جەڭىل اتلەتيكانىڭ جامپوزى

ءامين تۇياقوۆتىڭ ءىزباسارلارى جارىس جولىنا شىقتى سپورت سالاسىندا قازاق­تىڭ اتاعىن اسپانداتىپ, مەرەيىن تاسىتقان ۇلداردىڭ ءبىرى – ءامين تۇياقوۆ. جەڭىل اتلەتيكادا حالقىمىزدىڭ تۋىن جەلبىرەتكەن جەلاياق سپورت الاڭىندا جۇرگەن كەزىندە تەك قازاقتىڭ, قازاقستاننىڭ ەمەس, بۇكىل كەڭەس وداعىنىڭ ماق­تانىشىنا اينالعان ەدى. ال ماڭعىستاۋلىقتار مۇنايلى تۇبەكتەگى شايىر اۋىلىندا 1937 جىلى دۇنيەگە كەلگەن ءامين اعانى ايرىقشا قۇرمەتتەيدى. سونىڭ ءبىر ايعاعى – كوزى ءتىرى ساڭلاقتى ارداقتاۋ ماقساتىندا جاڭاوزەن قالاسىندا ءامين تۇياقوۆ اتىنداعى سپورت سارايى اشىلسا, وقۋشىلار اراسىندا ءداستۇرلى ءامينيادا ويىندارى ءوتىپ تۇرادى. بيىل 8-ءشى رەت جالاۋىن كوتەرگەن بۇل سپورت سايىسى قاراقيا اۋدانىنىڭ قۇرىق اۋىلىندا 2001-2002 جانە 2003-2004 جىلدارى تۋىلعان جاسوسپىرىمدەر اراسىندا ۇيىمداستىرىلدى. اۋىل سپورتىن كوتەرۋ, اۋىلداعى جاستار اراسىنان جەڭىل اتلەتيكادا مىقتىلاردى انىقتاپ, رەسپۋبليكالىق جا­رىستارعا بارۋىنا جول اشۋ, ەلى­مىزدىڭ ابىرويىن اسىرار چەمپيونداردى دايىنداۋدى ماقسات ەتكەن سايىسقا 7 كوماندا قاتىسىپ, 30-دان استام جەلاياق ءوزارا سىنعا ءتۇستى. جەڭىل اتلەتيكانىڭ 3 ءتۇرى بويىنشا وتكىزىلگەن ءامينيادادا بالالار 100 م, 200 م, 400 م, 800 م, 1500 م جۇگىرۋدەن جانە 4ح100م. ەستا­فەتالىق جۇگىرۋدەن جارىستى. قاراقيا اۋدانىنىڭ اكىمى ءا.داۋىلباەۆ جانە داڭقتى جەل­اياق ءا.تۇياقوۆتىڭ ءوزى جارىس قورى­تىندىسىندا جەڭىمپازداردى ار­نايى سىيلىقتارمەن جانە توسبەل­گىلەرمەن ماراپاتتالادى. گۇلايىم شىنتەمىرقىزى, «ەگەمەن قازاقستان» ماڭعىستاۋ وبلىسى