ۇلتتىق مۋزەيدىڭ «استانا» ۇلتتىق سۋرەت گالەرەياسىندا ەل تاۋەلسىزدىگىنىڭ 25 جىلدىعىنا ارنالعان « ۇلى دالا مۇراسى» اتتى ساندىك-قولدانبالى ونەر تۋىندىلارىنىڭ كورمەسى اشىلدى.
قولونەر – اتادان بالاعا داريتىن كاسىپ. سونىڭ ايعاعىنداي, ەل ىشىندە ون ساۋساعىنان ونەرى تامعان, قولونەردىڭ سان سالاسىن مەڭگەرگەن ىسمەرلەر از ەمەس. وعان قوسا, بۇل كۇندە جوعارى وقۋ ورىندارىندا قولونەردىڭ ءتۇر-ءتۇرى بويىنشا ارنايى ماماندار دايارلانىپ شىعادى. گالەرەياعا قويىلعان ونەر تۋىندىلارى ىشىندە جەكە ادامداردىڭ دا, جوعارى وقۋ ورىندارى وقىتۋشىلارى مەن ستۋدەنتتەردىڭ دە ۇزدىك جۇمىستارى بولدى. بۇل ورايدا قازاق ۇلتتىق ونەر ۋنيۆەرسيتەتى مەن قازاق تەحنولوگيا جانە بيزنەس ۋنيۆەرسيتەتى وقىتۋشىلارى, قىتايدان كەلگەن قانداستارىمىز كەرەمەت اشەكەيلەنگەن, اسەم بوياۋلى, اعاش, تەرى, سۇيەكتەن جاسالعان بۇيىمدارىن قويدى. سونداي-اق, توقىما, كيىزدەن جاسالعان تۋىندىلار قويىلدى. بۇل بۇيىمداردىڭ بىرقاتارى زەرگەرلىك ونەردىڭ بيىك دارەجەسىنە جەتىپ, حالىقارالىق كورمە, فەستيۆالدەرگە قاتىسۋشى شەبەرلەردىڭ قولىنان شىققان ەكەن. كورمە جايىندا پىكىرىن بىلدىرگەن «استانا» ۇلتتىق سۋرەت گالەرەياسىنىڭ ءبولىم باسشىسى, كورمەنى ۇيىمداستىرۋشى عاليا باكىرلانوۆا كورمەنىڭ جاس ۇرپاققا كەرەمەت پاتريوتتىق, ەستەتيكالىق تاربيە بەرەتىنىن, رۋحاني ازىعىن سىيلايتىنىن ايتتى.
– ءبىز وسىنداي تاماشا تۋىندىلاردى كورگەندە ءوزىمىزدىڭ باي مادەنيەتىمىز ءۇشىن, حالىق ىشىندە كەرەمەت تالانتتى ادامداردىڭ بار بولعانى ءۇشىن ماقتانىش سەزىمدە بولامىز. ءويتكەنى, بۇل كەز كەلگەن ادامنىڭ قولىنان كەلە بەرمەيدى. اسقان شىدامدىلىقتى, ۇقىپتىلىقتى, ەڭ باستىسى – تالانتتى قاجەت ەتەتىن ونەر بۇل. اسىرەسە, كورمەگە كەلىپ جاتقان جاستار ەلىمىزدىڭ مادەنيەتى مەن ونەرىنەن جان ازىعىن الاتىنى قۋانتادى. ەكىنشىدەن, ەرتەڭگى كۇنى ەكسپو-عا الدىمەن وسىنداي قولونەر بۇيىمدارىن شىعارامىز عوي. سوندا «قازاقستاندا جاسالعان» دەگەن بەلگى ءۇشىن دە مارقاياتىن بولامىز, – دەيدى عاليا باكىرلانوۆا.
كورمە سوڭى قولونەردىڭ ءار تۇرىنەن, اتاپ ايتقاندا, كيىز بۇيىمدارىن جاساۋدان, تەرى وڭدەۋدەن, ءبىز كەستە مەن ينە كەستەنى قولدانىپ, ويۋ-ورنەكتەر سالۋدان, اعاش وڭدەۋ مەن قىش وڭدەۋدەن شەبەرلىك سىنىپتارى وتكىزىلدى. شەبەرلىك-سىنىپتارىن ءوز سالالارى بويىنشا 17 شەبەر جۇرگىزدى.
ايگۇل سەيىلوۆا,
«ەگەمەن قازاقستان»
سۋرەتتى تۇسىرگەن
ورىنباي بالمۇرات,
«ەگەمەن قازاقستان»
ۇلتتىق مۋزەيدىڭ «استانا» ۇلتتىق سۋرەت گالەرەياسىندا ەل تاۋەلسىزدىگىنىڭ 25 جىلدىعىنا ارنالعان « ۇلى دالا مۇراسى» اتتى ساندىك-قولدانبالى ونەر تۋىندىلارىنىڭ كورمەسى اشىلدى.
قولونەر – اتادان بالاعا داريتىن كاسىپ. سونىڭ ايعاعىنداي, ەل ىشىندە ون ساۋساعىنان ونەرى تامعان, قولونەردىڭ سان سالاسىن مەڭگەرگەن ىسمەرلەر از ەمەس. وعان قوسا, بۇل كۇندە جوعارى وقۋ ورىندارىندا قولونەردىڭ ءتۇر-ءتۇرى بويىنشا ارنايى ماماندار دايارلانىپ شىعادى. گالەرەياعا قويىلعان ونەر تۋىندىلارى ىشىندە جەكە ادامداردىڭ دا, جوعارى وقۋ ورىندارى وقىتۋشىلارى مەن ستۋدەنتتەردىڭ دە ۇزدىك جۇمىستارى بولدى. بۇل ورايدا قازاق ۇلتتىق ونەر ۋنيۆەرسيتەتى مەن قازاق تەحنولوگيا جانە بيزنەس ۋنيۆەرسيتەتى وقىتۋشىلارى, قىتايدان كەلگەن قانداستارىمىز كەرەمەت اشەكەيلەنگەن, اسەم بوياۋلى, اعاش, تەرى, سۇيەكتەن جاسالعان بۇيىمدارىن قويدى. سونداي-اق, توقىما, كيىزدەن جاسالعان تۋىندىلار قويىلدى. بۇل بۇيىمداردىڭ بىرقاتارى زەرگەرلىك ونەردىڭ بيىك دارەجەسىنە جەتىپ, حالىقارالىق كورمە, فەستيۆالدەرگە قاتىسۋشى شەبەرلەردىڭ قولىنان شىققان ەكەن. كورمە جايىندا پىكىرىن بىلدىرگەن «استانا» ۇلتتىق سۋرەت گالەرەياسىنىڭ ءبولىم باسشىسى, كورمەنى ۇيىمداستىرۋشى عاليا باكىرلانوۆا كورمەنىڭ جاس ۇرپاققا كەرەمەت پاتريوتتىق, ەستەتيكالىق تاربيە بەرەتىنىن, رۋحاني ازىعىن سىيلايتىنىن ايتتى.
– ءبىز وسىنداي تاماشا تۋىندىلاردى كورگەندە ءوزىمىزدىڭ باي مادەنيەتىمىز ءۇشىن, حالىق ىشىندە كەرەمەت تالانتتى ادامداردىڭ بار بولعانى ءۇشىن ماقتانىش سەزىمدە بولامىز. ءويتكەنى, بۇل كەز كەلگەن ادامنىڭ قولىنان كەلە بەرمەيدى. اسقان شىدامدىلىقتى, ۇقىپتىلىقتى, ەڭ باستىسى – تالانتتى قاجەت ەتەتىن ونەر بۇل. اسىرەسە, كورمەگە كەلىپ جاتقان جاستار ەلىمىزدىڭ مادەنيەتى مەن ونەرىنەن جان ازىعىن الاتىنى قۋانتادى. ەكىنشىدەن, ەرتەڭگى كۇنى ەكسپو-عا الدىمەن وسىنداي قولونەر بۇيىمدارىن شىعارامىز عوي. سوندا «قازاقستاندا جاسالعان» دەگەن بەلگى ءۇشىن دە مارقاياتىن بولامىز, – دەيدى عاليا باكىرلانوۆا.
كورمە سوڭى قولونەردىڭ ءار تۇرىنەن, اتاپ ايتقاندا, كيىز بۇيىمدارىن جاساۋدان, تەرى وڭدەۋدەن, ءبىز كەستە مەن ينە كەستەنى قولدانىپ, ويۋ-ورنەكتەر سالۋدان, اعاش وڭدەۋ مەن قىش وڭدەۋدەن شەبەرلىك سىنىپتارى وتكىزىلدى. شەبەرلىك-سىنىپتارىن ءوز سالالارى بويىنشا 17 شەبەر جۇرگىزدى.
ايگۇل سەيىلوۆا,
«ەگەمەن قازاقستان»
سۋرەتتى تۇسىرگەن
ورىنباي بالمۇرات,
«ەگەمەن قازاقستان»
سوڭعى جاڭالىقتار
پەداگوگتەردى اتتەستاتسيالاۋ جۇيەسى جاڭارتىلادى
ءبىلىم • كەشە
اتىراۋ وبلىسىندا جەر ۋچاسكەلەرى مەملەكەتكە قايتارىلدى
ايماقتار • كەشە
اتوم ەنەرگەتيكاسى سالاسى: ۇزاق مەرزىمدى باعدار ايقىندالدى
ەنەرگەتيكا • كەشە
جاپونيادا 7,7 بالدىق جەر سىلكىنىسى تىركەلدى
تابيعات • كەشە
