1998
*6 شىلدەدە پرەزيدەنت ن.ءا.نازارباەۆ رەسەيگە جۇمىس ساپارىمەن باردى. ساپار اياسىندا ەلباسى رەسەي پرەزيدەنتى ب.ەلتسينمەن جانە پرەمەر-مينيستر س.كيريەنكومەن كەزدەستى. باسقوسۋدا قازاقستان رەسپۋبليكاسى مەن رەسەي فەدەراتسياسى اراسىنداعى XXI عاسىرعا باعدارلانعان «ماڭگىلىك دوستىق پەن وداقتاستىق تۋرالى» دەكلاراتسياعا قول قويىلدى. وندا قازاقستان مەن رەسەي فەدەراتسياسىنىڭ پرەزيدەنتتەرى بەرىك بەيبىتشىلىك, تۇراقتىلىق جانە كەپىلدەندىرىلگەن قاۋىپسىزدىك جاعدايىندا XXI عاسىر ەكى مەملەكەت ءۇشىن دە جان-جاقتى دامۋعا, ەكونوميكا مەن مادەنيەتتى كوتەرۋگە كەڭ اۋقىمدى پەرسپەكتيۆالار اشاتىنىنا سەنىم بىلدىرگەن. بۇل تۋرالى «ەگەمەن قازاقستان» گازەتىنىڭ 7 شىلدە كۇنگى نومىرىندە «قازاقستان-رەسەي: ءححى عاسىرعا باعىتتالعان سارا جول» تاقىرىبىمەن ماقالا جاريالاندى.
*17 شىلدەدە شولپان-اتادا قازاقستان مەن قىرعىزستان باسشىلارى قازاقستان رەسپۋبليكاسى مەن قىرعىز رەسپۋبليكاسى اراسىنداعى مەملەكەتتىك شەكارانى دەليميتاتسيالاۋ تۋرالى مەموراندۋمعا قول قويدى.
* 24 تامىزدا قازاق ۇلتتىق مۋزىكا ونەرىن دامىتۋعا سىڭىرگەن اسا ۇزدىك ەڭبەگى مەن جوعارى كاسىبي شەبەرلىگى ءۇشىن كومپوزيتور نۇرعيسا تىلەنديەۆكە «حالىق قاھارمانى» اتاعى بەرىلىپ, ايرىقشا ەرەكشەلىك بەلگىسى – التىن جۇلدىز تاپسىرۋ جونىندەگى پرەزيدەنت جارلىعى شىقتى.
*25 تامىزدا عارىشكەر تالعات مۇساباەۆ عارىشتان ورالدى. بۇل جولى ول «مير» عارىش ستانساسى ەكيپاجىنىڭ كومانديرى بولىپ ورالدى. عارىشكەردى جەزقازعان جەرىندە ەلباسى نۇرسۇلتان نازارباەۆ قارسى الدى.
*3 قىركۇيەكتە پرەزيدەنت جارلىعىمەن الماتى وبلىسىنداعى قاسكەلەڭ اۋدانىنىڭ اتاۋى قاراساي اۋدانى بولىپ وزگەرتىلدى.
*11 قىركۇيەكتە الماتى وبلىسىنىڭ جامبىل اۋدانىندا قازاقتىڭ قاراساي باتىرىنىڭ تۋعانىنا 400 جىل تولۋىنا ارنالعان سالتانات بولىپ ءوتتى. سالتاناتقا قازاقستان مەن قىرعىزستاننىڭ باسشىلارى – نۇرسۇلتان نازارباەۆ پەن اسقار اقاەۆ قاتىستى.
* 18 قىركۇيەكتە «مەملەكەتتىك ورگاندار جۇيەسىن ودان ءارى وڭتايلاندىرۋ جونىندەگى شارالار تۋرالى» پرەزيدەنت جارلىعىنا قول قويىلدى. قازاقستان رەسپۋبليكاسىنىڭ ۇلتتىق قاۋىپسىزدىك كوميتەتىنىڭ اسكەري قۇرامى 1000 اسكەري قىزمەتشىگە, باس پروكۋراتۋرا 500 قىزمەتكەرگە قىسقارتىلدى. قازاقستان رەسپۋبليكاسىنىڭ پرەزيدەنتىنە تىكەلەي باعىناتىن جانە ەسەپ بەرەتىن مەملەكەتتىك ورگان رەتىندە قازاقستان رەسپۋبليكاسىنىڭ مەملەكەتتىك قىزمەت ىستەرى جونىندەگى اگەنتتىگى قۇرىلدى.
*6 شىلدەدە پرەزيدەنت ن.ءا.نازارباەۆ رەسەيگە جۇمىس ساپارىمەن باردى. ساپار اياسىندا ەلباسى رەسەي پرەزيدەنتى ب.ەلتسينمەن جانە پرەمەر-مينيستر س.كيريەنكومەن كەزدەستى. باسقوسۋدا قازاقستان رەسپۋبليكاسى مەن رەسەي فەدەراتسياسى اراسىنداعى XXI عاسىرعا باعدارلانعان «ماڭگىلىك دوستىق پەن وداقتاستىق تۋرالى» دەكلاراتسياعا قول قويىلدى. وندا قازاقستان مەن رەسەي فەدەراتسياسىنىڭ پرەزيدەنتتەرى بەرىك بەيبىتشىلىك, تۇراقتىلىق جانە كەپىلدەندىرىلگەن قاۋىپسىزدىك جاعدايىندا XXI عاسىر ەكى مەملەكەت ءۇشىن دە جان-جاقتى دامۋعا, ەكونوميكا مەن مادەنيەتتى كوتەرۋگە كەڭ اۋقىمدى پەرسپەكتيۆالار اشاتىنىنا سەنىم بىلدىرگەن. بۇل تۋرالى «ەگەمەن قازاقستان» گازەتىنىڭ 7 شىلدە كۇنگى نومىرىندە «قازاقستان-رەسەي: ءححى عاسىرعا باعىتتالعان سارا جول» تاقىرىبىمەن ماقالا جاريالاندى.
*17 شىلدەدە شولپان-اتادا قازاقستان مەن قىرعىزستان باسشىلارى قازاقستان رەسپۋبليكاسى مەن قىرعىز رەسپۋبليكاسى اراسىنداعى مەملەكەتتىك شەكارانى دەليميتاتسيالاۋ تۋرالى مەموراندۋمعا قول قويدى.
* 24 تامىزدا قازاق ۇلتتىق مۋزىكا ونەرىن دامىتۋعا سىڭىرگەن اسا ۇزدىك ەڭبەگى مەن جوعارى كاسىبي شەبەرلىگى ءۇشىن كومپوزيتور نۇرعيسا تىلەنديەۆكە «حالىق قاھارمانى» اتاعى بەرىلىپ, ايرىقشا ەرەكشەلىك بەلگىسى – التىن جۇلدىز تاپسىرۋ جونىندەگى پرەزيدەنت جارلىعى شىقتى.
* 25 تامىزدا عارىشكەر تالعات مۇساباەۆ عارىشتان ورالدى. بۇل جولى ول «مير» عارىش ستانساسى ەكيپاجىنىڭ كومانديرى بولىپ ورالدى. عارىشكەردى جەزقازعان جەرىندە ەلباسى نۇرسۇلتان نازارباەۆ قارسى الدى.
* 3 قىركۇيەكتە پرەزيدەنت جارلىعىمەن الماتى وبلىسىنداعى قاسكەلەڭ اۋدانىنىڭ اتاۋى قاراساي اۋدانى بولىپ وزگەرتىلدى.
*11 قىركۇيەكتە الماتى وبلىسىنىڭ جامبىل اۋدانىندا قازاقتىڭ قاراساي باتىرىنىڭ تۋىلعانىنا 400 جىل تولۋىنا ارنالعان سالتانات بولىپ ءوتتى. سالتاناتقا قازاقستان مەن قىرعىزستاننىڭ باسشىلارى – نۇرسۇلتان نازارباەۆ پەن اسقار اقاەۆ قاتىستى.
*18 قىركۇيەكتە «مەملەكەتتىك ورگاندار جۇيەسىن ودان ءارى وڭتايلاندىرۋ جونىندەگى شارالار تۋرالى» پرەزيدەنت جارلىعىنا قول قويىلدى. قازاقستان رەسپۋبليكاسىنىڭ ۇلتتىق قاۋىپسىزدىك كوميتەتىنىڭ اسكەري قۇرامى 1000 اسكەري قىزمەتشىگە, باس پروكۋراتۋرا – 500 قىزمەتكەرگە قىسقارتىلدى. قازاقستان رەسپۋبليكاسىنىڭ پرەزيدەنتىنە تىكەلەي باعىناتىن جانە ەسەپ بەرەتىن مەملەكەتتىك ورگان رەتىندە قازاقستان رەسپۋبليكاسىنىڭ مەملەكەتتىك قىزمەت ىستەرى جونىندەگى اگەنتتىگى قۇرىلدى.
*22 قىركۇيەكتە پرەزيدەنت ن.ءا.نازارباەۆ يتالياعا رەسمي ساپارمەن باردى. ساپار بارىسىندا يتاليا پرەزيدەنتى و.ل.سكالفارومەن جانە مينيسترلەر كەڭەسىنىڭ توراعاسى ر.پروديمەن كەزدەستى. نۇرسۇلتان نازارباەۆتىڭ يتالياعا بۇل رەسمي ساپارى ەكىجاقتى قاتىناستاردى ودان ءارى تەرەڭدەتۋگە ىقپال ەتتى. ەلباسى يتاليا پرەزيدەنتى و.ل.سكالفارومەن, مينيسترلەر كەڭەسىنىڭ توراعاسى ر.پروديمەن, ۆاتيكاننىڭ جانە ريم كاتوليك شىركەۋىنىڭ باسشىسى پاپا يوانن پاۆەل ءىى-مەن كەلىسسوزدەر جۇرگىزدى. قاسيەتتى تاق پەن قازاقستان رەسپۋبليكاسى اراسىنداعى ءوزارا تۇسىنىستىك تۋرالى كەلىسىمدى ايرىقشا ءبولىپ ايتۋ كەرەك. قازاقستان وسىنداي قۇجاتقا قول قويعان تمد-داعى تۇڭعىش مەملەكەت بولدى. كەلىسىمگە قول قويىلعاننان كەيىن تاراتىلعان ۆاتيكاننىڭ رەسمي مالىمدەمەسىندە اتالعان كەلىسىمدى جاساسۋ «تاريحي وقيعا» دەپ اتالدى. ساپار بارىسىندا يتاليا رەسپۋبليكاسىنىڭ پرەزيدەنتى وسكار سكالفاروعا «دوستىق» وردەنى تاپسىرىلدى.
* 7 قازاندا «قازاقستان رەسپۋبليكاسىنىڭ كونستيتۋتسياسىنا وزگەرىستەر مەن تولىقتىرۋلار ەنگىزۋ تۋرالى» زاڭ قابىلداندى. پرەزيدەنتتىك بيلىك مەرزىمى 5 جىلدان 7 جىلعا اۋىستىرىلدى. سايلاۋشىلاردىڭ 50 پايىزدان استامى داۋىس بەرۋگە قاتىسسا, سايلاۋ وتكىزىلدى دەپ ەسەپتەلەتىن بولدى. «مەملەكەتتىك قىزمەتشىنىڭ جاسى الپىس جاستان, ال ەرەكشە جاعدايلاردا الپىس بەس جاستان اسپاۋعا ءتيىس» دەگەن سوزدەر الىنىپ تاستالدى. پارلامەنت ءماجىلىسىنىڭ دەپۋتاتتارىن سايلاۋ پارتيالىق تىزىمدەر ارقىلى دا جۇرگىزىلەتىن بولىپ بەلگىلەندى.
* 12 قازاندا رەسەي پرەزيدەنتى بوريس ەلتسين قازاقستانعا رەسمي ساپارمەن كەلدى. قازاقستان پرەزيدەنتى نۇرسۇلتان نازارباەۆقا رەسەي فەدەراتسياسىنىڭ ەڭ جوعارى ناگراداسى – قاسيەتتى اۋليە اندرەي پەرۆوزۆاننىيدىڭ وردەنى تاپسىرىلدى. ەكى ەل باسشىلارى 1998-2007 جىلدارعا ارنالعان ەكونوميكالىق ىنتىماقتاستىق تۋرالى شارتقا جانە قازاقستان رەسپۋبليكاسى مەن رەسەي فەدەراتسياسى اراسىنداعى مەملەكەتتىك شەكارانى دەليميتاتسيالاۋ تۋرالى قاۋلىعا قول قويدى.
* 28 قازاندا پرەزيدەنت نۇرسۇلتان نازارباەۆ تۇرىك رەسپۋبليكاسى تاۋەلسىزدىگىنىڭ 75 جىلدىعىنا ارنالعان سالتاناتقا قاتىستى.
*29 قازاندا انكارادا قازاقستان پرەزيدەنتى نۇرسۇلتان نازارباەۆ, ازەربايجان پرەزيدەنتى گەيدار اليەۆ, گرۋزيا پرەزيدەنتى ەدۋارد شەۆاردنادزە, وزبەكستان پرەزيدەنتى يسلام كاريموۆ, تۇركيا پرەزيدەنتى سۇلەيمەن دەميرەل مۇنايدى «شىعىس – باتىس» ءدالىزى ارقىلى الەمدىك نارىققا تاسىمالداۋ تۋرالى دەكلاراتسياعا قول قويدى.
*30-31 قازان كۇندەرى پرەزيدەنت ن.ءا.نازارباەۆ وزبەكستاندا رەسمي ساپارمەن بولدى. ساپار بارىسىندا ەلباسى وزبەكستان پرەزيدەنتىمەن كەزدەسىپ, بىرقاتار قۇجاتتارعا قول قويدى. قازاقستان پرەزيدەنتىنە وزبەكستاننىڭ ەڭ جوعارى مەملەكەتتىك ناگراداسى – «بۋيۋك حيزماتلاري ۋچۋن» وردەنى تابىس ەتىلدى. ەكى ەل باسشىلارى قازاقستان رەسپۋبليكاسى مەن وزبەكستان رەسپۋبليكاسى اراسىنداعى «ماڭگىلىك دوستىق تۋرالى» شارتقا قول قويدى.
* 12 قاراشادا قازاقستان رەسپۋبليكاسىنىڭ سىبايلاس جەمقورلىققا قارسى مەملەكەتتىك كوميسسياسى قۇرىلدى.
* 15 جەلتوقساندا استاناداعى كونگرەسس-حوللدا رەسپۋبليكانىڭ تاۋەلسىزدىك كۇنىنە ارنالعان سالتاناتتى ءماجىلىس وتكىزىلدى. وندا مەملەكەت باسشىسى ءسوز سويلەدى. بۇل جونىندە «ەگەمەن قازاقستان» گازەتىنىڭ 16 جەلتوقسان كۇنگى نومىرىندە ەلباسى ءسوزىن نەگىزگە العان «جاساي بەر, تاۋەلسىز قازاقستان» تاقىرىبىمەن ماقالا جارىق كوردى.
*22 جەلتوقساندا قازاقستان رەسپۋبليكاسىنىڭ «نەكە جانە وتباسى تۋرالى» زاڭى باسپاسوزدە جاريالاندى. وسى كۇنى پرەزيدەنت جانىنداعى كونسۋلتاتيۆتىك-كەڭەسشى ورگان – وتباسى جانە ايەلدەر ىستەرى جونىندەگى ۇلتتىق كوميسسيا قۇرۋ تۋرالى ەلباسى جارلىعى شىقتى.
*30 جەلتوقساندا پرەزيدەنت جارلىعىمەن 1999 جىل «ۇرپاقتار بىرلىگى مەن ساباقتاستىعى جىلى» دەپ جاريالاندى.
