سۋشا ساپىرىپ, قوعاشا جاپىرىپ

«ازاماتتارعا ارنالعان ۇكىمەت» مەملە­كەت­تىك كورپوراتسياسى كوممەرتسيالىق ەمەس اكتسيونەرلىك قوعامىنىڭ وبلىستىق فيليالى – جەر كاداسترى جانە جىلجى­مايتىن م ۇلىكتى تەحنيكالىق تەكسەرۋ دەپارتامەنتىنىڭ باسشىسى ەربول ءابدىراح­مانوۆ پارامەن ۇستالعاندا, وعان باعى­نىش­تىلار اراسىندا «ە, باسە, قاشانعى تالتاڭداپ جۇرە بەرسىن, سازايىن باياعى­دا تارتۋ كەرەك ەدى» دەۋشىلەردىڭ كوپ بول­عانى انىق. ويتكەنى, ول وسى مەكەمەگە جەتەك­شىلىك ەتكەن ەكى ايدىڭ ىشىندە كادر­لاردى سۋشا ساپىرىپ, قوعاشا جاپىرىپ, اڭگىرتاياق ويناتقان. بىرىنە جۇمىستان شىعارامىن دەپ ازۋ ءتىسىن اقسيتسا, ەكىن­شىسىنە قىزمەت بابى بويىنشا قامقور­لىق جاسايتىنىن ايتىپ, قوماقتى پارا تا­لاپ ەتكەن. قوستاناي جاقتاعى بىلىق-شىلىقتارىن جاسىرۋ ءۇشىن بەرى قاراي تابان جالتىرات­قانى جايلى كەزىندە باق-تار جارىسا جازعان بولاتىن. جۇرگەن جەرىن ۋلاتىپ-شۋلات­قان ونى قىزىلجار وڭىرىندەگى تەحني­كا­لىق تۇگەندەۋ بيۋروسىنا قالاي باسشى ەتىپ جىبەرگەنى تۇسىنىكسىز. ال بىلدەي دەپارتامەنتتىڭ قۇلاعىن ۇستاسىمەن ءاي-شايعا قاراماستان 7 ءبولىم مەڭگەرۋشىسىن تومەندەتىپ, ولاردىڭ ورنىنا ءوزىنىڭ ءسوزىن ەكى ەتپەيتىن «ءلاببايلاردى» جايعاستىرعان. اۋدانداردا دا وسىنشا ءبولىم باسشىلارىن قاتارداعى مامان ەتىپ جىبەرىپ, سەنىمدى «ءىزباسارلارىن» قونجيتقان. كومەكەيى كىلكىلدەپ, جەمساۋى بۇلكىل­دەپ تۇراتىن ە.ءابدىراحمانوۆ بۇل جولى 250 مىڭ تەڭگە كولەمىندە پارا الۋ ۇستىندە قۇرىقتالدى. ءوزىنىڭ قىلمىستىق ارەكەتتەرى بارىسىندا زاڭسىز تۇردە 1,5 ميلليون تەڭگە العانى بەلگىلى بولدى. ەندى ونى الدا اۋىر جازا كۇتىپ تۇر.  ومىر ەسقالي, «ەگەمەن قازاقستان» سولتۇستىك قازاقستان وبلىسى