«كونە تارازداعى» كورىكتى كەش

بىلتىر عانا تاراز ءتو­رىندە دۇبىرلەپ وتكەن قازاق حاندىعىنىڭ 550 جىلدىق مەرەيتويىنىڭ  باستى سىيلىعى – «كونە تاراز» تاريحي-مادەني ورتالىعىنىڭ اشىلۋى بولعان ەدى. مىنە, كونە قالانىڭ كوركىنە اي­نالعان وسىناۋ ورتالىق ب­ۇگىندە ءتۇرلى مەرەكەلىك ءىس-شارالاردىڭ ناعىز ورداسىنا اينالدى. سونداي  «تاۋەلسىزدىك – تۇ­عىرىم, قا­زاق حان­دى­عى – عۇمىرىم» اتتى ءما­دە­ني-كوپشىلىك ءىس-شارا­سىنىڭ باستى ماقساتى – ءتاۋ­ەلسىزدىگىمىزدىڭ 25 جىل­­دىق مەرەيتويىنا ءجا­نە قازاق حاندىعى مەن قازاق حالقىنىڭ تاريحىنا, وتكەنىنە, داستۇرىنە, ءما­دەنيەتىنە جانە مۇراسىنا قۇرمەتپەن قاراۋعا ارنالىپ, ءوڭىر مادەنيەتى مەن ونە­رىن, سالت-داستۇرلەرى مەن ادەت-عۇرىپتارىن ناسيحاتتاپ, ەل تاريحىن تانىتۋ بولدى. شارانىڭ سالتانات­تى اشىلۋىندا 110 دومبىرا­شىنىڭ قاتىسۋىمەن  قۇر­مانعازى كۇي­لەرىن ورىنداۋ­دان «كۇي شە­رۋى» مۋزى­كالىق فلەشموبى ۇيىم­­داستىرىلعانى بۇل كەش­كە كەلۋشىلەرگە ەرەكشە كۇش-قۋات, شابىت بەرگەنى انىق. «عا­جايىپ­تار الا­ڭىن­­دا» وبلىس­تىق ورىس جانە قازاق دراما تەاتر­لارىنىڭ ارتىستەرى فەيس-ارت ۇيىمداستىرىپ, ەرتەگى الەمىنە ساياحات جاسالدى. سونداي-اق, وبلىس ار­حيۆتەرى قورىنان جاساقتالعان «مۇ­راعات – تاريحي قازىنا» ءجا­دىگەرلەر كورمەسى ۇسىنىلدى. ال قالا تۇرعىندارى اراسىندا ۇيىم­داستىرىلعان «ءان – كوڭىلدىڭ اجارىندا»  كاراوكە ءان ايتۋ سايىسىندا كوپشىلىكتىڭ ۆوكالدىق دارىنى باعالاندى. بۇل كۇنى كوپشىلىك «اقىن­دار اۋىلىندا» وتكەن ايتىس­تى تاماشالاپ, اسىق اتتى, قازاقشا كۇرەسكە جانكۇيەر بولىپ, اشىق اسپان استىنداعى «كينو الەمى» الاڭىندا «قازاقفيلمنىڭ» «التىن قورىنداعى» ۇزدىك دە­رەكتى, كوركەم فيلمدەردى كوردى. ەلباسىنىڭ ءومىرى مەن ەڭبەك جولى تۋرالى تۇسىرىلگەن قازىر­گى كينەماتوگرافتاردىڭ تۋىندىلارى دا ۇسىنىلدى. وبلىستىق تاريحي-ولكە­تانۋ مۋزەيى «ساۋساعىنان ونەر تامعان شەبەرلەر» قولونەرشى, سۋرەتشىلەر كورمەسىن ۇيىم­داستىرىپ, قازاقستان سۋرەتشىلەر ودا­عى مۇشە­لەرىنىڭ تۋىندىلارى قويىلىپ, قىلقالام شە­بەر­­لەرى كەلۋشىلەردىڭ پور­ترەت­تەرىن سالدى. ورالحان ءداۋىت, «ەگەمەن قازاقستان» جامبىل وبلىسى