسى يننوۆاتسيالىق جوبالاردىڭ ەڭ نەگىزگىلەرى تانىستىرىلدى. ەلورداداعى م.گوركي اتىنداعى مەملەكەتتىك اكادەميالىق ورىس دراما تەاترىندا كورەرمەندەر نازارىنا سولتۇستىك وبلىستىڭ ن.پوگودين اتىنداعى ورىس دراما تەاترىنىڭ ۇزدىك قويىلىمدارىنىڭ ءبىرى «ماعجاننىڭ سوتى» ۇسىنىلدى. تەاتردىڭ كوركەمدىك جەتەكشىسى ەلەنا پوكراس ۇجىمنىڭ بىرنەشە مارتە وسى پەسامەن گاسترولدىك ساپارلارعا شىققانىن, تەاتر سىنشىلارىنىڭ جوعارى باعاسىنا يە بولعانىن اتاپ ءوتتى. قويىلىم سيۋجەتi ماعجاننىڭ مونولوگى, ونىڭ جاقىن ادامدارىمەن تiلدەسۋi جانە قازاق حالقىنىڭ بولاشاعى مەن بۇگiنگi كۇننiڭ كورiنiسi جايىنداعى ويلارى نەگiزiندە قۇرىلعان. قويىلىم سوڭى­ن­دا تەاتر ارتiستەرiنە سقو اكiمi ەرiك سۇل­تانوۆتىڭ اتىنان ىقىلاس گۇلi تابىستالىپ, م. گوركي اتىنداعى اكادەميالىق دراما تەاترىنىڭ باسشىلىعى ءوز ريزا­شى­لى­عىن بiلدiردi. سونداي-اق, س.مۇقانوۆ اتىنداعى قازاق مۋزىكالىق دراما تەاترىنىڭ ارتىستەرى استاناداعى ق.قۋانىشباەۆ اتىنداعى مەملەكەتتىك اكادەميالىق قازاق مۋزىكالىق دراما تەاترىندا «ەلىم-اي» تاريحي داستانىنىڭ جەلىسىندە «داۋىلپاز بابا - قوجابەرگەن» سپەكتاكلىن ساحنالادى. كىشكەنتاي كورەرمەندەر ءۇشىن «جاستار» سارايىندا وبلىستىق قۋىرشاق تەاترى «اۋەلە, دومبىرا!» سپەكتاكلىن ءۇش كۇن بويى قويدى. بالالار ءۇيىنىڭ تاربيەلەنۋشىلەرى ءۇشىن «مەنىڭ دوسىم – باعدارشام» اتتى قايىرىمدىلىق قويىلىمى كورسەتىلدى. استانا قالاسىنىڭ مەملەكەتتىك مۇراعاتىندا سولتۇستىك قازاقستان وبلىستىق مۇراعاتىنىڭ ۇيىمداستىرۋىمەن «سولتۇستىكتىڭ بايلىعى: بىرەگەي مۇراعات قۇجاتتارىنداعى تاريح» كورمەسى ۇسىنىلدى. ءىس-شارا اياسىندا قالا تاريحى, وبلىس ورتالىعىنىڭ اتاقتى تۇلعالارى تۋرالى «پەتروپاۆل قالاسى» اتتى دەرەكتى فيلم كورسەتىلدى. بەيبىتشىلىك جانە كەلىسىم سارايىندا سقو مۇراجايلىق بىرلەستىگىنىڭ ۇيىمداستىرۋىمەن «تۋعان جەردىڭ تارتىلىسى» كورمەسى, سونداي-اق جەرگىلىكتى سۋرەتشىلەردىڭ «ءوڭىر مارجانى» كورمە ەكسپوزيتسياسى ۇيىمداستىرىلىپ, وسى جەردە اعاشتى ويۋلاۋ, قايىڭ قابىعىنان جانە كيىزدەن ءتۇرلى بۇيىمدار جاساۋ سياقتى قولدانبالى ونەر تۇرلەرىنەن شەبەرلىك دارىستەرى ءوتتى. ەلورداداعى سولتۇستىك قازاقستان وبلىسىنىڭ كۇندەرى بەيبىتشىلىك جانە كەلىسىم سارايىندا ۇزدىك شىعارماشىلىق ۇجىمداردىڭ «ماعجان ەلىنەن ەلوردا تورىنە» اتتى گالا-كونتسەرتىمەن اياقتالدى.