«اق بۇلاق» باعدارلاماسىنا بارلىعى 396,8 ملرد تەڭگە بولىنگەن

«اق بۇلاق» باعدارلاماسى ىسكە اسىرىلا باستاعان 2011 جىلدان بەرى ەلدى مەكەندەردى سۋمەن قامتاماسىز ەتۋ ماقساتىندا رەسپۋبليكالىق بيۋدجەتتەن 396,8 ملرد. تەڭگە ءبولىندى. بۇل تۋرالى ۇكىمەت وتىرىسىندا ۇلتتىق ەكونوميكا ءمينيسترى قۋاندىق بيشىمباەۆ مالىمدەدى دەپ حابارلايدى egemen.kz ءتىلشىسى. 2011-2015 جىلدار ارالىعىندا ورتالىق سۋ جۇيەسىمەن قامتۋ قالالاردا 5 %-عا (82%-دان 87%-عا دەيىن), اۋىلداردا 9%-عا (42,5%-دان 51,5%-عا دەيىن) ءوستى. ورتالىق سۋ بۇرۋ جۇيەسى قالالاردا 8%-عا(73%-دان 82%-عا دەيىن), اۋىلداردا 2,2%-عا (8,8%-دان 11%-عا دەيىن) ۇلعايدى. سۋ قۇبىرلارىنىڭ توزۋى 6,1%-عا (67,9%-دان 61,8%-عا دەيىن), سۋ بۇرۋ جەلىلەرى 5,9%-عا (66,1-دان 60,2%-عا دەيىن) تومەندەگەن. وسى ماقساتتا رەسپۋبليكالىق بيۋدجەتتەن 396,8 ملرد. تەڭگە ءبولىندى. قالا مەن اۋىلداردا سۋمەن قامتۋ جانە سۋ بۇرۋ سالاسىندا 1493 جوبا ىسكە اسىرىلعان. بيىل «نۇرلى جول» جانە وڭىرلەردى دامىتۋ باعدارلامالارى ارقىلى 75 جوبانى ىسكە اسىرۋ ءۇشىن 62,1 ملرد. تەڭگە ءبولىندى, 2017 جىلعا 157 جوبانى ىسكە اسىرۋ ءۇشىن 53,0 ملرد. تەڭگە كوزدەلىپ وتىر, دەدى مينيستر