تالدىقورعاندا باقىتبەك ەسەنتاەۆقا قاتىستى سوت وتىرىسى باستالدى

تالدىقورعاندا باقىتبەك ەسەنتاەۆقا قاتىستى سوت وتىرىسى باستالدى.  الماتى وبلىسىنىڭ قىلمىستىق ىستەر جونىندەگى مامانداندىرىلعان اۋدانارالىق سوتىنىڭ عيماراتىندا ءىس  جابىق رەجيمدە ءوتىپ جاتىر.  ءوزىنىڭ كولىگىندە جۇبايىن  زورلاپ, بىرنەشە  جەردەن پىشاقتاعان باقىتبەك ەسەنتاەۆ بىرنەشە  قىلمىستىق باپ بويىنشا ايىپتالۋدا. باقىتبەك ەسەنتاەۆ قر قك-ءنىڭ 24-باپ 3-ءبولىمى, 99-باپتىڭ 2-ءبولىمى 10-تارماعى (زورلاۋمەن نەمەسە سەكسۋالدىق سيپاتتاعى زورلىق-زومبىلىق ارەكەتتەرiمەن ۇشتاسقان ادام ولتiرۋگە وقتالۋ) 120-باپتىڭ 1-ءبولىمى (زورلاۋ) 121-باپتىڭ 1-ءبولىمى (سەكسۋالدىق سيپاتتاعى زورلىق-زومبىلىق ارەكەتتەرى)  بويىنشا ايىپ تاعىلعانى بەلگىلى بولدى. ەستەرىڭىزگە سالا كەتەيىك, بايان ماقساتقىزى ماۋسىمنىڭ ونى كۇنى بىرنەشە جەردەن پىشاقتالىپ, اۋىر جاراقاتپەن تالعار اۋدانىنداعى اۋرۋحاناعا تۇسكەن بولاتىن. بەلگىلى  پروديۋسەر, ەكى بالانىڭ اناسى بايان ماقساتقىزىن  ءوزىنىڭ كۇيەۋى ولتىرمەك بولدى دەگەن كۇدىكپەن باقىتبەك ەسەنتاەۆ ۇستالىپ, قاماۋعا الىندى. سونداي-اق قازىرگى  تاڭدا بايان بۇرىنعى تەگىنە قايتا ورالعان سىڭايلى. ول الەۋمەتتىك جەلىدەگى پاراقشالارىنا بايان ماقساتقىزى دەگەن وزگەرىس ەنگىزگەن.