1999
*1 قاڭتاردا پرەزيدەنت نۇرسۇلتان نازارباەۆتىڭ قازاقستان حالقىن جاڭا جىلمەن قۇتتىقتاۋى «ەگەمەن قازاقستان» گازەتىندە جاريالاندى. وندا ەلىمىز بويىنشا ورتاشا جالاقى, ورتاشا زەينەتاقى ءبىر كەزدەگى وداقتاس رەسپۋبليكالاردىڭ اراسىندا ەڭ جوعارى دەڭگەيدە ەكەندىگى اتاپ كورسەتىلدى.
*10 قاڭتاردا ەلىمىزدە پرەزيدەنتتىك سايلاۋ ءوتتى. بالامالى نەگىزدە دەموكراتيالىق ۇردىسپەن وتكەن بۇل سايلاۋدا قازاقستان رەسپۋبليكاسىنىڭ پرەزيدەنتى بولىپ 81,71 پايىز داۋىس العان نۇرسۇلتان نازارباەۆ قايتا سايلاندى.
* 13 قاڭتاردا پرەزيدەنت نۇرسۇلتان نازارباەۆ الماتىداعى ءوز رەزيدەنتسياسىندا ەسىمى ەلگە كەڭىنەن تانىمال ارداگەرلەردىڭ ءبىر توبىن قابىلدادى. ايتا كەتەيىك, ەلباسىنا دەموكراتيالىق نەگىزدە بالامالى سايلاۋعا تۇسۋگە قولقا سالعان ارداگەرلەر قاۋىمىنىڭ ايتۋلى وكىلدەرى بولاتىن.
*15 قاڭتاردا الماتىداعى ۇلتتىق كىتاپحانادا ەلباسى نۇرسۇلتان نازارباەۆتىڭ «قالىڭ ەلىم, قازاعىم» اتتى جاڭا كىتابىنىڭ تۇساۋكەسەرى وتكىزىلدى. كىتاپتا قازاقستاننىڭ وتكەن تاريحى مەن قازىرگى بەت-بەينەسى, ونىڭ دامۋىنىڭ بولاشاعى تۋرالى مەملەكەت باسشىسىنىڭ سويلەگەن سوزدەرى جيناقتالعان.
*20 قاڭتاردا استانا قالاسىندا قازاقستان رەسپۋبليكاسىنىڭ پرەزيدەنتى نۇرسۇلتان نازارباەۆتىڭ ءوز قىزمەتىنە كىرىسۋ ءراسىمى – يناۋگۋراتسيا ءوتتى. جيىندا ەلباسى: «بۇگىنگى كۇن – مەن ءۇشىن ەرەكشە كۇن. ارينە, مەن ادام رەتىندە وسى سايلاۋدا جەڭىسكە جەتكەنىمە قۋانامىن, حالقىم ماعان تاريحىمىزدىڭ تاعى دا ءبىر قيىن-قىسپاق كەزىندە زور سەنىم ارتقانىنا مەرەيلەنەمىن, – دەدى.
* 21 قاڭتاردا پرەزيدەنت جاڭا ۇكىمەتتى قۇرۋعا كىرىستى. ەلباسى جارلىعىمەن نۇرلان بالعىمباەۆ قازاقستان رەسپۋبليكاسىنىڭ پرەمەر-ءمينيسترى بولىپ تاعايىندالدى.
*23 قاڭتاردا امەريكا قۇراما شتاتتارىنىڭ قازاقستان رەسپۋبليكاسىنداعى توتەنشە جانە وكىلەتتى ەلشىسى ريچارد دجونس پرەزيدەنت نۇرسۇلتان نازارباەۆقا ءوز ەلىنىڭ باسشىسى بيلل كلينتوننىڭ جولداۋىن تابىس ەتتى.
*28 قاڭتاردا شۆەيتساريانىڭ داۆوس قالاسىندا كەزەكتى دۇنيەجۇزىلىك ەكونوميكالىق فورۋم اشىلدى. فورۋم جۇمىسىنا قازاقستان پرەزيدەنتى نۇرسۇلتان نازارباەۆ قاتىستى.
* 12 اقپاندا پرەزيدەنت جارلىعىمەن «قازاقستان رەسپۋبليكاسىنىڭ ۇلتتىق عىلىم اكادەمياسى» رەسپۋبليكالىق مەملەكەتتىك مەكەمەسى قۇرىلدى. قازاقستان رەسپۋبليكاسى ۇلتتىق عىلىم اكادەمياسىنىڭ پرەزيدەنتى بولىپ ناعيما ابەنقىزى ايتقوجينا تاعايىندالدى. كەزىندە عىلىم اكادەمياسىن ونىڭ اعاسى, لەنيندىك سىيلىقتىڭ لاۋرەاتى مۇرات ايتقوجين باسقارعان بولاتىن.
* 19 اقپاندا استانادا قازاقستان پرەزيدەنتى نۇرسۇلتان نازارباەۆتىڭ, قىرعىزستان پرەزيدەنتى اسقار اقاەۆتىڭ جانە وزبەكستان پرەزيدەنتى يسلام كاريموۆتىڭ كەزدەسۋى ءوتتى. ول ءۇش ەلدىڭ اراسىنداعى ماڭگىلىك دوستىق تۋرالى شارتتىڭ ەكى جىلدىعىنا ارنالدى.
* 2 ناۋرىزدا ەل گازەتى «ەگەمەن قازاقستاننىڭ» ەلورداعا كوشىپ كەلۋى اياقتالدى. باس باسىلىمنىڭ وسى كۇنگى ءنومىرى استانا قالاسىنان شىقتى.
* 11 ناۋرىزدا ەلباسى جارلىعىمەن جامبىل وبلىسىنىڭ لۋگوۆوي اۋدانى تۇرار رىسقۇلوۆ اۋدانى, سولتۇستىك قازاقستان وبلىسىنىڭ سوۆەت اۋدانى اققايىڭ اۋدانى بولىپ اتالدى. اقتوبە قالاسىنىڭ اكتيۋبينسك دەگەن ورىسشا ترانسكريپتسياسى اكتوبە بولىپ وزگەرتىلدى.
* 20 ناۋرىزدا پرەزيدەنت نۇرسۇلتان نازارباەۆ ناۋرىز مەرەكەسىنە وراي ەل حالقىن قۇتتىقتاۋى «ەگەمەن قازاقستان» گازەتىندە جاريالاندى.
*2 ساۋىردە ماسكەۋدە تمد مەملەكەت باسشىلارىنىڭ كەڭەسى ءوتتى. وندا ۇجىمدىق قاۋىپسىزدىك كەلىسىمىن ۇزارتۋ (وزبەكستان, ازەربايجان, گرۋزيادان باسقا) تۋرالى حاتتاماعا, تمد-نىڭ دامۋ باعىتتارى تۋرالى دەكلاراتسياعا, 1994 جىلعى 15 ساۋىردە قابىلدانعان ەركىن ساۋدا ايماعىن قۇرۋ تۋرالى كەلىسىمگە وزگەرتۋلەر مەن تولىقتىرۋلار ەنگىزۋ تۋرالى حاتتاماعا, تمد ورگاندارىنىڭ قۇرىلىمىن رەفورمالاۋ جانە جەتىلدىرۋ تۋرالى شەشىمگە قول قويىلدى. سونداي-اق, ۇلى وتان سوعىسىنداعى جەڭىستىڭ 55 جىلدىعىنا ازىرلىك جايى تالقىلاندى.
* 8 ساۋىردە اقمولا وبلىسىنىڭ شەكاراسى وزگەرتىلدى, وعان سولتۇستىك قازاقستان وبلىسىنىڭ ەڭبەكشىلدەر, زەرەندى, ششۋچينسك اۋداندارى مەن كوكشەتاۋ قالاسىنىڭ اۋماقتارى ەنگىزىلدى. اقمولا وبلىسىنىڭ اكىمشىلىك ورتالىعى استانا قالاسىنان كوكشەتاۋ قالاسىنا كوشىرىلدى. وسى كۇنى اشعابادتا ورتالىق ازيا مەملەكەت باسشىلارىنىڭ وتىرىسى ءوتتى. وعان ن.نازارباەۆ, ا.اقاەۆ, ي.كاريموۆ, ە.راحمونوۆ, س.نيازوۆ قاتىستى. سامميت ناتيجەسى بويىنشا ارالدى قۇتقارۋ حالىقارالىق قورىنىڭ ەرەجەسى بەكىتىلدى.
*12 ساۋىردە الماتىداعى رەسپۋبليكا سارايىندا قازاقستان عىلىم اكادەمياسىنىڭ تۇڭعىش پرەزيدەنتى قانىش يمانتاي ۇلى ساتباەۆتىڭ 100 جىلدىعىنا ارنالعان سالتاناتتى جينالىس بولىپ ءوتتى. سالتاناتتى جيىنعا ەلباسى نۇرسۇلتان نازارباەۆ قاتىستى.
* 16 ساۋىردە الماتىعا جۇمىس ساپارىمەن پالەستينا مەملەكەتىنىڭ پرەزيدەنتى يا.ارافات كەلدى.
* 19 ساۋىردە پرەزيدەنت ن.ءا.نازارباەۆ استاناعا رەسمي ساپارمەن كەلگەن چەحيا پرەمەر-ءمينيسترى م.زەماندى قابىلدادى.
* 21 ساۋىردە پرەزيدەنت ن.ءا.نازارباەۆ قازاقستانعا رەسمي ساپارمەن كەلگەن كاتار مەملەكەتىنىڭ ءامىرى شەيح حاماد بەن حاليفا ءال تانيمەن كەزدەستى.
*23-25 ءساۋىر ارالىعىندا پرەزيدەنت ن.ءا.نازارباەۆ ناتو-نىڭ سامميتىنە قاتىسۋ ءۇشىن ۆاشينگتوندا ساپارمەن بولدى. وسى كۇندەرى پرەزيدەنت اقش-تىڭ ساياسي جانە ىسكەرلىك الەمىنىڭ وكىلدەرىمەن كەزدەستى. ەلباسى اقش پرەزيدەنتى ب.كلينتونمەن كەزدەستى. ب.كلينتون ازياداعى سەنىم شارالارى مەن قاۋىپسىزدىكتى نىعايتۋ جونىندەگى قازاقستاننىڭ باستاماسىن مىسال رەتىندە كەلتىرە وتىرىپ, ونىڭ ايماقتا بەيبىتشىلىكتى ساقتاۋدا ۇلكەن ءرولى بار ەكەنىن اتاپ كورسەتتى. سونداي-اق, ول ن.ءا.نازارباەۆتىڭ بەيبىتشىلىك پەن قاۋىپسىزدىككە قاتىستى عالامدىق پروبلەمالاردى شەشۋدە ناتو رەسەيمەن تىعىز جۇمىس ىستەۋى ءتيىس دەگەن پىكىرىمەن كەلىستى.
*6 شىلدەدە پرەزيدەنت ن.ءا.نازارباەۆ تۇركيا پرەزيدەنتى س.دەميرەلمەن كەزدەستى. كەزدەسۋ بارىسىندا ەكىجاقتى ماسەلەلەر تالقىلاندى.
* 14 شىلدەدە پرەزيدەنت نۇرسۇلتان نازارباەۆ رەسمي ساپارمەن استاناعا كەلگەن مولدوۆا پرەزيدەنتى پەتر لۋچينسكيمەن كەزدەستى. كەلىسسوز بارىسىندا ەكى ەل اراسىنداعى ەكونوميكالىق ىنتىماقتاستىقتى دامىتۋ ماسەلەلەرى قوزعالدى.
* 24 تامىزدا بىشكەكتە «شانحاي بەستىگى» ەلدەرى باسشىلارىنىڭ ءسامميتى ءوتتى.
*2 قىركۇيەكتە پرەزيدەنت ن.ءا.نازارباەۆ استاناعا رەسمي ساپارمەن كەلگەن ارمەنيا پرەزيدەنتى ر.كوچەريانمەن كەزدەستى. ساپار ناتيجەسىندە ەكونوميكالىق ىنتىماقتاستىق جونىندەگى بىرىككەن كوميسسيا قۇرۋ تۋرالى كەلىسىمگە قول قويىلدى.
